काठमाडाैंकाे मनमैजु क्षेत्रमा कति छ जग्गाकाे भाउ ?

A+ A A-

जग्गाको मूल्य छुट्याउने काम अरु कुराको तुलनामा जटिल छ । नेपाल राष्ट्र बैंकका अनुसार नेपालमा घरजग्गा कारोबारको औपचारिक प्रकृतिको बजार विकास भइनसकेको र जग्गाको प्रकृति, विशेषताहरू फरकफरक हुने भएकाले वास्तविक मूल्य सजिलै थाहा पाउने स्थिति छैन ।

नेपालमा घरजग्गा कारोबारको औपचारिक प्रकृतिको बजार विकास नभएकै कारण पनि जग्गाको मूल्य निर्धारण गर्न विकसित देशहरूले प्रयोग गरेका विधि नेपालमा अवलम्बन गर्न कठिन छ ।

यस्तो अवस्थामा मालपोत कार्यालयहरूमा घरजग्गा पास गर्दा राखिने थैली रकम र बैंकहरूबाट कर्जा लिँदा धितोको रूपमा घरजग्गा राख्दा गरिने मूल्याङ्कनलाई नै आधार मानेर घरजग्गाको मूल्य सूचकाङ्क निर्माण गरिने राष्ट्र बैंकले जनाएको छ ।

मालपोत कार्यालय मनमैजु, काठमाडौंले चालु आर्थिक वर्षका लागि लागू हुने गरी साविक गाविस/नगरपालिकामा न्यूनतम मूल्य निर्धारण गरेको छ ।

आजको हाटबजारमा हामीले मालपोत कार्यालय मनमैजुले आर्थिक वर्ष २०७९/८० का लागि कायम गरेको थैली रकमको विवरणबारे जानकारी दिँदैछौँ ।

नेपालटार पुलबाट साबिक मनमैजु गाविस भवनसम्मको मूल सडकको दायाँबायाँका जग्गाको मूल्य प्रतिआना १५ लाख ८० हजार ।
नेपालटार चोकदेखि शेषमती पुलहुँदै जरङ्गुसम्मको मूल सडकको दायाँ र बायाँको जग्गाको प्रतिआना १४ लाख ५० हजार ।
गोगंबुुबाट नयाँ पुल भई छन्त्याल संघहुँदै न्यायपरिषद्‌को कम्पाउण्डसम्म जाने मूल सडकको दायाँबायाँका जग्गा प्रतिआना १७ लाख १२ हजार ।
छन्त्याल संघदेखि लोकतान्त्रिक चोकहुँदै नेपालटार चोकसम्मको मूल सडकको दायाँबायाँको जग्गा प्रतिआना १५ लाख ८० हजार ।
गुम्बा भएर जाने बाटोको लोकतान्त्रिक चोकहुँदै मूल सडकको दायाँबायाँका जग्गा प्रतिआना १४ लाख ५० हजार ।
मनमैजु क्षेत्रमा पर्ने विष्णुमती खोला कोरिडोरमा दायाँबायाँका जग्गा प्रतिआना ११ लाख ६० हजार ।
मनमैजु क्षेत्रमा पर्ने महादेव खोला कोरिडोरको दायाँबायाँका जग्गा प्रतिआना १० लाख १४ हजार ।
साविक मनमैजु गाविस भवनदेखि मनमैजु सिमानासम्मको मूल सडकको दायाँ र बायाँका जग्गा प्रतिआना १० लाख ८० हजार ।
जरङ्गु पुलदेखि साविक काभ्रेस्थली गाविस भवनसम्मको मूल सडकको दायाँ र बायाँका जग्गा प्रतिआना १० लाख १४ हजार ।
मनमैजुशुुभकामना स्कुल चोकदेखि साविक मनमैजु गाविस र मनमैजु मन्दिर जाने वाउचा पाखा चोकसम्मका जग्गा प्रतिआना १५ लाख २६ हजार ।
मनमैजु सीमादेखि टुसाल चौरहुँदै फुटुुङ नागपोखरीसम्म प्रतिआना १० लाख १४ हजार ।
गोलढुङ्गा फूलबारी गेटदेखि नार्गाजुन माविसम्मको मूल सडकको दायाँ र बायाँ प्रतिआना ८ लाख ७० हजार ।
गोलढुङ्गा दगुर्नेपानीदेखि शेषमतीहुँदै लोलाङ हाइटसम्मको मूल सडकको दायाँ र बायाँका जग्गा प्रतिआना ८ लाख ७० हजार ।
फुटुुङ नागपोखरीदेखि साङ्लाको बिहानीचोकसम्मका मूलसडकका दायाँ र बायाँ प्रतिआना ८ लाख २४ हजार ।
गोलढुङ्गा शेषमती सानो पुलहुँदै सनफ्लावर स्कुलसम्म गोलढुङ्गा गाविसमा पर्ने दायाँबायाँका जग्गाको प्रतिआना ९ लाख ।
धर्मस्थली सानो बाइपास चोकदेखि मसला बोटहुँदै जितपुर फेदी बजारसम्मका दायाँ र बायाँका जग्गाको प्रतिआना ८ लाख ७० हजार ।
गोलढुङ्गा बोहोराटार चोकदेखि पृथ्वीनारायण माविहुँदै धितालचोक गणेश मन्दिरसम्मको मूल सडकको दायाँ र बायाँ प्रतिआना ८ लाख ६० हजार ।
धर्मस्थली जरङ्गु पुलदेखि सानो बाइपासहुँदै चिसापानी बस स्टपसम्मको मूलसडकको दायाँ बायाँ प्रतिआना १० लाख २० हजार ।
धर्मस्थली सनफ्लावर स्कुलदेखि पैयुँटारहुँदै बस्नेतटार माइक्रोबस स्टपसम्मको दायाँबायाँ प्रतिआना ८ लाख ७० हजार ।
धर्मस्थली–गोलढुङ्गा सिमाना कमेरेखोलादेखि धर्मस्थली बस्नेतटार बसस्टपसम्मको दायाँबायाँ प्रतिआना ७ लाख १० हजार ।
धर्मस्थली–जितपुर–चिसापानी माइक्रो बस स्टेसनदेखि तीनपिप्लेसम्मको दायाँबायाँ प्रतिआना ८ लाख ६० हजार ।
काभ्रेस्थली संगम चोकदेखि जितपुर फेदीको माइक्रो बसपार्कसम्मको मूल सडकको दायाँ र बायाँ प्रतिआना ७ लाख २० हजार ।
काभ्रेस्थली संगमचोकहुँदै फुटुङ चिम्बर पोखरीसम्म जाने कृषिसडकको दायाँबायाँ प्रतिआना प्रतिआना ६ लाख ।
जितपुर फेदी चिसापानी माइक्रो स्टपदेखि हरियाटार खुकुलेहुँदै तीनपिप्ले भञ्ज्याङ मुनिसम्मको मूलसडकको दायाँबायाँ प्रतिआना ६ लाख ७५ हजार ।
जितपुर फेदी चिसापानी माइक्रो स्टपदेखि फयडोल हुँदै फेदीबजारसम्म जाने मूलसडकको दायाँ र बायाँ प्रतिआना ७ लाख ३० हजार ।
जितपुर माइक्रो स्टपदेखि तीनपिप्लेसम्म जाने पिच सडकको दायाँबायाँ प्रतिआना ७ लाख ।
जितपुरफेदी माइक्रो स्टपदेखि तीनपिप्लेसम्म जाने कच्ची मोटरबाटोको दायाँ र बायाँ प्रतिआना ४ लाख ८० हजार ।
तीनपिप्ले डम्पिङ साइडको बाटो ठूलोखोलासम्मको दायाँ र बायाँ प्रतिआना ३ लाख ५० हजार ।

तर सरकारी मूल्याङ्कनअनुसार पाइँदैन है जग्गा

प्रतिआना बढीमा १२/१५ लाख भएको तर वास्तविक खरिदबिक्री भने ३ गुणाभन्दा धेरै हुने गरेको मालपोत कार्यालय मनमैजु, काठमाडौंका मालपोत अधिकृत पर्शुराम चापागाईं बताउँछन् । जग्गाको न्यूनतम मूल्य निर्धारण गर्ने अधिकार मालपोत कार्यालयलाई मात्रै नभएको उनले बताए ।

‘जग्गाको न्यूनतम मूल्य निधार्रण गर्दा प्रमुख जिल्ला अधिकारीको अध्यक्षता रहेको मूल्याङ्कन समितिमा नापी विभाग, मालपोत प्रमुख, चेम्बर अफ कमर्स, नेपाल उद्योग वाणिज्य सघं, स्थानीय निकायलगायतका प्रतिनिधि हुन्छन्,’ उनले भने, ‘मूल्य निर्धारण गर्दा स्थानीय निकायको रायलाई बढी प्राथमिकता दिनुपर्छ । स्थानीय निकायले दिएको रायअनुसार नै मूल्य निर्धारण हुन्छ ।’ (शीर्षक परिवर्तन)

तस्वीरः सुशील श्रेष्ठ ।

प्रकाशित मिति: शनिबार, साउन २१, २०७९ ११:२५