सामसुङले ल्यायो नयाँ मोडलको वासिङ मेसिन, ९ केजीसम्म कपडा एकैपटक धुन मिल्ने

A+ A A-

सामसुङले नयाँ मोडलका वासिङ मेशिनहरू बजारमा ल्याएको छ । पूर्णतया आर्टिफिसियल इन्टेलिजेन्स स्वचालित फ्रन्ट लोड यी मेसिनहरूमा एआइ एकोबब्बलका साथै नयाँ एआइ कन्ट्रोल विशेषतासहितका छन् । यी मेसिनले उपभोक्ताको आवश्यकताअनुसार ९ केजीसम्म कपडा एकैपटक धुलाइ गर्न सक्ने कम्पनीले जनाएको छ ।

२०२२ का मेसिनहरू चार नयाँ मोडलहरूमा उपलब्ध छन् र यी मोडलहरू एआइ कन्ट्रोल, इकोबब्बल टेक्नोलोजी र हाइजिन स्टिम जस्ता विशेषतायुक्त रहेको कम्पनीले जनाएको छ ।

एआइ कन्ट्रोलले तपाईंको धुलाइ तरिकालाई सम्झन्छ र बुझ्ने गर्छ, साथै मेशिन लर्निङ प्रयोग गरेर सबैभन्दा उपयुक्त साइकलहरूको सुझाव दिने गर्दछ । यसले लन्ड्री रेसिप, लन्ड्री प्लानिङ्ग, होमकेयर विजार्ड र स्थानमा आधारित सुझावहरू जस्ता स्मार्ट समाधानहरू प्रदान गर्ने गर्दछ ।

२०२२ का वासिङ मेसिनहरूमा सामसुङको स्वामित्व भएको इकोबब्बल प्रविधि जडित छन्, जसले ४५ प्रतिशत अतिरिक्त फेब्रिक केयर उपलब्ध गर्नुका साथै ऊर्जा बचत गर्न मद्दत गर्छ । 'उच्चगुणस्तरको सफाइ र स्वच्छताको सुनिश्चितता दिलाउन सम्पूर्ण नयाँ मोडलहरू हाइजिन स्टिम प्रविधिका साथ उपलब्ध छन् । जसले गढेको मयल तथा ९९.९ प्रतिशत एलर्जि जीवाणुहरू र हटाउन सक्षम छ,’ कम्पनीद्वारा जारी विज्ञप्तिमा भनिएको छ, 'एआइ इकोबब्बल नेपालको पहिलो वासिङ्ग मेसिन हो, जसले मल्टिपल अपसनहरू चलाउने आवश्यकता हटाएर प्रयोगको सहजता प्रदान गर्दै प्रयोगकर्ताको व्यवहारलाई बुझेर सबैभन्दा उपयुक्त धुलाई साइकल सिफारिस गर्दछ ।' अब यो स्मार्ट इन्टरनेट अफ थिङ्ग्स (आइओटी) सक्षम वासिङ्ग मेसिन ग्यालेक्सी स्मार्टफोनहरू, सामसुङ स्मार्ट टिभिजस्तै सामसुङ स्मार्ट उपकरणहरू साथसाथै भ्वाइस उपकरणहरू एलेक्सा र गुगल होमसँग कनेक्ट गर्न सकिन्छ । जसले गर्दा प्रयोगकर्ताहरूले सिमलेस अनुभव लिन सक्दछन् ।

यी सम्पूर्ण नयाँ वासिङ मेसिनहरू नेपालभरका सबै खुद्रा बिक्री साझेदारहरूमा सामसङ्गको आधिकारिक वितरकहरू हिम इलेक्ट्रोनिक्स र त्रिवेणी व्यापारमार्फत् उपलब्ध रहेको बताइएको छ । यी मेसिनहरू ११७,९९० रूपैयाँदेखि उपलब्ध रहेको कम्पनीले जनाएको छ। यी सबै मेसिनमा वारेन्टीसमेत रहेको कम्पनीले जारी गरेको विज्ञप्तिमा उल्लेख छ ।