शेयर कारोबारमा नौ दिनपछि देखियाे हरियो, कुन कम्पनीले कति कमाए ?

A+ A A-

कारोबारको चार दिनपछि बजार बढ्दा आँधीखोला लघुवित्तको शेयरमूल्यमा सकारात्मक सर्किट लागेको छ । बिहीबार कम्पनीको शेयरमूल्य ४९ रुपैयाँले बढेर प्रतिकित्ता ५४२ रुपैयाँ कायम भएको हो ।

यस्तै, रिभर फल्स पावर र सामुदायिक लघुवित्तको शेयरमूल्य ९ प्रतिशतभन्दा बढीले वृद्धि हुन गयो । यी कम्पनीको शेयरमूल्य २६ रुपैयाँ र १३५ रुपैयाँले बढेर प्रतिकित्ता क्रमश: २९० रुपैयाँ र १४९० रुपैयाँ कायम भएको छ ।

साथै, यस दिन कालिका लघुवित्तको शेयरमूल्य ७९ रुपैयाँले बढेर प्रतिकित्ता ११०८ रुपैयाँ कायम भएको छ भने नेपाल क्रेडिट एण्ड कमर्स बैंकको १३ रुपैयाँले बढेर २२२ रुपैयाँ कायम भएको छ ।

लिबर्टी इनर्जी कम्पनीको शेयरमूल्य १३ रुपैयाँले बढेर प्रतिकित्ता २५८ रुपैयाँ कायम हुँदा सपोर्ट माइक्रोफाइनान्सको ६३ रुपैयाँले बढेर १३१७ रुपैयाँ कायम हुन गयो ।

यस्तै, माच्छापुच्छ्रे बैंकको शेयरमूल्य ९ रुपैयाँले, ओरियन्टल होटल्सको १७ रुपैयाँले र ग्रिन भेन्चरको ११ रुपैयाँले बढेर प्रतिकित्ता क्रमशः २४३ रुपैयाँ, ४३९ रुपैयाँ र ३०२ रुपैयाँ पुगेको छ ।

शेयर कारोबारको नौ दिनपछि हरियो देखिएको बजार दसौँ दिनका दिन ६०.२२ अंकले बढेर १०८० बिन्दुमा उक्लिएको थियो । तर, बजारले निरन्तरता पाउन सकेन ।

गत बिहीबार बजार १७.५८ अंकले घटेर २०६२.८६ बिन्दुमा झरेको थियो । त्यस्तै, शुक्रबार शेयरबजार दोहोरो अंकले घटेर २०४८.१६ बिन्दुमा झर्‍यो ।

यसरी क्रमशः ओरालो लागेको बजार कारोबारको पहिलो दिन सोमबार पनि १५.८२ अंकले घटेको हो । मंगलबार र बुधबार पनि बजार ३६ अंक र २९ अंकले घटेर १९६६.३६ बिन्दुमा झर्न गयो ।

गत बिहीबारदेखि नै घट्न सुरु गरेको बजार बिहीबार १२.५७ अंकले बढेर १९७८.९४ बिन्दुमा उक्लिएको छ । ठूला कम्पनीको सूचक मापन गर्ने सेन्सेटिभ इन्डेक्स पनि ३.१० अंकले बढेर ३८२ बिन्दु कायम भएको छ ।

यस्तै, आज १३ वटा समूहका सूचकमध्ये ११ वटा सूचक हरियो देखिँदा लाइफ इन्स्योरेन्स र इन्भेस्टमेन्ट समूह सूचक राताम्मे देखिएका छन् । साथै, सर्वाधिक अन्य समूहको सूचक २ प्रतिशतभन्दा बढीले वृद्धि भएको छ ।

यस दिन कारोबारमा आएका २२१ कटा कम्पनीको २५ पटकको शेयर कारोबारमा १ अर्ब १८ करोड ७१ लाख ४५ हजार रुपैयाँबराबरको ३५ लाख ९४ हजार कित्ता शेयर कारोबार हुन गयो । बजार हरियो देखिँदा १३७ वटा कम्पनीका लगानीकर्ताले कमाएका छन् भने ४५ वटा कम्पनीका लगानीकर्ताले गुमाएका छन् ।

प्रकाशित मिति: बिहीबार, असार २, २०७९ १६:४७