उल्फ एयर मास्कले नेपाली बजारमा आएको छोटो समयमै पायो उत्कृष्ट प्रतिक्रिया

A+ A A-

उल्फ एयर मास्कले नेपाली बजारमा बिक्रीवितरण सुरु गरेको छोटो समयमा नै बजारमा उत्कृष्ट प्रतिक्रिया प्राप्त गरेको छ ।

यसै क्रममा गत शुक्रबार नेपालकै ठूलो मानिएको गुण सिनेमाअन्तर्गतको दरबार सिनेम्याक्सले आफ्ना सिनेमा हलहरूमा उल्फ एयर मास्क जडान गरेको छ । जसले सिनेमा हलका दर्शकहरूलाई कोरोनालगायतका भाइरसहरूबाट सुरक्षा प्रदान हुने बताइएको छ ।

प्लानेट हेल्थ केयरका सहायक निर्देशक रोजन श्रेष्ठ र दरबार सिनेम्याक्सका कार्यकारी निर्देशक दिप्रश शाक्यबीच भएको सम्झौताअनुसार उल्फ एयर मास्क १००० स्क्वायर फिटका पाँचवटा डिभाइस उक्त सिनेमा हलमा लगाइएको छ ।

उक्त प्रोडक्ट दरबार सिनेम्याक्समा जडान गर्नुअगाडि ७२ एयर क्वालिटी इन्डेक्स पीएम २.५ : २२ युजी प्रतिमेट्रिक क्युब देखाइरहेको थियो भने जडानपश्चात् १२ एयर क्वालिटी इन्डेक्स र पीएम २.५: ४ युजी प्रतिमेट्रिक क्युब देखाएको थियो ।

जडान गरेको ४ देखि ५ घण्टाभित्रै उक्त प्रोडक्टले रिजल्ट देखाएको थियो । यो प्रोडक्ट ७ देखि १० वर्षसम्म प्रयोग गर्न सकिनेछ भन्ने कुरा कम्पनीका सहायक निर्देशक रोजन श्रेष्ठले बताए ।

उक्त प्रोडक्टको जडानपश्चात् दरबार सिनेम्याक्सको रिजल्ट तल देखाइएको प्यारामिटरबाट पनि थाहा पाउन सकिन्छ:

जर्मन टेक्नोलोजी प्रयोग गरेर अल अबाउट इनोभेसन्स' नामक संस्थाद्वारा भारतमा उत्पादन गरिएको मास्कबाट हावामा रहेको विकार,किटाणु तथा अशुद्धतालाई ९९.९ प्रतिशत नष्ट गरी सास फेर्न लायक हावा प्रवाह गर्ने उक्त उल्फ एयर मास्क पूर्ण रूपमा स्वास्थ्य मापदण्ड पालना गरी बनाइएको कम्पनीको दाबी छ ।