गर्मीमा छालाको सुरक्षा गर्न यी ६ टिप्स अपनाउन चिकित्सककाे सुझाव

A+ A A-

गर्मी समयले मानिसहरूको जीवनलाई प्रभावित बनाएको छ । तराई मधेसलाई असाध्यै गर्मी हुने स्थान भनेर चिनिएता पनि हाल पहाडी जिल्ला र काठमाडौं उपत्यकाका भू–भागमा पनि गर्मी बढेको छ ।

विशेष गरी बर्खायामको वैशाख, जेष्ठ र असारलाई अत्यन्तै गर्मी महिनामा गनिन्छ । यी महिनामा हाम्रो छालामा विभिन्न प्रकारका समस्या देखिने गरेको छ । यो हामी सबैले भोगेका पनि छौँ ।

गर्मी समयमा छालामा देखापर्ने समस्याः

गर्मी समयमा घामका कारण हाम्रो छाला कालो भएको हुन्छ । अनुहार बढी चिल्लो देखिने अथवा चिल्लोपना बढ्ने गरेको काठमाडौं मेडिकल कलेजकी छाला विशेषज्ञ डाक्टर एलिजा अर्याल बताउँछिन् ।

चिल्लोपनाले किटाणुहरू उब्जिने र सक्रिय बनाउने गर्दछ । अनुहारको वरिपरि, हात, खुट्टा, शरीरमा फोहोर खटिरा आउने गर्दछ । जसको असर दीर्घकालीन रूपमा दाग, धब्बा देखिने गर्दछ । गर्मीमा एग्जिमाका कारण छाला रातो हुने, फुस्रो हुने समस्या धेरै देखिएको उनी बताउँछिन् ।

गर्मीमा कसरी गर्न सकिन्छ छालाको सुरक्षाः

छाला विशेषज्ञ अर्यालकाअनुसार आफ्नो छालामा सुहाउँदो, माइल फेसवासले बिहान र बेलुकी गरेर दिनमा दुई पटक अनुहार सफा गर्ने । अनुहार धरै मसाज नगर्ने । डाक्टरको सल्लाहअनुसार छालाको चिल्लोपना हटाउने मोस्टराइजर लगाउने ।
घरबाहिर निस्किँदा वा काममा जाँदा सन ब्लकको प्रयोग गर्ने । यसले हाम्रो छालामा डाइरेक्ट घामको किरण आउनबाट बचाउँछ । सन ब्लक दिनमा दुईदेखि तीन घण्टाको फरकमा तीनपटकसम्म लगाउनु पर्ने विशेषज्ञ अर्याल सुझाव दिन्छिन् । अनुहारमा क्रिम बा लोसन लगाउँदा धेरै मसाज नगर्ने उनी सल्लाह दिन्छिन् ।
अनुहारमा चिल्लोपना बढेपछि ब्याक्टेरिया आउने भएकाले १०, १५ दिनमा क्लिजिङ (स्क्रप) गर्ने । स्क्रप क्रिमले गरे पनि हुन्छ अथवा दहीले घरमै आफैँ गर्दा अझ राम्रो हुने अर्याल बताउँछिन् ।
अर्यालकाअनुसार दिनमा ३ लिटर पनि अनिवार्य खानाले छाला फुस्रो हुनबाट बच्न सकिन्छ । आफ्नो क्षमताअनुसारको मौसमी फलफूल दैनिक खानाले छाला स्वस्थ र चम्किलो हुने अर्याल बताउँछिन् ।
छाला स्वास्थ्य राख्न वयामको पनि आवश्यता पर्छ । बिहान–बेलुका शारीरिक ब्याम गर्नाले अनुहारमा आवश्यक रक्तसञ्चार हुने र अनुहार गोरो, चम्किलो देखिने गर्छ ।
पसिनाका कारण शरीरमा बेक्टिरिया आउने भएकाले दिउँसो काममा जादाँ लागाएको लुगा सुत्ने समयमा नलगाउन पनि उनी सुझाव दिन्छिन् ।

प्रकाशित मिति: मंगलबार, असार १४, २०७९ ०९:४०