नवराज पराजुली अब अमेरिका र क्यानडाका कविता कन्सर्टहरूमा, मिस्टिक इकाेजमा सहभागी हुने

नवराज पराजुली अब अमेरिका र क्यानडाका कविता कन्सर्टहरूमा, मिस्टिक इकाेजमा सहभागी हुने

A+ A A-

पछिल्लाे समयमा चल्तीका पर्फर्मेन्स पाेयट नवराज पराजुली असारदेखि कविता कन्सर्टका लागि अमेरिका र क्यानडामा हुनेछन् । यसअघि युराेप, अस्ट्रेलिया, कोरिया यूएई, भारतका विभिन्न शहरमा कविता प्रस्तुति दिइसकेका पराजुलीले जुलाई २ र अगस्ट १३ मा संयुक्त राज्य अमेरिकाको बफ्लो र क्यानडाको विन्डसर शहरमा काव्य, सङ्गीत र फाइन आर्ट समेटेर प्रस्तुति दिन लागेका हुन् ।

फरक फरक शहरमा आयोजना हुने कार्यक्रममा स्थानीय आयोजकका रूपमा बेग्लै संस्थाहरूको सहभागिता हुने भएको छ । पराजुलीका ‘हेब्बी बड्डे’, ‘सगरमाथाको गहिराइ’, पर्खाई, ‘पीर ती, ‘भाषण’, ‘रूख’, ‘खोया’, ‘एक्लै’ लगायत थुप्रै कविताहरू चर्चित छन् । उनकाे कविता कृति सगरमाथाकाे गहिराइ प्रकाशित छ ।

उनकाे कविता प्रस्तुतिकै छेकाे पारेर अमेरिकामा बृहत सांस्कृतिक कार्यक्रमको आयोजना हुने भएको छ । उक्त कार्यक्रममा सात नेपाली भाषी कवि, करिब ३० अन्तर्राष्ट्रिय ख्यातिप्राप्त वाद्यवादकहरू नेपाली सङ्गीत साधक तथा ललितकलाका साधकहरूले आफ्नो कला प्रस्तुत गर्नेछन् । नेपाली काव्य इतिहासमै संभवत पहिलोपटक अर्केष्ट्रामा कविता प्रस्तुत गर्न लागिएको दाबी आयोजक समास फाउन्डेसनको छ । समास फाउन्डेसन नेपाली कला, भाषा र संस्कृतिको अन्तर्राष्ट्रियकरण र व्यावसायिकताका लागि कार्यरत संस्था हो ।

भुटानका पहिलो गायक भनेर चिनिने वरिष्ठ गायक प्रताप सुब्बालाई सम्मानसमेत गरिने कार्यक्रममा सङ्गीत जगतकै प्रतिष्ठित अवार्ड ग्रामीको मनोनयनमा परेका वाद्यवादकहरूको समेत प्रस्तुति रहनेछ । कार्यक्रमको लागत करिब १ करोड नेपाली रुपैयाँ रहने आयोजकको अनुमान छ । कार्यक्रममा प्रस्तुति दिने कलाकारहरूमा वरिष्ठ गायक प्रताप सुब्बा, जगदिश समाल, मञ्जु लामा, ईरिक गिरी हुनेछन् । कवि पराजुलीसँगै रूपेश ढुंगाना, नदीश, लिला निशा, उमेश आचार्य, नवीन प्राचीन, आईती राईका कविता समेटिनेछन् ।

कवि तथा लेखक नवराज पराजुलीले शिलापत्रका लागि लेखेका सबै लेख, रचना पढ्न यहाँ क्लिक गर्नुहोस् ।

कवि तथा लेखक नवराज पराजुलीले शिलापत्रका लागि लेखेका सबै लेख, रचना पढ्न यहाँ क्लिक गर्नुहोस् । सङ्गीतकारहरूमा श्याम नेपाली, सुरेशचन्द्र प्रधान, मुस्कान बलम्पाकी, एन्ड्रिु बोर्कोस्व्की, युकी नुमाता युन्सिक, नवीन श्रेष्ठ, सर्वजित राई, लोरा जे (म्युजिक कन्डक्टर) र बफ्लो स्ट्रिङ वर्क्सका वाद्यवादकहरू रहनेछन् । यस्तै ललितकलातर्फ थ्रेट आर्ट स्टुडियोको तर्फबाट देउकुमार राई, सन लिम्बू, खड्ग बल, तिल्चन कालिकोटेलगायतका कलाकारहरूको सहभागिता रहनेछ ।