यामाहाको रेजेडआर १२५ एफआई स्मार्ट कनेक्ट फिचरसहित नेपाली बजारमा

A+ A A-

यामाहाले सर्वाधिक लोकप्रिय स्कुटर रेजेडआर १२५ स्ट्रिट र्‍याली भर्सन स्मार्ट ‘एक्स कनेक्ट’ फिचरसहित नेपाली बजार सार्वजनिक गरेको छ ।

भृकुटीमण्डपस्थित कम्पनीद्वारा आयोजित ‘महाएक्सचेञ्ज मेला’ को अवसर पारेर नेपालका लागि यामाहाको आधिकारिक बिक्रेता एमएडब्लू इन्टरप्राइजेजले सो स्कुटर सार्वजनिक गरेको हो ।

यामाहाको रेजेडआर १२५ एफआई विशेषगरी फ्युल इफिसिएन्सीलाई प्राथमिकतामा राखेर बनाइएको स्कुटर भए पनि अब स्मार्ट स्कुटरको रूपमा आएको कम्पनीको दाबी छ ।

‘फ्युल इन्जेक्सन’ (एफआई) प्रविधिको प्रवर्तक यामाहाले गत वर्ष सेप्टेम्बरमा नेपालमा यामाहा रेजेडआर १२५ एफआई पहिलो पटक सार्वजनिक गरेको थियो ।

कम्पनीका अनुसार रेजेडआर प्रतिलिटर ५८ किलोमिटर माइलेज प्रदान गर्ने स्कुटर हो । यस स्कुटरको उच्चतम फ्युल इफिसिएन्सी लिखितमा मात्र दाबी नगरी कम्पनीले नियमित रूपमा र्‍याली आयोजना गर्ने गरेको बताएको छ ।

स्मार्ट ‘कनेक्ट–एक्स’ फिचर सुरु गर्न एन्ड्रोइड फोन प्रयोग गर्ने चालकले ‘गुगल प्ले स्टोर’ र ‘एप्पल’ को फोन प्रयोग गर्ने चालकले ‘एप्पल’को ‘एप स्टोर’ मार्फत यामाहाको ‘कनेक्ट–एक्स’ एप डाउलोड गरी उक्त एपमार्फत आफ्नो मोबाइल फोन स्कुटरमा कनेक्ट गर्न सक्नेछन् ।

कम्पनीका अनुसार ‘कनेक्ट–एक्स’ एक्टिभेट गरेपछि चालकहरूले ‘लोकेट माई भहिकल’ मार्फत सहजै आफ्नो स्कुटर ‘लोकेट’ गर्न सक्नेछन् । त्यस्तै, ‘ह्याजार्ड’ फिचरमार्फत आकस्मिक अवस्थाको बेला स्कुटरका चारैवटा इन्डिकेटरहरू बल्छन् र अन्य चालकहरूलाई सूचना दिने काम गर्छ ।

साथै, ‘राइडिङ हिस्ट्री’मार्फत स्कुटरसँग गरिएको प्रत्येक यात्राको विवरण हेर्न सक्नेछन् भने ‘पार्किङ रेकर्ड’ मार्फत स्कुटर पार्क गरिएको स्थान सहजै पत्ता लगाउन सक्नेछन् ।

यस्तै, स्कुटर लोकेट गर्न नसकिएको अवस्थामा ‘एन्सर ब्याक’ फिचर सेलेक्ट गर्दा स्कुटरको ‘इन्डिकेटर’ र ‘हर्न’ क्रमशः बल्ने र बज्ने भएकाले स्कुटर सजिलै ‘लोकेट’ गर्न सक्नेछन् ।

‘काठमाडौं रेजियर्स’ फुटबल क्लबको टाइटल स्पन्सरसमेत रहेको उक्त स्कुटर ‘कनेक्ट –एक्स’ फिचरपश्चात् पनि पहिलेकै मूल्यमा उपलब्ध रहेको यामाहा नेपालका सीईओ राजु क्षेत्रीले उल्लेख गरेका छन् ।

प्रकाशित मिति: आइतबार, जेठ १, २०७९ १६:३७