धितोपत्र बोर्डको नीति तथा कार्यक्रम- कसरी व्यवस्थित गरिँदै छ पुँजीबजार ?

A+ A A-

नेपाल धितोपत्र बोर्डले बजारकाे सन्तुलन र विकास बजारकाे पारदर्शितालाई विशेष ध्यान दिनेगरी चालु आर्थिक वर्षको नीति तथा कार्यक्रम सार्वजनिक गरेको छ ।

बोर्डका अध्यक्ष रमेशकुमार हमालले बिहीबार नीति तथा कार्यक्रम पेस गर्दै यस्तो बताएका हुन् । धिताेपत्र बजार तथा वस्तु विनिमय बजारकेन्द्रित नीति प्रविधिमैत्री र बजारमैत्री भएको उनले दाबी गरे ।

उच्च प्रविधिमैत्री नियामकले नियमन गर्ने र बुक बिल्डिङ प्रणालीलाई व्यवस्थित बनाउनेसमेत नीतिमा उल्लेख छ । सार्वजनिक निष्कासनमा पारदर्शी बनाउने बताइएको छ । साना तथा मझाैला उद्योगमा समेत वस्तु विनिमय बजार स्थापना गराउने र नयाँ ब्राेकर लाइसेन्स अध्ययन गरेर अनुमति दिइने नीति छ ।

बुक बिल्डिङ प्रणालीमार्फत ठूला उद्योगलाई पुँजी बजारमा भित्रयाउने समेत अध्यक्ष हमालले घाेषणा गरे । देशव्यापी बनाउन नयाँ कम्पनीलाई लाइसेन्ससमेत दिइने उनले बताएका छन् । धिताेपत्रले दाेस्राे बजारकाे काराेबार पूर्ण रूपमा विद्युतीय गराउने भएकाे छ ।

बजारसँग सम्बन्धित कानुनमा सुधार गर्ने गरी नियमावली संशोधन गराइनेछ । ब्रोकर कम्पनीमार्फत मार्जिन लेन्डिङको सुविधा प्रदानलाई विशेष जोड दिने तयारी गरेको छ । क्षतिपूर्ति काेष ल्याएर लगानीकर्ताकाे संरक्षण गरिने भएको छ ।

बोर्डले पुँजी वृद्धिसहित नयाँ ब्रोकर कम्पनीको लाइसेन्स वितरण गर्ने गरी धितोपत्र व्यवसायी, धितोपत्र दलाल, धितोपत्र व्यापारी तथा बजार निर्मातासम्बन्धी नियमावली, २०६४ संशोधन गर्ने नीति सार्वजनिक गरिएकाे छ । राफसाफका लागि अक्सन मार्केटकाे सुधार गरिने योजना अघि सारिएको छ ।

वैदेशिक रोजगारमा गएका नेपालीलाई साधारण शेयरमा १० प्रतिशतको कोटा छुट्याउने व्यवस्था कार्यान्वयन गर्नेसमेत नीतिमा राखिएकाे छ । त्यसैगरी, गैरआवासीय नेपालीहरूलाई दोस्रो बजारमा लगानीको अवसर दिनेसमेत बताइएको छ ।