गहुँ, चिनीको निर्यात रोकेकोमा भारतसँग आपूर्तिमन्त्रीको गुनासो, अप्ठ्यारो पर्न नदिने भारतको प्रतिबद्धता

गहुँ, चिनीको निर्यात रोकेकोमा भारतसँग आपूर्तिमन्त्रीको गुनासो, अप्ठ्यारो पर्न नदिने भारतको प्रतिबद्धता

A+ A A-

उद्योग वाणिसज्य तथा आपूर्तिमन्त्री दिलेन्द्र बडूले चिनी, गहुँ लगायतका खाद्यन्न निर्यातमा रोक लगाएको प्रति भारतकाे ध्यानकर्षण गराइएको बताएका छन् ।

विश्व व्यापार संघको मन्त्रीस्तरीय बैठकमा भाग लिने क्रममा स्विट्जरल्याण्ड भारतीय समकक्षी पीयुष गोयलको ध्याकर्षण गराएको र उनले खाद्यन्न निर्यातमा रोक लगाउने विषयमा सचेत रहेको प्रतिबद्धता जनाएकाे बडूले जानकारी गराए ।

विश्वमा खाद्य संकट पर्न सक्ने चेतावनी विज्ञहरूले दिइरहेको सन्दर्भमा भारतले अहिले चिनी, गहुँ लगायतका वस्तुको निर्यातमा रोक लगाएको छ । धान चामलमा पनि रोक लगाउने तयारी गरेको भारतीय सञ्चारमाध्यमहरूले जनाएका छन् ।

‘विकासित देशहरूले समेत आफ्नो राष्ट्रको मात्रै लाभ हेरेर नीति बनाउदा हामी जस्ता राष्ट्रलाई समस्या पर्ने देखिन्छ', स्विट्जरल्याण्ड बैठकमा आफूले राखेको धारणा सुनाउँदै आइतबार मन्त्रालयमा गरिएको छलफलमा मन्त्री बडूले भने, 'मैले यसबीचमा भारतीय मन्त्रीसँग दुई पक्षीय भेट पनि गरेँ । भारतका मन्त्रीबाट अन्य देशमा खाद्यान्न निर्यातमा रोक लगाए पनि नेपालमा कुनै प्रतिबन्ध नलगाउने बचन आएको छ ।'

मन्त्री बडूले नेपालले अति कम विकसित राष्ट्रबाट स्तोरोन्ति हुँदा नेपालले पाउँदै आएको लाभ कटौती हुन नहुने मुद्दा पनि राखेको जानकारी गराए ।

विश्व व्यापार संगठनको १२ औँ सम्मेलनमा नेपालको एजेन्डासमेत पारित भएको मन्त्री बडूले जानकारी गराएका छन् ।

मन्त्रीस्तरीय सम्मेलनमा नेपालले राखेको विश्व खाद्य कार्यक्रमले खरिद गर्ने खाद्यान्नमा कुनै सदस्य मुलुकले निर्यात प्रतिबन्ध गर्न पाउँदैन भन्ने विषय पारित भएको छ ।

प्रकाशित मिति: आइतबार, असार १९, २०७९ १८:१८