एमाले–कांग्रेस गठबन्धनबाट विद्रोह गरेका एमालेको पर्यटन संगठनका वरिष्ठ उपाध्यक्ष सापकोटा भन्छन्– कमलको टिमले मेरो एजेण्डा पूरा गर्छ

एमाले–कांग्रेस गठबन्धनबाट विद्रोह गरेका एमालेको पर्यटन संगठनका वरिष्ठ उपाध्यक्ष सापकोटा भन्छन्– कमलको टिमले मेरो एजेण्डा पूरा गर्छ

A+ A A-

एमालेनिकट पर्यटन व्यवसायी संगठन नेपाल राष्ट्रिय पर्यटन व्यवसायी संगठनका वरिष्ठ उपाध्यक्ष राजेन्द्रप्रसाद सापकोटाले ३० साउनमा हुने ट्रेकिङ एजेन्सिज एसोसिएसन अफ नेपाल (टान) को चुनावमा माओवादीनिकट कमल सापकोटाको नेतृत्वलाई समर्थन गर्ने निर्णय गरेका छन् ।

कमल सापकोटाले नेतृत्व गरेको टीमले आफूले उठाएका एजेण्डा कार्यान्वयन गर्न सक्षम देखिएकोले उक्त टीमलाई समर्थन गर्ने निर्णयमा पुगेको बताएको छ । टानको चुनावका लागि आज उम्मेदवारी दर्ता गर्ने कार्यतालिका थियो । त्यसैक्रममा राजेन्द्रप्रसाद सापकोटाले एक विज्ञप्ति जारी गर्दै कमल सापकोटाको टीमलाई समर्थ गर्ने बताएका हुन् ।

उनले भनेका छन्, ‘मैले उठाएका मुद्दाहरूलाई यथार्थतामा परिणत गर्न सक्ने व्यक्ति नेतृत्वमा पुगोस भन्ने मेरो आशा रहेको छ र मेरो नजरबाट हेर्दा सरकारका उच्च तहसम्म पहुच भएको, विभिन्न संघसंस्थामा सफल नेतृत्व निर्वाह गरिसकेको, सरल एवं वौद्धिक, सबैलाई मिलाएर लान सक्ने क्षमता भएको, अन्तर्राष्ट्रिय अवार्डहरूबाट समेत सम्मानित भइसकेको व्यक्तित्व रामप्रसाद सापकोटा (कमल) ले नेतृत्व गरेको समावेशी समूहको हातमा नै आगामी टानको भविष्य सनिश्चित हुन्छ भन्नेमा पूर्ण विश्वस्थ छु र मेरो पूर्ण साथ र समर्थन यही समूहलाई रहने ब्यहोरा निवेदन गर्दछु ।’

सापकोटाको यो भनाइसँगै एमालेनिकट पर्यटन व्यवसायीहरू औपचारिक रूपमा विभाजित भएका छन् । कमल सापकोटाको नेतृत्वमा रहेको टिमलाई नेत्रविक्रम चन्द, मोहन वैद्य, बाबुराम भट्टराईनिकट व्यवसायीहरूका साथै जसपा र एमालेको विभाजित टिमले समर्थन गरेको छ ।

एमालेका सापकोटाससँगै नेपाल पर्वतारोहण संघका पूर्वअध्यक्षसमेत भइसकेका सन्तवीर लामा, एनएमएको कार्यसमितिमा रहेका मुक्ति पाण्डे, भिटोफका पूर्वअध्यक्ष ध्रुव सिंखडा, टानका पूर्वअध्यक्ष सीताराम सापकोटा, चन्द्र रिजाललगायतका एमालेको ठूलो पङ्क्ति एमाले–कांग्रेस गठबन्धनको विपक्षमा उभिएको हो ।

सापकोटाले विज्ञप्तिमार्फत आफ्ना एजेण्डाहरू पनि प्रस्तुत गरेका छन् । ती एजेण्डा कार्यान्वयन गर्नका लागि कमल सापकोटाको टिम सक्षम रहेको दाबी गरेका छन् । सपाकोटाले विज्ञप्तिमार्फत पदयात्रा व्यवसायको भविष्य सुनिश्चित गर्नु, खस्कँदै गएको टानको गरिमा बढाउनु, व्यवसायिक एकता कायम गरी टानलाई पदयात्रा पर्यटन क्षेत्रको एक अग्रणी संस्थाको रूपमा विकास गर्नु अहिले महत्त्वपूर्ण रहेको पनि बताएका छन् ।

त्यसैगरी, बढ्दो सडक विस्तारले पदमार्गहरू सकिदै गहिरहेको र कोभिड- १९ का कारण कयौँ व्यवसायीहरू पलायन हुनुपर्ने अवस्था आएको, बैकिङ्ग कर्जा असहजलगायतका विषयमा टानको आगामी नेतृत्वले काम गर्नुपर्ने बताएका छन् ।

अध्यक्षको उम्मेदवारीमा दाबी गरेका सापकोटाले यिनै विषयलाई एजेण्डाको रूपमा उठाउन खोजेका थिए । त्यसैगरी, ट्रेकिङ्ग कम्पनीको सिफारिसमा मात्र ट्रेकिङ्ग परमिट जारी गर्ने व्यवस्था लागू गराउन अधिकतम प्रयत्न गर्ने, प्रदेश सकरारले २५ लाखबाट बढाएर ५० लाख पुर्‍याएको चुक्ता पुँजीलाई खारेज गराउने र पुरानै शुल्क कायम गर्ने, स्थानीय सरकारसँगको सहकार्यमा वैकल्पिक पदमार्गहरूको निर्माण गर्ने, वर्षौंसम्म टान खोज्दा पनि नभेटिने होइन प्रत्येक सदस्यहरूका अफ्ठ्यारोमा टानले खोज्ने वातावरण निर्माण गर्ने, टानमा रहेका विभिन्न मुद्दा मामिलाहरूको अन्त्य गर्नेलगायत समस्याहरूको समाधान गर्नुपर्ने सापकोटाले बताएका छन् ।

प्रकाशित मिति: बिहीबार, साउन २६, २०७९ १८:०२

शिलापत्र संवाददाता

प्रतिक्रिया दिनुहोस्

भर्खरै

आगामी बजेट आईटी क्षेत्र र मध्यम खालका आयोजनमा केन्द्रित हुने

सत्ता–प्रतिपक्षको दूरी बढ्दा दोहोरो चेपुवामा परेका सभामुख

आज दिनभर : विपक्षीलाई घेरेर प्रधानमन्त्रीले लिए विश्वासकाे मत, इरानमा पाँच दिने शाेक घाेषणा (भिडियाे)

सरकारले चलचित्र क्षेत्रमा लगानी बढाउनुपर्छः उपप्रधानमन्त्री महासेठ

लोक सेवा सदनको ११ बिगाहा जग्गा ४३ वर्षपछि सरकारको स्वामित्वमा

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

एमाले र माओवादीसँग कसरी बिग्रियो उपेन्द्रको सम्बन्ध ?

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

पत्रकारिता र विचारको लडाइँ

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम

विद्यार्थीविहीन विद्यालयमा चार शिक्षक

दिगो विकासको आधारः शिक्षा व्यवस्था र विश्वदृष्टिकोण