गाडी किन्दै हुनुहुन्छ ? यी हुन् नेपालमा पाइने सस्ता गाडी

A+ A A-

गएकाे बिहीबार पत्रकार विष्णु तारुके गाडी किन्न बालकुमारीस्थित सुजुकी गाडीको शोरुम ‘नारायणी अटो बिजनेस’ पुगे । पहिलोपटक गाडी किन्न लागेका उनले सुजुकीको सेलिरियो गाडी मन पराए ।

‘मलाई रहर त विद्युतीय गाडी हो । विद्युतीय गाडी अलि महँगो र रेन्ज पनि धेरै नदिने भएकाले सेलिरियो रोजेँ,’ उनले भने, ‘यो गाडी ३० लाख आसपास पर्नेरहेछ । माइलेज, ग्राउण्ड क्लियरेन्स, लेटेस्ट टेक्नोलोजी भएको र अफोर्टेबल पनि रहेछ । त्यसैले यही किनेँ ।’

तारुके मात्र होइन, पहिलोपटक गाडी खरिद गर्ने अधिकांश खरिदकर्ताहरूले रिसेल भ्यालु राम्रो भएको, स्पेयर पार्ट्स सजिलै र सस्तो पाइने, धेरै माइलेज दिने विशेषता भएका गाडी नै खरिद गर्ने गरेकाे नारायणी अटो बिजनेसका सञ्चालक तथा नाडा अटोमोबाइल्स एसोसिएसन अफ नेपालका सचिव अनुपकुमार बराल बताउँछन् ।

‘ठीकैको आम्दानी भएको मान्छेलाई ३० लाखसम्मका गाडी किन्न कठिन छैन । ५० प्रतिशत डाउन पेमेन्ट गर्दा सुरुमा १५ लाख तिर्नुपरे पनि मासिक १८/२० हजार किस्ता तिर्दा हुन्छ,’ उनले भने ।

यस्ता इन्ट्री लेबलका गाडीलाई सरकारले विलासिताका सामान मात्र मान्न नहुने उनको तर्क छ ।

‘स–परिवार कतै जानुपर्‍यो भने गाडी नभइ हुँदैन । यस्ता सस्ता गाडीलाई सरकारले विलासिताका सामान भनेर आयातमा प्रतिबन्ध लगाउनु हुँदैन,’ उनले भने ।

३० लाख रुपैयाँसम्मका गाडीले एउटा सामान्य मान्छेको गाडी चढ्ने सपना पूरा गर्ने हुँदा यसलाई विलासिता नभइ आधारभूत आवश्यकता मान्नुपर्ने नाडा अटोमोबाइल्स एसोसिएसन अफ नेपालका अध्यक्ष ध्रुव थापा बताउँछन् ।

‘सरकारले यस्ता सवारीसाधनलाई सीसीका आधारमा भन्दा पनि मूल्यका आधारमा नीति बनाउनुपर्छ । उदाहरणका लागि १५०० सीसीको गाडी ३० लाखमा पनि पाइन्छ, १ करोड पनि पर्छ,’ उनले भने ।

शिलापत्रको हाटबजार स्तम्भमा यसपटक हामीले नेपाली बजारमा पाइने ३० लाख रुपैयाँसम्मका गाडीका मोडल, इन्जिन क्षमता र मूल्यका बारेमा जानकारी दिदैँछौँ:

मारुती सुजुकी

मोडल – अल्टो ८०० एलएक्सआई
इन्जिन क्षमता – ७९६ सीसी
मूल्य – २३ लाख ९९ हजार

मोडल – वागनार भीएक्सआई (०) १.० लि.
इन्जिन क्षमता – ९९८ सीसी
मूल्य – २८ लाख ९९ हजार

मोडल – वागनआर जेडएक्सआई १.२ लि.
इन्जिन क्षमता – १९९७ सीसी
मूल्य – ३० लाख ९९ हजार

मोडल – एस प्रेसो भीएक्सआई प्लस
इन्जिन क्षमता – ९९९ सीसी
मूल्य – २६ लाख ९९ हजार

मोडल – सेलिरियो भीएक्सआई
इन्जिन क्षमता – ९९८ सीसी
मूल्य – २७ लाख ९९ हजार

मोडल– सेलिरियो जेडएक्सआई
इन्जिन क्षमता – ९९८ सीसी
मूल्य – २९ लाख ९९ हजार

हुण्डाई

मोडल – स्यान्ट्रो इरा
इन्जिन क्षमता –१०८६ सीसी
मूल्य – २५ लाख ९६ हजार

मोडल – स्यान्ट्रो माग्ना
इन्जिन क्षमता – १०८६ सीसी
मूल्य – २७ लाख ९६ हजार

मोडल – स्यान्ट्रो स्पोर्ट्ज
इन्जिन क्षमता –१०८६ सीसी
मूल्य – २९ लाख ९० हजार