७.१९ अंकले बजार घटे पनि १०१ कम्पनीका शेयर लगानीकर्ताले कमाए

A+ A A-

बजार घटे पनि १०१ कम्पनीकाे शेयरमूल्य बढेकाे छ । बुधबार ७.१९ अंकले बजार घटे पनि यी कम्पनीका लगानीकर्ताले भने कमाएका छन् ।

बजार खुलेबाट घट्न सुरु गरेको बजारले बन्द हुँदासम्ममा २१३०.७३ बिन्दु कायम गरेको छ । यसदिन कारोबारमा आएका २२७ वटा कम्पनीमध्ये १०१ वटा कम्पनीको शेयरमूल्यमा हरियाली छाएको छ भने ८४ वटा कम्पनीको शेयरमूल्य राताम्मे बन्याे ।

यसदिन मैलुङ खोला जलविद्युतको शेयरमूल्यमा सकारात्मक सर्किट लागेको छ । उक्त कम्पनीको शेयरमूल्य १० प्रतिशतले वृद्धि हुँदा शेयरमूल्य ४८ रुपैयाँले बढेर प्रतिकित्त ५२८ रुपैयाँ कायम भएकाे छ ।

यस्तै, बलेफी हाइड्रोपावरको शेयर मूल्य ९ प्रतिशतभन्दा बढिले बढ्दा नारायणी डेप्लप्मेन्ट बैंक र उपकार लघुवित्तको शेयर मूल्य मूल्य ४ प्रतिशतभन्दा बढिले वृद्धि भएको छ । यी कम्पनीको शेयरमूल्य क्रमशः १२ रुपैयाँ, १६ रुपैयाँ र ५९ रुपैयाँले वृद्धि भएर प्रतिकित्ता १३९ रुपैयाँ, ३८९ रुपैयाँ र १५३५ रुपैयाँ कायम भएको छ ।

साथै, माउन्टेण्ड इनर्जी नेपाल, सिभिल लघुवित्त, अजोड इन्स्योरेन्स, कर्पाेरेट डेप्लप्मेन्ट र मिर्मिरे माइक्रो फाइनान्स डेप्लप्मेन्टको शेयरमूल्य ३ प्रतिशतभन्दा बढिले बढेकाे छ ।

यस्तै, बुधबार बजार ०.३४ प्रतिशतले ओरालो लाग्दा ठूला कम्पनीको सूचक मापन गर्ने सेन्सेटिभ इन्डेक्स पनि १.१६ अकंले ओरालो लागेको छ । १३ समूहका सूचकमध्ये ३ वटा समूहको सुचक हरियो देखिदाँ १० वटा समूह राताम्मे देखिएका छन् ।

यसदिन कारोबारमा आएका २२७ वटा कम्पनीकाे २३ हजार पटकको शेयर कारोबार हुँदा ३० लाख २० हजार कित्ता शेयर किनबेच भएको छ । अघिल्लो कारोबारका दिनको तुलनामा यसदिन कारोबार रकम पनि घटेको छ । बुधबार १ अर्ब ७ करोड ८४ लाख ८४ हजार रुपैयाँ बराबरको शेयर कारोबार भएको छ ।

प्रकाशित मिति: बुधबार, जेठ १८, २०७९ १६:३६