सहज च्यालेन्ज फण्डद्वारा राउण्ड– १ का विजेता घोषणा, राउन्ड– २ का लागि आवेदन खुल्यो

सहज च्यालेन्ज फण्डद्वारा राउण्ड– १ का विजेता घोषणा, राउन्ड– २ का लागि आवेदन खुल्यो

A+ A A-

सहज भनेर चिनिने नेपाल कृषि बजार विकास कार्यक्रम (एनएएमडीपी) दोस्रो चरणद्वारा जून २८, २०२२ मा एक सम्झौता हस्ताक्षर कार्यक्रममा सहज च्यालेन्ज फन्ड राउण्ड– १ का विजेताहरूको घोषणा गरियो । १८८ आवेदनहरूमध्ये पाँच नवीनतम समाधान तथा सेवा प्रदायकहरू छनोट गरिएका थिए । कठिन स्क्रिनिङ र मूल्याङ्कन प्रक्रियापछि विजेताहरूको घोषणा गरिएको हो ।

सहज च्यालेन्ज फण्ड राउण्ड– १ ले प्रदेश १ मा कृषि उत्पादनहरूको व्यवस्थापन र आपूर्ति शृंखलासम्बन्धी चुनौती तथा बाधाहरूलाई सम्बोधन गर्ने नवप्रवर्तनात्मक र व्यावसायिक रूपमा व्यावहारिक सम्भाव्य व्यवसायहरूलाई सहयोग गर्दछ । त्यसले कृषिक्षेत्रमा उच्चस्तरको व्यवसायीकरण, आर्थिक मूल्य अभिवृद्धि, लगानी र रोजगारीहरूमा योगदान पुर्‍याउनेछ । सहजले यी पाँच विजेताहरूलाई प्रस्तावित समाधानहरू प्रदेश १ मा कार्यान्वयन गर्न अनुदान र प्राविधिक सहयोग उपलब्ध गराउनेछ ।

च्यालेन्ज फण्ड, एनएएमडीपी दोस्रो चरणको निजीक्षेत्रको स्रोतको सदुपयोग गर्दै डेरी, तरकारी, अलैँची र मकै क्षेत्रमा सेवाको प्रावधान र नवप्रवर्तनमा पहुँच बढाउने संयन्त्र हो ।

सहज भनेर पनि चिनिने नेपाल कृषि बजार विकास कार्यक्रम (एनएएमडीपी) दोस्रो चरण नेपाल सरकार र स्वीट्जरल्यान्ड सरकारबीचको द्वीपक्षीय सम्झौताअन्तर्गत सञ्चालनमा छ । सहज परियोजना स्वीस सरकार विकास सहयोग (एसडीसी) को परियोजना हो र यसको कार्यान्वयन स्वीसकन्ट्याक्ट (लिड एजेन्सीको रूपमा) र वातावरण तथा कृषि नीति, अनुसन्धान, प्रसार एवम् विकास केन्द्र (सिप्रेड)ले संयुक्त रूपमा गर्दैछन् ।

सहजले प्रदेश १ मा कृषि व्यवसायका लागि सेवा र नवप्रवर्तनमा पहुँच बढाउन वित्तीय एवम् प्राविधिक सहयोग उपलब्ध गराउँछ । यसबाट साना किसानका उत्पादनको माग वृद्धि हुनेछ, तिनीहरूलाई मूल्य अभिवृद्धि आपूर्ति शृंखलामा आबद्ध गराउँछ र उच्च रोजगार तथा आयबाट ग्रामीण समुदायको उत्थान गर्छ ।

सहज च्यालेन्ज फण्डले राउन्ड– २ का लागि पनि आवेदन खुला गरेको छ । एससीएफ राउन्ड– २ ले प्रदेश १ को डेरी उद्योगमा उत्पादन विविधीकरणको मुद्दालाई सम्बोधन गर्न नौलो डेरी उत्पादनका विचारहरू खोजिरहेको छ ।

प्रकाशित मिति: शुक्रबार, असार १७, २०७९ १३:४१