गगन थापा भन्छन्– युवालाई पार्टीले अवसर नदिँदा काठमाडौंमा स्वतन्त्र उम्मेदवारले मत पाए

गगन थापा भन्छन्– युवालाई पार्टीले अवसर नदिँदा काठमाडौंमा स्वतन्त्र उम्मेदवारले मत पाए

A+ A A-

नेपाली कांग्रेसका महामन्त्री गगनकुमार थापाले गठबन्धनमा रहेका दलहरूको मत कम आउनुमा दल स्वयम्को संगठन कमजोर रहेको टिप्पणी गर्नुभएको छ । रोल ...

शुक्रवार प्रतिनिधिसभाको बैठकका लागि संसद भवनमा नेपाली कांग्रेसका सांसद तथा महामन्त्री थापाले गठबन्धनका दलहरू पराजय हुनुमा उनीहरूकै संगठन कमजोर हुनु भएको बताए । उनले कांग्रेसका मतदाताले रुखबाहेक अन्य चिह्नमा मतदान गर्ने कुरा पनि गाह्रो भएको बताए ।

पार्टीका उम्मेदवार र नेताहरूले गठबन्धनमा भोट हाल्न आह्वान गरेको भए पनि कांग्रेसका मतदाता कम्युनिष्ट पार्टीको जस्तो संगठित मतदाता नभएकाले कतिपयले नमानेको उनले बताए । उनले गठबन्धनको अहिलेको मत परिणाम स्वभाविक भएको उल्लेख गरे । गठबन्धन गर्दा अर्को दल २० प्रतिशत भएको ठाउँमा कांग्रेसले ८० प्रतिशत मत दिनुपर्ने अवस्थामा केही मत चुहिएर कम पर्न गएको र कांग्रेस ८० प्रतिशत भएको ठाउँमा अन्य पार्टीले २० प्रतिशत थपिदा कांग्रेसको जित सहज भएको उनको विश्लेषण छ ।

महामन्त्री थापाले राजनीतिमा आकांक्षा बोकेका युवाहरूलाई पार्टीले अवसर दिन नसक्दा काठमाडौं महानगरपालिकामा स्वतन्त्र उम्मेदवारले मत पाएको बताए । आगामी दिनमा पार्टीहरूले उम्मेदवार छान्ने तरिका र नयाँ मान्छेहरूलाई पार्टीमा लिएर आउने कुराहरूमा उदार भएमा पार्टीहरूका लागि यस्तो परिणाम नआउने उनको भनाइ छ । उनले प्राप्त मत परिणामबाट पार्टीहरूसँग काठमाडौं महानगरपालिकाका मतदाता सन्तुष्ट नभएको शन्देश आएको पनि बताए ।

उनले स्थानीय तह निर्वाचनको मतपरिणामको सम्बन्धमा गठबन्धनका दलहरू बीचमा आ–आफ्नो पाटी भित्र समीक्षा हुने पनि बताए ।