२५ जिल्लाका यी क्षेत्रमा विस्तार गरिँदैछ विद्युतीय चार्जिङ स्टेसन

A+ A A-

नेपाल विद्युत्‌ प्राधिकरणले विद्युतीय सवारी चार्जिङ पूर्वाधार विकास आयोजना अन्तर्गत अहिले सात प्रदेशका मुख्य राजमार्ग, बसपार्क र ठूला शहरहरू पर्ने ५१ स्थानमा चार्जिङ स्टेसन निर्माण भइहेको छ । त्यसमध्ये २६ वटा ठूला बस, माइक्रो, ट्रक, पिकअप तथा कार र २५ वटा साना/ ठूला कारहरू चार्ज गर्न मिल्ने प्राधिकरणले जनाएको छ ।

नेपाल प्रहरी र सशष्त्र प्रहरी बलद्वारा सञ्चालित तथा प्रस्तावित पेट्रोल पम्प र कार्यालयहरूका उपयुक्त स्थानमा चार्जिङ स्टेसन निर्माणका लागि समझदारीपत्रमा हस्ताक्षर गरिएको छ । चार्ज गर्दा कारहरूमा औसत सत्तरी पैसा, एसयूभीहरूमा असी पैसा, माइक्रोबसमा नब्बे पैसा र बशहरूमा एक रुपैयाँ बीस पैसा प्रति किलोमिटर खर्च लाग्नेछ । नेपालमा उपलब्ध सवारीसाधनहरूमा रहेको ब्याट्री क्षमताअनुसार कम्तीमा आधा घण्टादेखि १ घण्टासम्ममा चार्ज पूर्ण हुन सक्छ ।

आन्तरिक रूपमा विद्युत्‌को खपत बढाउन, पेट्रोलियम पदार्थको खपत कम गरी आयात घटाउन र विद्युतीय सवारीसाधान प्रयोगमार्फत वातावरण मैत्री यातायात प्रणालीको विकासका चार्जिङ स्टेसन स्थापना गर्न लागिएको हो ।

हरेक चार्जिङ स्टेसनमा १४२ किलोवाट क्षमताको चार्जर, त्यसमा विद्युत्‌ आपूर्तिका लागि ५० केभीएको ट्रान्सफर्मर, अनलाइन बिलिङ प्रणाली जडान गरिएको छ । चार्जिङ स्टेसनमा छिटो चार्ज गर्न मिल्ने ६०/६० किलोवाटका डीसी र २२ किलोवाटका एसी चार्जरहरू राखिनेछन् । यसबाट ठूला बससहित तीनवटा सवारीसाधनले एकसाथ चार्ज गर्न सकिनेछ ।

कहाँ- कहाँ बन्दै छन् चार्जिङ स्टेसन "

क्र.स	चार्जर राख्ने स्थान	जिल्ला	जम्मा संख्या
१	बिर्तामोड बसपार्क	झापा	२
२	दमक चार्जिङ केन्द्र	झापा	२
३	विराटनगर बसपार्क	मोरङ	१
४	इनरुवा बसपार्क	सुनसरी	१
५	बेलका चार्जिङ केन्द्र	उदयपुर	२
६	प्रहरी कल्याण कोष पेट्रोल पम्प, कदमाहा	सप्तरी	२
७	हरिऔन रिफ्रेस सेन्टर	सर्लाही	१
८	इलाका प्रहरी कार्यालय, निजगढ	बारा	२
९	हेटौँडा चार्चिङ सेन्टर, रातामाटे	मकवानपुर	२
१०	पारस बसपार्क	चितवन	२
११	मुग्लिन पुल	चितवन	१
१२	इलाका प्रहरी कार्यालय, खानीखोला	धादिङ	२
१३	साझा सेवा, बल्खु	काठमाडौं	२
१४	साझा यातायात	ललितपुर	२
१५	साझा सेवा	बनेपा	२
१६	नेपाल पुलिस क्लब	काठमाडौं	१
१७	नेपाल विद्युत्‌ प्राधिकरण	काठमाडौं	१
१८	लुम्बिनी प्रदेश प्रहरी कार्यालय, बुटवल	रुपन्देही	२
१९	इलाका प्रहरी कार्यालय, वर्दघाट	नवलपरासी	२
२०	भैरहवा बसपार्क	रुपन्देही	१
२१	इलाका प्रहरी कार्यालय, गोरुसिंघे	कपिलवस्तु	२
२२	लमही नयाँ बसपार्क	दाङ	२
२३	नेपाल एपीएफ स्कुल, कोहलपुर	बाँके	२
२४	सशस्त्र प्रहरी बल , वैद्यनाथ बाहिनी कैलाली	कैलाली	१
२५	नयाँ बसपार्क, सुर्खेत	सुर्खेत	२
२६	पर्यटक बसपार्क, पोखरा	कास्की	१
२७	लेकसाइड	कास्की	१
२८	बसपार्क र हावा घर	नुवाकोट	२
२९	सिन्धुलीगढी बसपार्क	सिन्धुली	१
३०	खुर्कोट रिफ्रेस सेन्टर	सिन्धुली	२
३१	इलाका प्रहरी कार्यालय, बर्दिबास	महोत्तरी	१
३२	सशस्त्र प्रहरी बल, शैलेश्वरी	कञ्चनपुर	१
जम्मा			५१