युवती बलात्कृत प्रकरण : सडक र सदनबाट न्यायको माग, पीडकलाई तत्काल कानुनी दायरामा ल्याउन सभामुखको निर्देशन

युवती बलात्कृत प्रकरण : सडक र सदनबाट न्यायको माग, पीडकलाई तत्काल कानुनी दायरामा ल्याउन सभामुखको निर्देशन

A+ A A-

सौन्दर्य प्रतियोगी बलात्कृत घटनामा संलग्नलाई तत्काल कानुनी दायरामा ल्याउन र बलात्कारसम्बन्धी हदम्याद बढाउन सडक देखि सदनसम्म आवाज उठेको छ ।

सन् २०१४ मा मिस ग्लोबल इन्टरनेसनल प्रतियोगितमा सहभागी युवतीलाई आयोजक ग्लोबल भिजाज् कन्सल्टेन्सीका सञ्चालक मनोज पाण्डेले बलात्कार गरेको आरोप लागेको छ । पाण्डेले आफूलाई प्रतियोगिताको सफलताको पार्टी भन्दै होटल एभरेस्टमा बोलाएर नशालु पेय पदार्थ खुवाएर बलात्कार गरेको आरोप प्रतियोगी युवतीले लगाएकी छिन् ।

उनले त्यस प्रकरणपछि पनि पटक-पटक मानसिक यातना दिएर बलात्कार गरेको युवतीको आरोप छ । त्यस घटनाबारे आफूले पूर्व मिस नेपाल माल्भिका सुब्बालाई जानकारी गराउँदा उनले समेत वेवास्ता गरेको र कानुनी सहायता तथा मनोपरामर्शमा जाँदासमेत आफू उल्टै पीडामा परेको युवतीले भिडियोमा बताएकी छिन् ।

बलात्कारसम्बन्धी घटनाको उजुरी १ वर्षभित्र दिइसक्नुपर्ने मुलुकी अपराध संहितामा उल्लेख छ । संहिताको दफा २ सय २९ मा भनिएको छ,'बलात्कार भएको मितिले एकवर्षभित्र उजुरी दिइसक्नुपर्नेछ ।'

याे घटना आठ वर्ष अघिको रहेकाले पीडकलाई कानुनी दायरामा ल्याउन नसक्ने जिकिर कानुन व्यवसायीहरूले गरेपछि आफू थप प्रताडित भएको युवतीले भिडियोमा बताएकी छिन् । पीडित ती युवतीलाई न्याय दिन र बलात्कारसम्बन्धी घटनामा हदम्याद बढाउन सडकदेखि संसदसम्म आवाज उठेको छ ।

पीडित युवतीलाई न्याय दिलाउन माग गर्दै युवायुवतीहरूले शुक्रबार बिहान ९ बजे बालुवाटारमा प्रदर्शनसमेत गरेका थिए । प्रदर्शनकारीले ‘दोषीलाई कारबाही गर, बलात्कार र यौनजन्य हिंसाका मुद्दाहरूको निर्णय गर्ने फास्ट ट्र्याक अदालतको स्थापना गर, बलात्कार मुद्दामा उजुरी गर्नेलाई हदम्याद हटाऊ’ लगायत नारा लगाएका थिए ।

बलात्कार घटनामा संलग्नलाई तत्काल कानुनी दायरामा ल्याउन र बलात्कारको उजुरीमा हदम्याद व्यवस्था संशोधनको रुलिङ गर्न संसदमा माग भएपछि सभामुख अग्नप्रसाद सापकोटाले त्यस प्रकरणमा मुछिएकाहरूलाई यथासशीघ्र अनुसन्धानको दायरामा ल्याउन निर्देशन दिएका छन् ।

कांग्रेस सांसद गगन थापाले यस विषयलाई संसदमा प्रवेश गराएका थिए । 'यो निकै गम्भीर घटना हो । यसको अनुसन्धान तत्काल होस् । अभियोग लागेकाहरूलाई तुरुन्तै अनुसन्धानको दायरामा ल्याउनुपर्‍यो । र, सभामुखलाई बलात्कारसम्बन्धी हदम्यादमा पुनर्विचारका लागि रुलिङ गर्न आग्रह गर्दछु,' थापाको भनाइ थियो ।

सांसद थापाले यो विषय उठान गरेपछि सभामुख सापकोटाले घटनाको विषयमा आफ्नो गम्भीर ध्यानाकर्षण भएको भन्दै दोषीलाई कानुनी दायरामा तत्काल ल्याउन सरकारलाई निर्देशन दिएका हुन् । 'यौन हिंसाको घटनालाई छानविन गरी त्यसमा मुछिएकाहरूलाई शीघ्र कानुनको दायरामा ल्याउन सरकारलाई म निर्देशन दिन्छु,' सभामुखको रुलिङ छ ।

प्रकाशित मिति: शुक्रबार, जेठ ६, २०७९ १४:४९

शिलापत्र संवाददाता

प्रतिक्रिया दिनुहोस्

भर्खरै

शिक्षकले राजनीति नगरौँ : माओवादी नेता पोखरेल

प्रचण्ड गर्मीले पश्चिम तराईकाे जनजीवन कष्टकर

जनमतले प्रचण्डलाई विश्वासकाे मत दिएपछि मधेशमा नयाँ समीकरणकाे खाका स्पष्ट, जसपा नेपाललाई विस्थापित गर्दै जनमत

‘प्रतिभा डबली’ मा नशिव आचार्यको प्रस्तुति पहिलो

ललितपुरको कुमारीपाटीमा राइटपाथले भोलि ‘ग्रान्ड एजुकेसन कन्क्लेभ’ गर्ने

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

इन्जिनियरको कौशल: आफू जन्मे-हुर्केको ४५ वर्ष पुरानो घरमा क्याफे

विचार

पत्रकारिता र विचारको लडाइँ

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

ललितपुरको कुमारीपाटीमा राइटपाथले भोलि ‘ग्रान्ड एजुकेसन कन्क्लेभ’ गर्ने

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम

विद्यार्थीविहीन विद्यालयमा चार शिक्षक