भारतीय कम्पनीले समयमै काम नगर्दा लथालिङ्ग राँके-भेडेटार सडक, आयोजना प्रमुख भन्छन्- माथिबाटै पहल गर्नुपर्‍यो

भारतीय कम्पनीले समयमै काम नगर्दा लथालिङ्ग राँके-भेडेटार सडक, आयोजना प्रमुख भन्छन्- माथिबाटै पहल गर्नुपर्‍यो

A+ A A-

बर्खा लागेसँगै पाँचथरको राँकेदेखि धनकुटाको भेडेटार जोड्ने सडक लथालिङ्ग भएको छ । पाँचथर, इलाम, धनकुटाका विभिन्न गाँउहरू छोएको १ सय किलोमिटर लामो सडक कालोपत्रे गर्ने ठेक्का पाएको भारतीय कम्पनीले समयमै काम नगर्दा हिलाम्मे भएको हो । यो सडक मेची राजमार्गमा पर्ने पाँचथरको राँके बजारबाट घुर्विसे पन्चमी, दशमी, रवि, लेखगाँउ, ६ नम्बर बुधबारे, डाँडाबजार, सौर्ये, राजारानीहुदैँ भेडेटारसम्म जोडिन्छ ।

ठेकेदार कम्पनीले समयमै कालोपत्रे नगर्दा स्थानीय र प्रदेश सरकारलाई सडक बनाउन र मर्मत गर्न पनि समस्या भएको छ । आफूहरूले जति नै दबाब दिए पनि ठेकेदार कम्पनीले समयमै काम नगरेको बताउँछन् आयोजना प्रमुख विदुर पोखरेल ।

‘जति नै प्रेसर गर्दा पनि काम हुन सकेन । अब बाँकी समयमा पनि काम सकिने अवस्था छैन । फेरि म्याद थप्न माग गरिरहेको छ,’ आयोजना प्रमुख पोखरेलले भने, ‘यो क्षेत्रका बासिन्दाले ठूलो सास्ती पाउनुभएको छ । हामी नै जान सक्ने अवस्था छैन । दैनिकजसो फोन आउँछ । यो बाटोको काम अघि बढाउन माथिल्लो क्षेत्रबाटै पहल गर्नुपर्ने देखिन्छ ।’

पूर्वनिर्धारित समयमा निर्माण सम्पन्न नभएपछि ठेकेदार कम्पनीले एक वर्षको समय थप गराएको थियो । उक्त म्याद डिसेम्बरमा सकिँदै छ । तर, सडक आयोजनाको कालोपत्रेको काम हालसम्म १८ प्रतिशत मात्र सम्पन्न भएको छ । गत डिसेम्बरमा म्याद सकिएपछि एक वर्ष समय थपिएको थियो । १९ नोभेम्बर २०१८ मा २ डिसेम्बर २०२१ मा काम सक्ने गरी ठेकेदार कम्पनीसँग सम्झौता भएको हो ।

भारतीय कम्पनी एफको इन्फ्रा प्रालिले सडक बनाउने ठेक्का पाएको छ । एक्जिम बैंक अफ इन्डियाको ऋण सहयोगमा सडक कालोपत्रे गर्ने काम अघि बढाइएको हो । ३६ महिनाभित्रर्मा निण सक्ने गरी ३ करोड २६ लाख १८ हजार ५ सय ४१ अमेरिकी डलरमा कालोपत्रे गर्ने ठेक्का लागेको हो । तर, ठेकेदार कम्पनीले समयमा काम नगर्दा समस्या भएको छ ।

राँके–भेडेटार सडकमा पल्टिएको ट्याक्टर

स्थानीयले सडक कालोपत्रे नै नहुने हो कि भन्ने चिन्ता गर्न थालेका छन् । फाल्गुनन्द गाउँपालिकाका देविचन्द्र आङदेम्बे वर्षा सुरु भएसँगै सडकको पिरलोले सताउने गरेको बताउँछन् । ०७५ पुषमा तत्कालीन प्रधानमन्त्री केपी शर्मा ओलीले सडकको शिलान्यस गरेका थिए । तर, सडकको दुर्दसाले उनीहरूको खुसी हराइसक्यो । ‘बाटो भनेर सुविधा पाइन्छ भन्ने कुरा आशमात्र भया,’ लेखगाँउका सन्जय राई भन्छन् ।

ग्रामिण क्षेत्रका थुप्रै सडक यो सडकमा जोडिने भएकाले सो क्षेत्रका थुप्रै स्थानीय सास्ति व्यहोर्न बाध्य भएका हुन् । ‘सडकको दुःखले कहिले नछाड्ने भयो,’ सप्तमी बजारका पविन माखिम भन्छन्, 'बिरामीलाई अस्पताल पुर्‍याउन पनि समस्या छ ।'

यो सडक पाँचथरको दक्षिणी क्षेत्रका फाल्गुनन्द, मिक्लाजुङ, इलामका देउमाई, फाफोकथुम, माङ्सेबुङ र धनकुटाको चौबेसे र सागुरीगडी हुँदै जान्छ । विभिन्न स्थानीय तहका केन्द्रसमेत यो सडकक्षेत्रमा पर्छन् ।

‘समयमा सडक नबन्दा जनताले ठूलो दुःख पाएका छन् । संघ सरकारले अघि बढाएको आयोजनाको कामले गति पाएको छैन । अब गाँउपालिकाले भए पनि मर्मत गर्छौं,’ फाल्गुनन्द गाँउपालिका अध्यक्ष वृजहाङ आङदेम्बे भन्छन्, ‘यो क्षेत्रको लाईफलाइनको रूपमा रहेको सडकको काम ठेकेदारले समयमा सम्पन्न नगर्दा ठूलो समस्या खेप्नु परेको छ । हामी दबाब दिइरहेका छौँ ।’

प्रकाशित मिति: शुक्रबार, जेठ २७, २०७९ २०:५२

गिरिराज बाँस्कोटा

प्रतिक्रिया दिनुहोस्

भर्खरै

निजी क्षेत्रको मनोबल उच्च बनाउने गरी आगामी बजेट ल्याउँछौँ: अर्थमन्त्री पुन

कांग्रेस संसदीय दलको बैठक स्थगित

लागुऔषधका काराेबारी नियन्त्रणमा लिन बाँके प्रहरीले चलायाे गाेली

५२ सांसदको हस्ताक्षरसहित हिक्मत कार्कीले गरे मुख्यमन्त्रीमा दाबी

पारदर्शिता र सुशासन एक अर्काका पूरक हुन्ः राष्ट्रपति पौडेल

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

जसपा विभाजनले प्रचण्डलाई राहत, माधव नेपालकाे सपना चकनाचुर

विचार

इलाम- २ को उपनिर्वाचनपछि रास्वपा नेतृत्वले बुझाेस्- सधैँसधैँ आँधीहुरी आउँदैन

सूचना प्रविधिको विकासले आउनै लागेको अर्को दुनियाँ

वात्सल्यकी खानी आमा (भिडियो)

ब्लग

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

शिक्षा

संस्कृत विश्वविद्यालयमा सञ्चारमन्त्री शर्मालाई शिक्षाविद्को कोटा, एमाले र माओवादीबीच भागवण्डा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि