डा. केसीका माग होइन नेकपाको स्वार्थ बदलियोः कांग्रेस नेता

A+ A A-

प्रमुख प्रतिपक्षी दल नेपाली कांग्रेसका नेता तथा सांसद मिन विश्वकर्माले अनशनरत डा. गोविन्द केसीको माग बदलिएको नभइ नेपाल कम्युनिष्ट पार्टी र त्यो पार्टीका नेताको स्वार्थ बदलिएको आरोप लगाएका छन् ।

उनले गोविन्द केसीका माग ठीक छ भनेर सबैभन्दा पहिले हस्ताक्षर गर्ने नेकपा नेता योगेश भट्टराई र रवीन्द्र अधिकारी पहिलो हस्ताक्षरकर्ता भएको स्मरण गर्दै हाल तिनै नेताहरु केसीको बिरुद्ध स्वार्थवस लागेको आरोप लगाएका छन् ।

‘उहाहरुपछि मात्र गगन थापाजी हो तर केसीका माग ठीक छन् भनेर एक नम्बर हस्ताक्षरकर्ता योगेश भट्टराई हुन्,’ उनले भने ‘अहिले योगेशको स्वार्थ बदलिएका कारण केसीलाइ वेठीक देख्दैछन् ।’

उनले सत्ताको कभरमा नेकपाका नेताले विवेक गुमाएको आरोप समेत लगाए । नेकपा नेता भट्टराईसंगै एउटै मञ्चमा वोल्नेक्रममा बिश्वकर्माले भने, ‘गोविन्द केसीलाई फेल गराएपछि योगेशजी पास हुँला भन्ने होल तर विवेक प्रयोग गर्ने हो भने योगेशजी सरासर झुठ बोलिरहनुभएको छ ।’

विश्वकर्माले प्रधानमन्त्री भनेको मुलुकको अभिभावक र राजनेता भएकोले सम्झौता गरेको विषय कार्यान्वयन गर्नुपर्नेमा जोड दिए । ओली प्रधानमन्त्रीमात्रै नभइ राजनेता भन्दै उनले राजनेताले बोलेको र हस्ताक्षर गरेको कुरालाई ठट्टा मजाकमा पिकनिक जाने विषयजस्तो अथवा कहीँ घुम्न जाने विषयजस्तो बनाउन नहुने तर्क गरे ।

संघीय सरकारले हेर्ने वा सरकारको मातहातमा रहने गठन आदेशका साथ प्रस्तुत गरिएका ११ वटा अस्पतालहरुमध्ये ९ वटा अस्पतालहरुलाई मन्त्रिपरिषदले स्विकृति दिएको र १० र ११ नम्बरका दुई वटा अस्पतालहरु गिरिजाप्रसाद कोइराला र सुशिल कोइराला नाम भएको अस्पतालमा कुनैपनि निर्णय नभएकोले आफूहरुले विरोध गरेको उनले स्पष्ट पारे ।

प्रकाशित मिति: बुधबार, माघ ९, २०७५ १७:३४