आयल निगमका १० सुझाव- गाडीरहीत सार्वजनिक बिदादेखि आयात रोक्नेसम्म

A+ A A-

नेपाल आयल निगमले पेट्रोलियम पदार्थको खपत घटाउन सरकारलाई १० बुँदे सुझाव दिएको छ । डिजेल, पेट्रोल, मट्टितेल र ग्यासको आयात कसरी घटाउन सकिन्छ भन्ने विषयमा उद्योग, वाणिज्य तथा आपूर्ति मन्त्रालयले मागेको रायअनुसार आयल निगमले १० बुँदै सुझाव दिएको हो ।

जसमा ठूलो उद्योगले डिजेल र ग्यास प्रयोग नगरी विद्युत् प्रयोग गर्नुपर्ने, शनिबार सबै गाडीरहित सार्वजनिक बिदा घोषणा गरिनु पर्ने, छोटो दुरीमा पैदल यात्रा गर्न आह्वान गर्नुपर्ने सुझाव समेटिएका छन् ।

हेर्नुस् निगमका १० बुँदे सुझावः

१. सार्वजनिक तथा अत्यावश्यक सेवाका सवारीसाधनहरू बाहेक सरकारी तथा निजी सवारीसाधन जोर बिजोर प्रणालीमा सञ्चालन गर्ने

२. देशका प्रमुख शहरहरूमा प्रत्येक शनिबार गाडीरहित सार्वजनिक बिदाको घोषणा गर्ने

३. खाना पकाउने एलपी ग्यासको खपत कम गर्न विद्युतीय चुलो सहुलियत दरमा बिक्री गर्ने र घरायसी प्रयोजनको लागि विद्युतीय शुल्क कम गर्ने

४. विद्युतीय सवारीसाधनको प्रयोगमा वृद्धि गर्न प्रमुख शहरहरू र राष्ट्रिय राजमार्गहरूमा निः शुल्क चार्जिङ्ग स्टेशन निर्माण गर्ने तथा सार्वजनिक/निजी पार्किङ्ग स्थलमा विद्युतीय सवारीका लागि अलग्गै निः शुल्क पार्किङ्ग स्थल तोकिदिने ।

५. पेट्रोल पम्पहरूले मोटरसाइकललाई एक पटकमा ५ (पाँच) लिटर र कार तथा जीप लगायतका साना सवारीसाधनलाई २० (बीस लिटर मात्र इन्धन बिक्री गर्ने