सबै सवारीसाधनमा इम्बोस्ड नम्बर प्लेट जडान गर्नु नपर्ने

A+ A A-

साउनसम्म सबै सवारी साधनमा इम्बोस्ड नम्बरप्लेट जडान गर्नुनपर्ने भएको छ । यातायात व्यवस्था विभागले सूचना जारी गर्दै नयाँ दर्ताका लागि आएका सवारीसाधन, फागुनपछि किनबेच भई नामसारी गर्न आएका सवारी साधन र नवीकरण गर्न आएका सवारी साधनमा भने अनिवार्य इम्बोस्ड नम्बर प्लेट जडान गर्नुपर्ने स्पष्ट पारेको छ ।

इम्बोस्ड नम्बर प्लेट जडानसम्बन्धी विभागले यही जेठ २० मा निकालेको सूचना कुनै नयाँ कुरा नभई २२ कात्तिक २०७८ गतेको राजपत्रको सूचनाको निरन्तरता मात्र भएको जनाएको छ ।

यातायात कार्यालयहरू १ मंसिर २०७८ देखि नयाँ दर्ताका लागि आएका सवारीसाधनमा इम्बोस्ड नम्बर प्लेट अनिवार्य गर्नुपर्ने , २०७८ फागुनपछि किनबेच भई नामसारी गर्न आएका सवारीमा इम्बोस्ड नम्बर प्लेट अनिवार्य गर्नुपर्ने र १ जेठ २०७९ पछि नवीकरण गर्न आएका सवारी साधनको समेत इम्बोस्ड नम्बर प्लेट अनिवार्य गर्नुपर्ने कानुनी व्यवस्याको कार्यान्वयनमा उदासिन देखिएकाे भन्दै विभागले दबाब रणनीति अपनाइएको जनाएको छ ।

कार्यालयहरूले जुन गतिमा इम्बोस्ड नम्बर प्लेट जडान गर्नुपर्ने हाे त्यो गतिमा नगरेको र यातायात कार्यालयहरूले यसलाई गम्भिरताको रुपमा नलिएको विभागको आरोप छ ।

२० जेठको सूचना धम्की नभई संसदले बनाएको कानुनमा स्पष्ट भएको कानुनी प्रवन्धको अवस्था प्रति नागरिकलाई सुसूचित बनाएको विभागले जनाएको छ । त्यस्तै पूर्वाधार तयार नभई इम्बोस्ड नम्बर प्लेट कार्यान्वयनमा ल्याइएको भन्ने कुरा सत्य नभएको स्पष्ट पारेको छ ।

हाल विभागमा २ लाख ५० हजार प्लेट उत्पादन भएर स्टोरमा रहेको, आवेदन प्रणली र यसको पर्सनलाइजेसन प्रणाली तयार भइसकेको, फिटिङ गर्ने जनशक्ति आपूर्तीको प्रवन्ध गरिसकेको, नम्बर प्लेट ढुवानी गर्न हुलाक सेवा विभागसगँ सम्झौता भइसकेको विभागले जनाएको छ ।

त्यस्तै, आरएफआइडी गेट इम्बोस्ड नम्बर प्लेट जडान गर्न नभई नहुने पूर्वाधार नभएको र गेट राख्न सडक विभागसगँ छलफल भइरहेको विभागले जनाएको छ ।

प्रकाशित मिति: मंगलबार, जेठ २४, २०७९ १६:२३