दराजले गर्‍यो प्राउड्ली नेपाली अभियानको घोषणा, स्थानीय ब्रान्डहरूको प्रवर्द्धनमा मुख्य फोकस

दराजले गर्‍यो प्राउड्ली नेपाली अभियानको घोषणा, स्थानीय ब्रान्डहरूको प्रवर्द्धनमा मुख्य फोकस

A+ A A-

नेपालको अग्रणी अनलाइन बजार दराजले 'प्राउड्ली नेपाली–प्रमोटिङ नेपाली ब्रान्ड' नामक आफ्नो नयाँ अभियान शुक्रबारदेखि सञ्चालन गरेको छ ।

विगत र वर्तमान नेपाली बजारमा उच्च गुणस्तरका वस्तु तथा सेवाहरू प्रदान गर्दै आएका नेपाली ब्रान्डहरूलाई हाइलाइट र प्रवर्द्धन गर्ने मुख्य लक्ष्यका साथ उक्त अभियान सुरु गरिएको कम्पनीले जनाएको छ ।

यो अभियान दराजको मूल मूल्यमान्यताभित्र पर्ने कम्पनीको भनाइ छ । आफ्ना प्रत्येक अपरेटिङ क्षेत्रहरूमा स्थानीयकरणमा थप ध्यान केन्द्रित गर्ने कम्पनीको विश्वव्यापी दृष्टिकोणलाई फेब्रुअरीमा नयाँ प्रबन्ध निर्देशक आँचल कुँवरको अनबोर्डिङसँगै बढावा दिइएको थियो र प्राउड्ली नेपाली अभियान, त्यही भिजन हासिल गर्न सुरु गरिएको अर्को धक्का हो ।

साथै, प्राउड्ली नेपाली एक वान टाइम अभियान मात्र नभई वर्षभरि हरेक महिना जारी रहने एक दीर्घकालीन परियोजना भएको पनि कम्पनीले बताएको छ ।

कम्पनीका अनुसार यो अभियानले दराजसँग सम्बन्धित स्थानीय ब्रान्ड र बिक्रेताहरूलाई आफ्नो अनलाइन उपस्थिति बढाउन र आधुनिक डिजिटल युगमा सजिलैसँग व्यापार सञ्चालन गर्न प्रत्यक्ष सहयोग गर्ने प्रयास गर्छ ।

यो अभियानमार्फत दराजले नेपाली ब्रान्डहरूलाई अनलाइनमा आफ्नो उपस्थिति र भिजिबिलिटी बढाउन तथा आफ्नो व्यवसायलाई नयाँ उचाइमा पुर्‍याउन मद्दत गर्ने विश्वास कम्पनीको छ ।

फुलु, जुआस, सीजी डिजिटल, मन्त्र, गोल्डस्टार, यासुडा र थपजस्ता उत्कृष्ट नेपाली ब्रान्डहरूको साथ, यो अभियानले ग्राहकहरूलाई नेपाली ब्रान्डहरूका बारेमा थप जानकारी दिने अवसर प्रदान गर्ने कम्पनीले विश्वास लिएको छ । साथै यो अभियानले स्थानीय ब्रान्डहरूले अन्तर्राष्ट्रियस्तरका उत्पादनहरू प्रदान गर्न नसक्ने औसत नेपाली उपभोक्ताको धारणालाई पनि परिवर्तन गर्न खोजेको छ ।

प्राउडली नेपाली अभियानले त्यो विश्वासलाई परिवर्तन गर्न र ग्राहकहरूलाई नेपाली ब्रान्डहरूलाई समर्थन गर्न तथा उनीहरूका वस्तु तथा सेवाहरूको उपभोग गर्न प्रोत्साहन र उत्प्रेरित गर्न खोजेको दराजको भनाइ छ ।

प्रकाशित मिति: शुक्रबार, जेठ १३, २०७९ १८:१०