आलिया भट्ट भन्छिन्- मेरो पनि निर्माता बन्ने बेला आएको छ

A+ A A-

अभिनेत्री आलिया भट्ट करिअरको सुरुवातदेखि नै रोजाइका फिल्ममा अभिनय गरेका कारण चर्चामै छिन् । प्रायः कमर्सियल फिल्मको हिस्सा रहे पनि उनले ‘उड्ता पञ्जाब’ र ‘हाइवे’ जस्ता हार्ड हिटिङ फिल्ममा अभिनय गरिन् । ‘गंगुबाई काठियावाडी’ पछिल्लो समय सशक्त कथा भएको फिल्म हो । जसमा आलियाको अभिनय सशक्त छ ।

अहिले उनी निर्माता तथा अभिनेत्रीका रूपमा शाहरुख खानको प्रोडक्सनका साथ फिल्म ‘डार्लिङ्स’ ल्याउँदैछिन् । आलियासँग भारतीय सञ्चारमाध्यम दैनिक भाष्करले गरेको कुराकानीको अनुवादित अंश :

निर्माता बन्ने सोच कहिले आयो ?

मलाई साँच्चै याद छैन, यो कसरी आयो । त्यो सोच केवल आइपुग्यो । मेरो विचारमा 'डार्लिङ्स' पहिले आयो । त्यसपछि निर्माता बन्ने सोच आयो । मेरो पनि निर्माता बन्ने बेला आएको छ । त्यसका लागि म निर्देशक जसमितलाई धन्यवाद दिन्छु ।

चलचित्र ‘जैसे को तैसा' वाला रियाक्सनमा आधारित छ ?

म यो भन्दिनँ कि यो जैसे को तैसाबारे बोल्छ । मानिसहरूले घरेलु हिंसाको रूपमा समस्याको झलक देखिरहेका छन् । तर, यहाँ त्यो समस्या समाधान गर्ने वा समाधान गर्ने मनसायको कथा पनि छ ।

फिल्मले समाधानका उपाय, परिस्थितिहरूबाट हामी पछाडि फर्कने कुराहरू बताउँछ । ठूलो कुरा यहाँ गरिएको छ कि मान्छेले परिस्थिति बदल्छ कि आफैँ ?

तपाईंको आमाको भूमिकामा शेफाली शाह खेल्दै हुनुहुन्छ । तपाईंले चाहिँ भूमिकाका लागि के तयारी गर्नुभयो ?

मलाई यसबारे थाहा थिएन । म र शेफाली यहाँ सँगै बसेनौँ । मलाई लाग्छ, हामी दुवैले बिदा लिएर सँगै बस्नुपर्छ । जे होस्, शेफाली र म यस मामिलामा धेरै समान कलाकार हौँ । हामी मेथड एक्टिङमा लाग्दैनौँ । हामी दुवै सहज हौँ ।

मेरो विचारमा 'डार्लिङ्स'पछि नै ममा निर्माता बन्ने सोच आयो । मेरो पनि निर्माता बन्ने बेला आएको छ । त्यसका लागि म निर्देशक जसमितलाई धन्यवाद दिन्छु ।

इमानदारीपूर्वक भन्नुपर्दा, हामीले रिहर्सलको समयमा पनि अभिनय गरेका थिएनौँ । हामी दुवै जना क्यामेरा अन हुँदा सधैँ टेकमा अभिनय गर्थ्यौं । मलाई थाहा थिएन, उहाँले दृश्यमा के गर्दै हुनुहुन्छ वा म के गर्न गइरहेको छु ? वा निर्देशकले हामी सबैसँग अलगअलग तयारी गरे ।

चलचित्रमा तपाईंको भूमिका कुन मोडमा छ ?

वास्तवमा, जब निर्देशक जसमित र मैले पहिलोपटक भेटेका थियौँ, उनी कथाका क्रममा स्पष्ट थिइन् कि फिल्ममा निश्चित रूपमा सन्देश छ । यदि हामीले कथालाई मनोरञ्जनात्मक तरिकामा वर्णन गर्‍यौँ भने यसको गहिरो प्रभाव पार्छ । खासगरी तपाईंलाई हँसाउने मान्छेहरू पक्कै पनि रुवाउँछन् । त्यसैले यहाँ हामी क्यारेक्टरहरूको सुन्दर संयोजन दिन सक्छौँ ।

महामारीपछि बक्स अफिसमा कम हिन्दी चलचित्रले राम्रो व्यापार गरेका छन् । आगामी दिनमा कस्ता फिल्ममा काम गर्नुहुन्छ जस्तो लाग्छ ?

त्यो कसैले भन्न सक्दैन । मलाई लाग्छ, हामी हिन्दी फिल्मलाई लिएर अझ कठोर बन्दै गएका छौँ । कतिपय चलचित्र चल्छन्, केही चल्दैनन् भन्ने बुझाइ सदैव रहँदै आएको छ । हामी महामारीपछि आउँदैछौँ । धेरै चर्चा हुन थाल्यो कि त्यो महामारी पछि भयो । तर, यो सधैँ भयो । सधैँ हिट र फ्लप थिए । यो व्यवसायको प्रकृति हो ।

दर्शकलाई हलमा ल्याउनका लागि हामीले धेरै ठूलो कारण दिनुपरेको पक्कै छ, त्यो हो । किनभने महामारीपछि धेरै दबाब बढ्यो । मलाई विश्वास छ, जुन फिल्म राम्रा छन्, ती जुनसुकै प्लेटफर्ममा चल्छन् । आखिर दर्शक त राजा नै हुन् । त्यो नियतिले तय गर्नेछ ।

प्रकाशित मिति: आइतबार, साउन २२, २०७९ १६:५०