सिद्धार्थनगरको बजेट १ अर्ब ३४ करोड

A+ A A-

रुपन्देहीको सिद्धार्थनगर नगरपालिकाले आर्थिक वर्ष २०७९/८० का लागि १ अर्ब ३४ करोड ५४ बढी रकमको बजेट ल्याएको छ ।

शुक्रवार नगरपालिकाकी उप प्रमुख उमा अधिकारीले बजेट प्रस्तुत गर्दै बहुवर्षीय तथा क्रमागतमा रहेका योजनाहरूलाई सम्पन्न गर्ने र दीगो एवं वातावरणमैत्री हुने गरी आधारभुत शहरी पूर्वाधार निर्माणका कार्यक्रम सञ्चालन गरिने, आधारभुत स्वास्थ्य सुबिधा, शैक्षिक विकास र समाबेशी बिकासमा टेवा पुर्‍याउने कार्यक्रम संचालन गर्ने, कृषि पर्यटन सहकारी जस्ता आर्थिक विकासका क्षेत्रमा जोड दिई रोजगारी सिर्जना र आय आर्जन वृद्धिमा प्रत्यक्ष योगदान पुर्‍याउने कार्यक्रम सञ्चालन गर्ने, नगरको सौन्दर्यीकरण,सरसफाइ, वातावरणीय संरक्षण तथा पर्यावरणीय प्रवर्द्धन कार्यमा जोड दिइने लगायतका बिषयहरूले बजेटमा प्राथमिकतामा पाएकाे बताइन् ।

कूल बजेटको चालुतर्फ ४८ प्रतिशत र पुँजीगततर्फ ५२ प्रतिशत खर्च अनुमान बजेटमा गरिएको छ ।

बजेटमा वडास्तरीय योजनाका लागि १० करोड ६८ लाख ५० हजार रुपैया विनियोजन गरिएको छ । बजेटमा नगरका हाल कार्यान्वयनमा रहेका क्रमांगत तथा बहुवर्षीय योजनाहरू सम्पन्न गर्न ८ करोड ४९ लाख विनियोजन गरिएको छ ।

नगरभित्रका विद्युत पोल व्यवस्थापन, सार्वजनिक शौचालय निर्माणका लागि बजेट विनियोजन भएको छ भने दरखसवा खेल मैदान पूर्वाधार निर्माणका लागि १ करोड, दरखसवापार्क निर्माणका लागि १ करोड रुपैयाँ विनियोजन भएको छ ।