ऊर्जामन्त्रीको प्रश्न- हामी विद्युत् खपत बढाऔँ भन्दै हिँड्ने, कर्मचारी भने एउटा मिटर जोड्न महिनौँ लगाउने ?

ऊर्जामन्त्रीको प्रश्न- हामी विद्युत् खपत बढाऔँ भन्दै हिँड्ने, कर्मचारी भने एउटा मिटर जोड्न महिनौँ लगाउने ?

A+ A A-

ऊर्जा, जलस्रोत तथा सिँचाईमन्त्री पम्फा भुसालले मन्त्रालयले अब विद्युतीय सवारीसाधन मात्र खरिद गर्नुपर्ने बताएकी छन् ।

नेपाल विद्युत् प्राधिकरणको ३७औँ वार्षिकोत्सव समारोहमा बुधबार मन्त्री भुसालले प्राधिकरण र उर्जा मन्त्रालयले विद्युतीय गाडी मात्र खरिद गर्नुपर्ने बताएकी हुन् ।

‘विद्युत् खपत गर्ने नीति तथा कार्यक्रम सँगै अगाडि बढाएका छौँ । सरकारले विद्युत्‌को खपत बढाउन धेरै प्रकारका कार्यक्रम सञ्चालन गरिरहेको छ । प्राधिकरणले सवारी साधन खरिद गर्दा विद्युतीय सवारी साधन खरिद गर्ने साथै चार्जिङ स्टेसन बनाउँदै विद्युतीय पूर्वाधारहरूको विस्तारलाई तीव्र रूपमा अगाडि बढाउनुपर्छ,’ भुसालले भनिन्, ‘ऊर्जा मन्त्रालयमा पनि यही कुरा लागू गरेका छौँ । अब खरिद गरिने सवारीसाधन विद्युतीय मात्रै हुनुपर्नेछ । विद्युत् खपत बढाउनको लागि वर्षा आम र गर्मी समयको फरक-फरक विद्युत महशुल निर्धारण गरिएको छ ।’

प्राधिकरणले विद्युतीय चुलोको प्रयोग बढाउँदै लाने योजनालाई प्रभावकारी ढङ्गबाट अघि बढाउनुपर्ने बताइन् । ‘विदेशी ग्यास छोडौँ स्वदेशी विद्युत् जोडौँ’ भन्ने नाराका साथ विद्युतीय चुलोको प्रयोग बढाउँदै लाने योजनालाई प्रभावकारी ढङ्गबाट अघि बढाउनु पर्नेछ,’ भुसालले भनिन्, ‘यसका लागि धेरै विद्युत् खपत गर्ने ग्राहकलाई विद्युत् महशुलमा छुट दिने निर्णय भएको छ ।’

विद्युत् खपत बढाउन विद्युतीय सवारीसाधन खरिद गर्ने साथै चार्जिङ स्टेसन बनाउँदै विद्युतीय पूर्वाधारहरूको विस्तारलाई तीव्र रूपमा अगाडि बढाउनुपर्ने आवश्यकता रहेको उनको भनाइ छ ।

मिटर जोड्न महिनौँ लगाउने प्राधिकरणका कर्मचारीहरूलाई कारबाही गर्न भुसालले निर्देशन दिइन् । मिटर जोड्ने कामलाई महिनौँ लगाउने प्रवृत्ति अन्त्य हुनुपर्ने उनको भनाइ थियो ।

‘मिटर जोड्न महिनौँ लगाउने प्राधिकरणका कर्मचारीहरूलाई कारबाही गर्न पनि निर्देशन दिन्छु । हामी मन्त्रालयका मन्त्री र कर्मचारी विद्युत् खपत बढाउन अनुरोध गर्दै हिँड्ने, तर तलबाट एउटा मिटर जोड्नभन्दा महिनौँ नगर्ने प्रवृत्तिको अन्त्य हुनुपर्छ,’ भुसालले भनिन्, ‘समयमा काम नगर्ने कर्मचारीलाई आवश्यक विभागीय कारबाही गर्न म अनुरोध गर्छु ।’

निजी क्षेत्रले भोगेका समस्यामा सरकार गम्भीर रहेको उनको भनाइ छ । विद्युत् उत्पादनको क्षेत्रमा निजी क्षेत्रसँग सहकार्य गर्दै अगाडि बढेको उनले बताइन् । सरकारसँग सम्झौता गरेर विद्युत् उत्पादन नगरी खोला नदी ओगट्ने कम्पनी निषेध गर्ने नीति लिएको उनले जानकारी दिइन् ।

‘निजी क्षेत्रले निर्माण गरेका र निर्माण गरिहेका आयोजनाहरूले भोग्नुपरेका समस्याको विषयमा सरकार गम्भीर रहेको छ । सरकार विद्युत् उत्पादनको क्षेत्रमा निजी क्षेत्रसँग सहकार्य गर्दै अगाडि बढेको छ,’ भुसालले भनिन्, ‘प्राधिकरण विद्युत् सम्झौता गरेका ३ हजार २ सय मेगावट जलविद्युत् निर्माणाधीन अवस्थामा छन् । करिब १६ सय मेगावट विद्युत् खरिद बिक्री सम्झौता (पीपीए) गरेर पनि काम नगरी खोला नदी ओगटेर बस्ने कम्पनीलाई निषेध गरी काम गर्ने कम्पनीलाई प्रवर्द्धन गर्ने अवस्था भएको छ ।’

nea (2)1660742899.jpg

प्रकाशित मिति: बुधबार, भदौ १, २०७९ १९:०९

शिलापत्र संवाददाता

प्रतिक्रिया दिनुहोस्

भर्खरै

मेरो ब्याटबाट राम्रो रन निस्किरहेको छः कप्तान रोहित

नागरिक लगानी कोषले पाल्पा सिमेन्टको शेयर प्रत्याभूति गर्ने

सचिव र सांसदको माग– टीआरसी र बेपत्ता आयोगकाे नेतृत्वमा निष्पक्ष व्यक्ति चाहियाे

रहेनन् प्युठानका भेल्लु बाजे

प्रधानमन्त्रीसँग भारतका महालेखापरीक्षकको शिष्टाचार भेट

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ अपडेटः यस्तो छ प्रारम्भिक मतपरिणाम

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

विचार

आफ्नै सामर्थ्य नबुझेर अलमलिएका स्थानीय सरकार

पसिना बगाउनेहरूलाई हेलाहोचो गरेर कसरी आऊला समृद्धि ?

लगानी सम्मेलन : यसअघि गरिएका लगानी प्रतिबद्धता कार्यान्वयन भए कि भएनन्, खाेजी हुनुपर्छ

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?

जनकपुरकाे याज्ञवल्क्य स्कुलमा विद्यार्थीकाे आकर्षण, प्रवेश परीक्षा दिने आधाले मात्रै पाए भर्ना