सप्तकोसीकाे ठूलो भँगालो छिर्ने त्रासले टप्पुवासीकाे भागाभाग, गृहमन्त्री भन्छन्- उद्धारका लागि हेलिकोप्टर तयार छन्

सप्तकोसीकाे ठूलो भँगालो छिर्ने त्रासले टप्पुवासीकाे भागाभाग, गृहमन्त्री भन्छन्- उद्धारका लागि हेलिकोप्टर तयार छन्

A+ A A-

पूर्वी तराईमा तीन जिल्लाका हजारौँ घरपरिवार डुबानको जोखिममा परेका छन् । नेपालकै ठूलो सप्तकाेसी नदीले धार परिवर्तन गरेसँगै उदयपुर, सुनसरी र सप्तरीका बस्तीहरू जोखिममा परेका हुन् ।

उदयपुरको बेलका नगरपालिका-८, डुम्रिबोटेमा लगाइएको अस्थायी बाँध फुटाएर काेसीकाे सानाे भँगालाे दक्षिण-पश्चिमी गाउँतिर पसेकाे हाे । काेसीले अझै कटान गरिरहेकाले दिनभरिमा मूल भँगालो बस्तीमा पस्ने खतरा रहेको बेलका नगरपालिकाका मेयर अशोक कार्कीले बताए । चतरा पुलबाट करिब ५ किलामिटर दक्षिण सोमबारेको फेद र सिसौली घाटबाट ७-८ किलोमिटर उत्तरमा पर्ने डुम्रिबोटेको जिरो पोइन्टबाट काेसी पसेको स्थानीय लाेकबहादुर लिम्बूले बताए ।

माओवादी केन्द्र बेलका नगरपालिकाका नेता रमण भट्टराईका अनुसार अहिले काेसीको सानो भेल मात्रै छिरेको हो । ‘पहाडी जिल्लामा वर्षात् नरोकिए बाढी अझै बढ्छ र आजै मूल भँगालो गाउँतिर छिर्न सक्छ ।’

यसो भएमा उदयपुरको एबीसी टप्पु, धौरी, भागलपुर सप्तरीको सप्तकाेसी नगरपालिकाका केही बस्ती डुबानमा पर्ने उनले बताए । सुनसरी बराक्षेत्र नगरपालिका वडा नम्बर ९ र ६ का घरहरू पनि प्रभावित हुनेछन् । अहिले भाटेपुलबाट काेसीको भँगालो बग्न थालेको छ । यो पुल सुनसरी र उदयपुर छुट्याउने सिमाना हो ।

काेसीकाे सानाे भेल गाउँ पसेपछि प्रभावित बस्तीका स्थानीयबासी घर छोडेर सुरक्षित स्थानमा सरिरहेका मेयर कार्कीले बताए । खासगरी एबीसी टप्पु क्षेत्रका बासिन्दा विस्थापित भएका छन् । यो गाउँ बेलका नगरपालिका वडा नम्बर ३ मा पर्छ ।

२०४५ सालअघि काेसी सोही क्षेत्रबाट बग्थ्यो । भूकम्पपछि पश्चिमी क्षेत्र अग्लिएसँगै काेसी पूर्वतिर धकेलिएको थियो । अहिले काेसी बगिरहेको सुनसरीतर्फको क्षेत्र व्यक्तिको नम्बरी जमिनभित्र पर्छ । र, धार बदलेर फर्किन लागेको क्षेत्र काेसीको पुरानै बाटो रहेको मेयर कार्कीले बताए ।

गृहमन्त्री बालकृष्ण खाँडले मानवीय क्षति हुन नदिन प्रभावित गाउँका बासिन्दालाई सुरक्षित स्थानमा सार्न निर्देशन दिइएको बताए । 'कोसीको ठूलो भँगालो पस्न सक्ने खतरालाई मध्यनजर गर्दै उद्धार हेलिकोप्टर तथा राहतका सामग्रीहरू तयार गरिएको छ', खाँडले शिलापत्रसित भने ।

कोसी कटानको स्थायी समाधानका लागि भारतसित कूटनीतिक च्यानलमार्फत कुराकानी भइरहेको पनि उनले बताए । गत वर्ष खाँडले अहिले कोसीले फुटाएको बाँधको स्थलगत अवलोकन गरेका थिए । गत असारमा परराष्ट्रमन्त्री डा. नारायण खड्का पनि स्थायी बाँध भएको क्षेत्रमा पुगेका थिए ।

प्रकाशित मिति: बुधबार, साउन १८, २०७९ १०:४९

नवराज कुँवर

प्रतिक्रिया दिनुहोस्

भर्खरै

सगरमाथाको चौथो शिविरसम्म बाटो खुल्यो

इलाम २ मा एमालेका सुहाङ नेम्वाङ विजयोन्मुख

सरकारी नालायकीः आगो निभाउने दकमल नै जल्छन्, डढेलो निभाउन स्याउलाको भर

इलाममा करिब २३ हजार मतगणना हुन बाँकी, एमालेका सुहाङ विजयोन्मुख

इलाममा झलनाथको कमान्ड फेल

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

टेकस्पायर कलेजका विद्यार्थी अन्तर्राष्ट्रिय एक्सपोजरका लागि मलेसिया भ्रमणमा

युवा विद्यार्थी लक्षित परिसंवाद गर्दै हिमालयन ह्वाइटहाउस स्कुल, एमाले अध्यक्ष ओली पनि सहभागी हुने

बौद्धिक पलायन रोक्न पाठ्यक्रम समय सान्दर्भिक बनाऔँ : प्रधानमन्त्री