आइतबार उल्लेख्य रूपमा नेप्से बढ्दा यी कम्पनीको शेयर मूल्यमा लाग्यो सर्किट ब्रेक

आइतबार उल्लेख्य रूपमा नेप्से बढ्दा यी कम्पनीको शेयर मूल्यमा लाग्यो सर्किट ब्रेक

A+ A A-

आइतबार शेयरबजार परिसूचक नेप्सेले छलाङ मारेको छ । नेप्से सूचक ९४.९२ अंकले बढेर १९६५ मा आइपुगेको हो । सेन्सेटिभ इन्डेक्स पनि १७.९३ अंकले बढेर ३८२.८४ अंकमा आइपुगेको छ ।

लामो समयदेखि ओरालो लागेको बजार शुक्रबारदेखि बढ्न सुरु गरेको थियो । शुक्रबार सामान्य अंकले बढेको बजार आइतबार भने उच्च अंकले बढेको हो ।

कारोबार सुरु भएदेखि बजारमा बुल आक्रामक देखिएको थियो । जसले गर्दा नेप्से तीव्र रूपमा बढ्न पुगेको जानकारहरू बताउँछन् । शेयरबजार विश्लेषक अञ्जीव तुलाधर बलिया कम्पनीको शेयरमूल्य निकै तल आएपछि सेलिङ प्रेसर बढेको बताउँछन् । बजारमा शेयर सस्तिएको छ । यसले पनि बजारमा शेयरको माग बढेको छ ।

उनले भनेजस्तै बजारमा आज पछिल्लो केही दिनको औसतभन्दा धेरै शेयर खरिदबिक्री भएको छ । आज २ सय ३० कम्पनीको ६३ लाख कित्ता शेयर २ अर्ब १९ करोड रुपैयाँमा कारोबार भएको छ ।

बजार घटेको मौका पारेर लगानीकर्ताले बलिया कम्पनीमा लगानी बढाउँदा आज २४ कम्पनीको शेयरमूल्यमा सर्किट लागेको छ भने २६ कम्पनीको ९ प्रतिशतभन्दा माथिले शेयरमूल्य बढेको छ ।

नेसनल हाइड्रोपावर, सिटिजन्स इन्भेस्टमेन्ट ट्रस्ट, हिमालयन डिष्टिलरी, गुह्येश्वरी मर्चेन्ट, प्रोग्रेसिभ फाइनान्स, कर्पोरेट विकास बैंक, रिलायन्स फाइनान्स, हाइड्रो इलेक्ट्रिसिटी, सिनर्जी पावर विकास बैंक, घलेम्दी हाइड्रो, युनिभर्सल पावर, स्वाभिमान लघुवित्त, युनियन हाइड्रो, सप्तकोशी विकास बैंक, सबैको लघुवित्त, नेपाल रिइन्स्योरेन्स, एनआरएन इन्फ्राइन्ट्रक्चर, जनरल इन्स्योरेन्स, सानिमा जनरल इन्स्योरेन्स, सानिमा लाइफ इन्स्योरेन्स, सीवाईसी नेपाल लघुवित्त, हिमाल दोलखा हाइड्रो, छ्याङ्दी हाइड्रोको शेयरमूल्यमा सकारात्मक सर्किट लागेको हो ।

कारोबार रकम र सूचक बढ्दा कुमारी बैंकको सर्वाधिक कारोबार भएको छ । यस बैंकको ८ करोड ६४ लाख रुपैयाँबराबरको शेयर कारोबार भएको छ । योसँगै हिमालयन डिस्टिलरीको ८३ करोडको कारोबार भएको छ ।

प्रकाशित मिति: आइतबार, असार १२, २०७९ १५:३८