बागमती प्रदेशमा कृषिक्षेत्रमा मात्रै १ खर्ब ३ अर्ब कर्जा, यस्ता छन् आर्थिक गतिविधि

बागमती प्रदेशमा कृषिक्षेत्रमा मात्रै १ खर्ब ३ अर्ब कर्जा, यस्ता छन् आर्थिक गतिविधि

A+ A A-

बागमती प्रदेशमा बैंक तथा वित्तीय संस्थाहरूले कृषि, वन र माछापालन क्षेत्रमा १ खर्ब ३ अर्ब कर्जा लगानी गरेका छन् । नेपाल राष्ट्र बैंकले गरेको प्रदेश आर्थिक गतिविधि अध्‍ययनअनुसार यस्तो तथ्यांक देखिएको हो, जुन यस प्रदेशमा प्रवाहित कर्जाको ४.० प्रतिशत हुन आउँछ ।

चालू आर्थिक वर्षको ६ महिनालाई आधार मानरे गरिएको अध्ययनमा खाद्य तथा अन्य बालीले ढाकेको भू–क्षेत्र र उत्पादन १.१ प्रतिशतले घटेको छ । प्रमुख खाद्यान्न बालीमध्ये समीक्षा अवधिमा धान उत्पादन ०.४ प्रतिशतले घटेको छ भने कोदो उत्पादन ०.१ प्रतिशत र फापर उत्पादन १५.० प्रतिशतले बढेको छ ।

समीक्षा अवधिमा तरकारी उत्पादन ०.२ प्रतिशतले बढेको छ । पशुजन्य उत्पादनअन्तर्गत दूध उत्पादन ७.० प्रतिशत र मासु उत्पादन ८.१ प्रतिशत र अण्डाको उत्पादन १.५ प्रतिशतले बढेको प्रतिवेदनमा उल्लेख गरिएको छ ।

समीक्षा अवधिमा यस प्रदेशका अध्ययन नमुनामा समेटिएका उद्योगको क्षमता उपयोग औसतमा ४५.५ प्रतिशत छ । गत वर्षको सोही अवधिमा यस्ता उद्योगको क्षमता उपयोग औसतमा ४८.९१ प्रतिशत
थियो ।

औद्योगिक उत्पादनमध्ये पश्मिना उत्पादन २.० प्रतिशत, रङ उत्पादन १३.३ प्रतिशत र कपडाको जुत्ता उत्पादन ३४.१ प्रतिशतले बढेको छ भने प्रशोधित दूध उत्पादन ६.१ प्रतिशत, सिमेन्ट उत्पादन १७.४ प्रतिशत र चुरोट उत्पादन १७.१ प्रतिशतले घटेको देखिएको छ ।

बैंक तथा वित्तीय संस्थाले यस प्रदेशमा प्रवाह गरेको औद्योगिक कर्जा कुल प्रवाहित कर्जाको ३७.४ प्रतिशत छ ।

समीक्षा अवधिमा यस प्रदेशमा पर्यटन क्षेत्रमा केही सुधार आएको देखिन्छ । अन्तर्राष्ट्रिय एवम् आन्तरिक पर्यटनमा कोभिड–१९ संक्रमणको प्रभाव कम भएसँगै सकारात्मक प्रभावका कारण पर्यटक आगमनको संख्या बढेको छ ।

घरजग्गा रजिस्ट्रेसन संख्या १४.९ प्रतिशतले बढेको छ भने रजिस्ट्रेसनबाट प्राप्त हुने राजस्व १५ अर्ब ७५
करोड पुगेको छ । बैंक तथा वित्तीय संस्थाले यस प्रदेशमा परिचालन गरेको निक्षेप २०७८ असार मसान्तको तुलनामा ५.१ प्रतिशतले र कर्जा प्रवाह १०.५ प्रतिशतले वृद्धि भएको छ । कर्जा–निक्षेप अनुपात औसतमा ७७.१ प्रतिशत रहेको छ ।

प्रकाशित मिति: मंगलबार, जेठ ३१, २०७९ १८:१४