सनसिल्कले सार्वजनिक गर्‍यो तीन नयाँ प्याक

A+ A A-

सनसिल्कले तीनवटा नयाँ प्याक सर्वजनिक गरेको छ । कम्पनीले गत वर्ष दसैँमा सञ्चालन गरेको कपालको प्रदर्शनका प्रतियोगिताका विजेताहरूको तस्वीर राखेर नयाँ प्याक ल्याएको हो ।

कम्पनीले उक्त प्रतियोगितामा नेपाली युवतीहरूलाई आफ्नो कपालको प्रदर्शन गरी सनसिल्क ग्याङ अफ गर्ल्सको हिस्सा बनेर ब्रान्डसँग आबद्ध हुने मौका दिएको थियो ।

प्रतियोगिता जित्दै आशिना देउला, प्रतिमा कार्की र लालना चिमरियाले अन्तिम चरणको फिनालेमा जित हासिल पार्दै सनसिल्कका ब्रान्ड एम्बेसडर प्रिन्सी र प्रिज्माका साथमा ब्रान्डको प्रतिनिधित्व गर्न जोडिने अवसर पाएका हुन् ।

यस ‘दसैँ स्पेसल लिमिटेड एडिसन प्याक’मा हेयरफल सोलुसन, ब्ल्याक साइन र पर्फेक्ट स्ट्रेट गरी तीनवटा छन् । यीमध्ये पर्फेक्ट स्ट्रेट नेपालमा पहिलोपटक पेस गरिएको हो ।

सनसिल्क नेपालको सर्वाधिक ठूलो सौन्दर्य ब्रान्ड भएको युनिलिभरका प्रबन्ध निर्देशक आमलन मुखर्जीले बताए ।

गत वर्षको दसैँमा आयोजित दसैँ भाइब्स प्रतियोगिताका विजेताहरू सनसिल्क ग्याङ अफ गर्ल्सलाई प्रस्तुत गर्न पाउँदा आफूहरू निकै हर्षित भएको उनले बताए ।

‘यस प्रतियोगिता आफैँमा एक अभूतपूर्व सफल अभियान थियो । प्रतियोगिताको भिडियो फेसबुक, इन्स्टाग्राम र टिकटकमा ६ करोडभन्दा बढी भ्युज प्राप्त गरेको थियो भने २ हजार ८ सय ५४ जनाले सहभागिता जनाएका थिए,’ उनले भने ।

सनसिल्क नेपालले सनसिल्क दसैँ भाइब्स दोस्रो वर्षका लागि पनि सुरु गर्ने तयारी गरेको छ । यस अभियानले लाखौँ नेपाली नेपाली युवतीहरूलाई आफ्नो सुन्दर कपाललाई प्याकमा प्रदर्शन गर्न पाउने अवसर फेरि पनि प्रदान गर्ने कम्पनीले जनाएको छ ।
यस वर्ष सनसिल्क दसैँ भाइब्स २ ले अघिल्लो वर्षको रेकर्डलाई उछिन्दै नयाँ रेकर्ड कायम गर्ने कम्पनीको अपेक्षा छ ।

प्रकाशित मिति: मंगलबार, भदौ ७, २०७९ १४:२७