एनएसपीसीसँग जलविद्युत् आयोजनाका लागि प्ररम्भिक हस्ताक्षर गर्ने लगानी बोर्डको निर्णय

एनएसपीसीसँग जलविद्युत् आयोजनाका लागि प्ररम्भिक हस्ताक्षर गर्ने लगानी बोर्डको निर्णय

A+ A A-

लगानी बोर्डले पश्चिम सेती तथा सेती नदी जलविद्युत् परियोजनाको विकासको सन्दर्भमा एनएसपीसी लिमिटेडसँग सहमतिपत्रमा प्रारम्भिक हस्ताक्षर गर्ने निर्णय गरेको छ ।

सोमबार सिंहदरबारमा बसेको बैठकले पश्चिम सेती तथा सेती नदी ६ जलविद्युत् परियोजनाको विकासको सन्दर्भमा एनएचपीसी लिमिटेडसँग सहमतिपत्रमा प्रारम्भिक हस्ताक्षर गर्ने निर्णय गरेको जनाएको हो । बैठकपछि सञ्चारकर्मीहरूसँग बोल्दै लगानी बोर्डका सहसचिव अमृत लम्सालले अपर मर्स्याङ्दी २, ३२७ मेगावाट जलविद्युत् परियोजनाको एमओई गरेर यसको सर्वेक्षणको काम अघि बढाउने निर्णय भएको जानकारी दिए ।

‘पश्चिम सेती तथा सेती नदी ६ जलविद्युत् परियोजनाको विकासको सन्दर्भमा एनएचपीसी लिमिटेडसँग सहमतिपत्रमा प्रारम्भिक हस्ताक्षर गरेका छौँ । यो सहमतिपत्र गर्ने भन्ने बोर्डले डिसिजन गरेको छ । अपर मर्स्याङ्दी २, ३२७ मेगावाट जलविद्युत् परियोजनाको एमओई गरेर यसको सर्वेक्षणको काम अघि बढाउने भन्ने कुरा भयो,’ उनले भने ।

माथिल्लो कर्णाली जलविद्युत् परियोजनाको नेपाल सरकार मन्त्रीपरिषद्‌बाट भएको निर्णयअनुसार कार्यान्वयन गर्नलाई सहजीकरण गर्ने सन्दर्भमा लगानी बोर्डलाई अख्तियारी दिइएको पनि उनले बताए । त्यस्तै बोर्डको बैठकले तल्लो अरुण जलविद्युत् परियोजना सन्दर्भमा अध्ययन गरेर विस्तृत परियोजना प्रतिवेदनलाई स्वीकारेर गरेर बाँकी कामहरू डीपीआरलगायतका विभिन्न कामहरू गर्ने निर्णय गरेको छ ।

‘माथिल्लो कर्णाली जलविद्युत् परियोजनाको नेपाल सरकार मन्त्रीपरिषद्‌बाट भएको निर्णयअनुसार कार्यान्वयन गर्नलाई सहजीकरण गर्ने सन्दर्भमा लगानी बोर्डलाई अख्तियारी दिइएको छ । तल्लो अरुण जलविद्युत् परियोजना सन्दर्भमा अध्ययन गरेर विस्तृत परियोजना प्रतिवेदनलाई स्वीकारेर गरेर बाँकी कामहरू डीपीआरलगायतका विभिन्न कामहरू गर्नेछ,’ उनले भने, ‘सस्टेनेबल इन्फेस्ट्रक्चर इनिवेशन समिट फोरम २०२२ सेप्टेम्बर १४ मा गर्न लागिरहेका छौँ । त्यसको लागि अवधारणापत्र स्वीकृति गरेर कार्यक्रम गरेर अघि बढाउनको लागि लगानी बोर्ड अघि जाने भन्नेछ ।’