अपर हेवा हाइड्रोको आईपीओ भर्दै हुनुहुुन्छ ? यस्तो छ कम्पनीको वित्तीय अवस्था

अपर हेवा हाइड्रोको आईपीओ भर्दै हुनुहुुन्छ ? यस्तो छ कम्पनीको वित्तीय अवस्था

A+ A A-

अपर हेवाखोला हाइड्रोपावर कम्पनीले आजबाट आवेदन दिन मिल्ने गरी सर्वसाधारणका लागि आईपीओ खुला गरेको छ । कम्पनीले कुल १५ करोड रुपैयाँबराबरको १५ लाख कित्ता साधारण शेयरका लागि आवेदन माग गरेको हो ।

जसमा सर्वसाधारणले १३ लाख ९५ हजार कित्तामा मात्रै शेयरका लागि आवेदन दिन पाउनेछन् । बाँकी शेयर कर्मचारीका लागि र सामूहिक लगानीकोषलाई छुट्याइएको हो । कम्पनीको चुक्ता पुँजी ३० करोड रुपैयाँ मात्रै रहेको छ । आयोजना प्रभावित स्थानीयलाई ५ करोड ५० लाख रुपैयाँ र सर्वसाधारणलाई १५ करोड रुपैयाँ गरी २० करोड रुपैयाँबराबरको शेयर निष्कासनपश्चात् कम्पनीको चुक्ता पुँजी ५० करोड रुपैयाँ पुग्नेछ ।

आजबाट खुलेको आवेदनमा लगानी कसरी गर्ने र लगानी गर्नुुपूर्व लगानीकर्ताले कम्पनीको वित्तीय अवस्था हेरेर मात्रै लगानी गर्दा लाभदायक हुने बजार जानकारहरूले सुुझाउँदै आएका छन् । तसर्थ यदि तपाईं दीर्घकालीन लगानीकर्ता हुनुुहुन्छ र साधारण शेयरबाटै राम्रो कमाइ होस् भन्ने चाहनुुहुन्छ भने कम्पनीको वित्तीय अवस्था र रेटिङको अवस्थाबारे जान्नुपर्ने हुन्छ ।

कस्तो कम्पनी हो ?

२०७५ सालबाट पब्लिक कम्पनीमा परिणत भएको अपर हेवाखोला हाइड्रोपावर कम्पनी संखुवासभा जिल्लाको चैनपुर नगरपालिकामा विद्युत् उत्पादन गर्दै आएको छ । कम्पनीले रनअफ दि रिभरमा आधारित ८.५ मेगाबाट क्षमताको अपर हेवाखोला साना जलविद्युत आयोजना सञ्चालन गर्दै आइरहेको छ ।

आयोजनाको कुल लागत १ अर्ब ४२ करोड २८ लाख रुपैयाँ छ भने प्रतिमेगावाट लागत १६ करोड ६३ लाख रुपैयाँ छ ।

यस्तो छ कम्पनीको नाफाघाटाको अवस्था

कम्पनीले चालु आर्थिक वर्ष २०७९/८० मा सञ्चिति २ करोड ९६ लाख १७ हजार रुपैयाँ नाफा आर्जन गर्ने उद्देश्य राखेको छ भने २०८०/८१ सम्ममा यस्तो नाफा ५ करोड ९९ लाख पुुर्‍याउने लक्ष्य राखेको छ ।

आर्थिक वर्ष २०८०/८१ सम्ममा कम्पनीको प्रतिशेयर नेटवर्थ १ सय ११ रुपैयाँ ९८ पैसा र प्रतिशेयर आम्दानी ११ रुपैयाँ ९८ पैसा पुग्ने प्रक्षेपण गरिएको छ ।

चालु आर्थिक वर्षमा भने प्रतिशेयर नेटवर्थ ९५ रुपैयाँ ५१ पैसा र प्रतिशेयर आम्दानी ४ रुपैयाँ ४९ पैसा नोक्सानीमा हुने कम्पनीले अनुमान गरेको छ ।

लगानीका लागि कति जोखिम ?

लगानीका लागि जोखिम अध्ययन गर्ने रेटिङ कम्पनी केयर रेटिङ नेपालले यो कम्पनीलाई केयरएनपी डबल बी (आईएस) रेटिङ प्रदान गरेको छ । यसले कम्पनीको दायित्व पूरा गर्न सक्ने सम्बन्धमा मध्यम जोखिम रहेको जनाउँछ ।

केयर रेटिङ नेपालले कम्पनीको आईपीओलाई २०७८ चैत २१ गते रेटिङ ग्रेड प्रदान गरेको थियो । उक्त रेटिङको अवधि २०७९ फागुन ६ गतेसम्म कायम रहने कम्पनीले जनाएको छ ।

प्रकाशित मिति: शुक्रबार, असार २४, २०७९ १६:४०