सस्तो र तेल कम खर्च गर्ने मोटरसाइकलहरू : १ लाख ७८ हजारदेखि २ लाख ५० हजारसम्म दाम

सस्तो र तेल कम खर्च गर्ने मोटरसाइकलहरू : १ लाख ७८ हजारदेखि २ लाख ५० हजारसम्म दाम

A+ A A-

काठमाडौं मैतीदेवी बस्ने दिनेश आचार्य शुक्रबार टेकुस्थित यामाहाको शाेरुममा भेटिए । डेलिभरी कम्पनीमा काम गर्ने उनी कम दाममा पाइने अनि थाेरै पेट्राेल खाने मोटरसाइकल खाेजीमा रहेछन् ।

‘अहिले चलाइरहेको मोटरसाइकल पुरानो भएर धेरै तेल खायाे । डुलिरहनुपर्ने काम भएकाले सस्तो र धेरै माइलेज दिने मोटरसाइकल खोज्दै छु’, उनले भने, ‘बिहानदेखि शोरुम चहार्दै छु । सस्तो र धेरै माइलेज दिने मोटरसाइकल पाए एक्सचेञ्ज गरेर किस्तामा किन्ने सोचमा छु ।’

नेपालमा दिनेशले जस्तै सस्ताे तर माइलेजवाला मोटरसाइकल खाेज्नेकाे जमात ठूलो छ । यातायात व्यवस्था विभागका अनुसार आर्थिक वर्ष २०७६/७७ सम्ममा कुल ३८ लाख ३६ हजार ५ सय २ वटा सवारी साधन दर्ता भएका छन्, जसमा दुई पांग्रे सवारी साधनको हिस्सा ३० लाख २३ हजार ३ सय ९० छ ।

भन्सार विभागको तथ्याङ्क पल्टाउने हाे भने, आर्थिक वर्ष २०७८/७९ मा मात्र भारत, इन्डोनेसिया, चीन, ताइवान, थाइल्याण्डलगायतका देशबाट १ लाख ८१ हजार ५ सय ९९ वटा इन्जिनवाला चल्ने दुई पांग्रे सवारी साधन आयात भएका छन् । यो आर्थिक वर्षमा २५ लाखसम्मको मोटरसाइकल आयात भए पनि थोरै इन्जिन क्षमताको मोटरसाइकलको आयात उच्च छ ।

सस्ता र कम इन्जिन क्षमता भएका मोटरसाइकल कामकाजी व्यक्तिहरूकाे राेजाइमा पर्ने गरेका छन् । त्यसैले सरकारले अन्य सवारी साधनमा कडाइ गरे पनि १ सय ५० सीसीसम्मका मोटरसाइकल तथा स्कुटरलाई राेकताेक गरेकाे छैन ।

हाटबजारकाे याे शृंखलामा हामीले १ लाख ७८ हजारदेखि २ लाख ५० हजार रकमभित्र पाइने मोटरसाइबारेमा जानकारी दिँदै छौँ ।

कुन माेटरसाइकलकाे दाम कति ? विशेषता के ?

ब्राण्ड- होण्डा
मोडल- सिडी ड्रिम डिएल एक्स
सीसी-११०
मूल्य- २ लाख ८ हजार ९ सय