भिभो भी२३ईका दुवै संस्करणको मूल्यमा ३ हजार घटाएको कम्पनीको घोषणा

A+ A A-

चर्चित ब्रान्ड भिभोले मंगलबार भिभो भी२३ईको मूल्य घटाएको घोषणा गरेको छ । यो भी सिरिजको सबैभन्दा लोकप्रिय स्मार्टफोनमध्ये एक हो ।

भी२३ईको ८+१२८जीबी संस्करण अब आधिकारिक रूपमा ४१ हजार ९ सय ९९ र ८+२५६ जीबी संस्करण ४६ हजार ९ सय ९९ मा उपलब्ध रहेको जनाएको छ ।

यी दुवै संस्करणमा ३ हजारले मूल्य घटेको छ । घटेको मूल्य यही १ मेदेखि नेपालका सबै रिटेल स्टोर र ई–कमर्स वेबसाइटहरूमा लागू हुने कम्पनीले जनाएको छ ।

भिभो नेपालका सीईओ माइकलले भने, 'भिभोमा हामी सधैँ हाम्रा प्रयोगकर्ताहरूका आवश्यकताहरू पूरा गर्न लागि परेका छौँ । यो मूल्य घटेको घोषणासँगै हामी नेपालका ग्राहकहरूका लागि हाम्रो प्रतिबद्धता पूरा गर्न सक्षम हुनेछौँ भन्ने आशा गरेका छौँ । भी२३ई उद्योगको अग्रणी फ्रन्ट क्यामेरा र नवीन प्रविधिहरूका साथ डिजाइन गरिएको छ र हामी यस लोकप्रिय उपकरणको मूल्य घटेको घोषणा गर्न पाउँदा उत्साहित छौँ ।'

हालै बजारमा सार्वजनिक गरिएको भी२३ई मा ५० एमपी अटोफोकस सेल्फी पोट्रेट छ । यो स्मार्टफोनमा नवीन प्रविधि, अटो फोकस र एआई एक्सट्रिम नाइट पोट्रेट, मल्टी स्टाइल पोट्रेटलगायत विभिन्न पोट्रेट मोडहरू छन् । भी२३ईको रियर क्यामेरामा ६४ एमपी नाइट क्यामेरा, ८ एमपी सुपर वाइड–एङ्गल क्यामेरा र २ एमपी म्याक्रो क्यामेराको ट्रिपल क्यामेरा सेटअप छ ।

सुपर नाइट मोडका साथ क्यामेराले कम प्रकाश अवस्थाहरूमा एआई मल्टिपल फ्रेमहरूको मद्दतले ब्राइटनेस र अँध्यारोलाई सन्तुलनमा राख्दै उत्कृष्ट प्रदर्शन गर्ने कम्पनीको दाबी छ ।

कम्पनीका अनुसार भी२३ई ८जीबी र्‍याम र १२८जीबी वा २५६ जीबी रोममा उपलब्ध छ । प्रयोगकर्ताले विस्तारित र्‍याम २.० को सहायताले १२जीबीबराबरको अनुभव प्राप्त गर्न ८ जीबी र्‍यामलाई विस्तार गर्न सक्नेछन् । यसबाहेक, यस स्मार्टफोन ४०५०एमएएच ब्याट्रीद्वारा सञ्चालित छ, जसमा ४४ वाट फ्ल्यासचार्ज छ । त्यस्तै यस फोनमा फनटच ओएस १२ छ, जसमार्फत प्रयोगकर्ताहरूले होम स्क्रिनलाई पूर्ण रूपमा कस्टमाइज गर्न सक्छन् ।

७.४१ एमएम अल्ट्रा स्लिम फ्लोराइट एजी ग्लास डिजाइनले भी२३ई लाई आकर्षक लुक प्रदान गर्छ । यस स्मार्टफोनको रङ फ्ल्याट फ्रेम डिजाइन, मुनलाइट स्याडो र सनसाइन कोस्ट रङका आधारमा छनोट गरिएको छ ।

प्रकाशित मिति: मंगलबार, वैशाख २०, २०७९ १४:१९