सलमानमाथिको आक्रमणबारे बाेलिन् तस्लीमा नसरीन- इस्लामकाे आलोचना गर्ने सबै असुरक्षित

सलमानमाथिको आक्रमणबारे बाेलिन् तस्लीमा नसरीन- इस्लामकाे आलोचना गर्ने सबै असुरक्षित

बंगलादेशकी निर्वाचित लेखिका तस्लीमा नसरीन । तस्वीरः आजतक

A+ A A-

लेखक सलमान रुश्दीमाथि भएको साङ्घातिक हमलाबारे बंगलादेशकी निर्वाचित लेखिका तस्लीमा नसरीनले बालेकी छन् । एक ट्वीट गर्दै उनले रुश्दीमाथि आक्रमण हुन्छ भने इस्लामको आलोचना गर्ने जोकोहीको ज्यान खतरामा रहेको बताएकी हुन् ।

आफ्नो किताबका कारण सन् १९९४ मा तस्लीमाले पनि बंगलादेशबाट भाग्नु परेको थियो । पछि उनी भारतमा शरण लिन पुगेकी थिइन् ।

उनले ट्वीट गरेकी छन्, ‘सलमान रुश्दीमाथि न्युयोर्कमा आक्रमण भएको कुरा मैले थाहा पाएँ । म साँच्चै स्तब्ध छु । यस्तो होला भनेर मैले कहिल्यै सोचेकी थिइनँ । उनीमाथि आक्रमण हुनसक्छ भने इस्लामको आलोचना गर्ने जोकोही व्यक्तिमाथि आक्रमण हुन सक्छ । चिन्तित छु ।’

बुकर पुरस्कार विजेता एवं द स्याटेनिक भर्सेस का लेखक रुश्दीमाथि २४ वर्षे हादी मतर नामका एक व्यक्तिले चक्कु प्रहार गरेको अन्तर्राष्ट्रिय मिडियाले लेखेका छन् । आक्रमण हुँदा रुश्दी एक कार्यक्रममा सम्बोधन गरिरहेका थिए ।

आक्रमणबाट रुश्दीसँग कुराकानी गरिरहेका व्यक्तिसमेत घाइते भएका छन् । गम्भीर घाइते अवस्थामा रहेका रश्दीको अहिले भेन्टिलेटरमा उपचार भइरहेको छ । उनी बोल्न सक्ने अवस्थामा नरहेको चिकित्सकहरूलाई उद्धृत गर्दै रुश्दीका सहयोगी एन्ड्रयु वाइलेले बताएका छन् । आक्रमणमा परेका लेखक रुश्दीले आफ्नो आँखा गुमाउन सक्नेछन् । ‘सलमानको आँखा गुम्ने आशंका छ । उनको कुममा पनि ठूलो चोट छ भने कलेजोमा समेत चक्कु प्रहार गरिएको छ’, एन्ड्रयुले भने ।