स्थापितले मजदुरलाई कलम देखाउँदै भने- कांग्रेसलाई चिट्ठी लेख्न र ओलीको अनुहार सम्झिएर सही गर्न बोकेको हुँ’

स्थापितले मजदुरलाई कलम देखाउँदै भने- कांग्रेसलाई चिट्ठी लेख्न र ओलीको अनुहार सम्झिएर सही गर्न बोकेको हुँ’

तस्वीर: सुशील श्रेष्ठ/शिलापत्र

A+ A A-

नेपाल ट्रेड युनियन महासंघ (जिफन्ट) ले मे दिवसको अवसरमा राजधानीमा आयोजना गरेको कार्यक्रममा काठमाडौं महानगरमा एमाले मेयर उम्मेदवार केवश स्थापितले कलम देखाउँदै मजदुरका लागि बोेकेको बताएका छन् ।

काठमाडौंलाई बेरोजगारीले सहजै रोजगारी पाउने थलोका रूपमा विकास गर्न आफूसँग सयौँ योजना भएको मेयरका उम्मेदवार स्थापितले श्रमिकमाझ भाषण गरे । उनले श्रमिकहरूका लागि योजना बनाउन र उनीहरूका हकहित संरक्षण गर्न ऐन बनाएर सही गर्ने एउटा रातो मसीवाला कलम आजदेखि नै बोेकेको भन्दै मञ्चबाट देखाए ।

'मैले बोकेको कलमले पार्टी अध्यक्ष केपी ओलीको अनुहार सम्झिएर श्रमिकका हकहितका लागि सिधै सही गर्छ । मेयर भएको दुई महिनापछि नेपाली कांग्रेसलाई यो काम गरेँ भनेर बुँदा बनाएर लामो चिट्ठी लेख्न पनि याे कलम उपयाेग हुन्छ', उनले भने ।

महानगरपालिकामा प्रशासनिक सुधारको खाँचो रहेको औँल्याउँदै उनले अब एमालेले मात्र यो महानगर बनाउन सक्ने दाबी गरे । ‘कांग्रेसका सबै एजेण्डामै केन्द्रित भएर काम गरेपछि महानगरपालिकाका मेयरको आलोचना हुँदैन । त्यसपछि उनीहरू मेयरले काम गर्‍यो केही भन्नुहुँदैन भनेर चुप बस्छन्’, उनले भने, ‘महानगरपालिकाभित्र कमिसन खाएको भन्ने थाहा पाएपछि ठाउँको–ठाउँ छाप लगाएर निलम्बन गर्छु । यति गरेपछि कमिसन घट्छ । त्यसपछि नयाँ घुस नखाने कर्मचारी ल्याएर काम गर्छु ।’

काठमाडौंको मेयर भए पाँच वर्षमा ५० लाख रोजगारी सिर्जना गर्नसक्ने भिजन रहेको उनको भनाइ छ । 'म त श्रमिक परिवारको सन्तान हुँ', उनले भने । हजुरबा दरबारभित्र राजाहरूको काम गर्दा कुटाइ खाएर रोजगारी गुमेपछि राजा हटाउन मजदुर आन्दोलन गरेको उनले दाबी गरे ।

यस्तै, श्रमिककै कारण आज नेपालमा स्वतन्त्रता र लोकतन्त्र आएको एमालेबाट उठेकी उम्मेदवार सुनिता डंगोलले बताइन् । उनले आफू महानगरको उपमेयर भए महिलालाई रोजगारी र महिनावारी भएका महिला मजदुरहरूलाई विदा दिने वातावरण बनाउने उद्घोष गरिन् ।

एमालेले आफूलाई महिला मजदुरको हकहितका लागि काम गर्न उम्मेदवार बनाएको बताउँदै उनले महानगरभित्रका महिला श्रमिकहरूको तलब, सुविधा र समस्या समाधानका लागि पहल गर्ने बताइन् ।

मे दिवसको अवसरमा जिफन्टले आयोजना गरेको एक कार्यक्रममा एमालेबाट उठेका काठमाडौंका मेयर–उपमेयरले राजधानीलाई रोजगारी थलो बनाउने भाषण गरे ।

उनीहरूले सीप विकास तालिम केन्द्र, रोजगारी सिर्जना र काठमाडाैंभित्र काम गर्ने महिला श्रमिकहरूलाई महिनावारी भएको समयमा बिदा दिनेसमेत आफ्ना भावी रणनीति भएको काठमाडौंको भृकुटीमण्डपमा मे दिवस मनाउन आएका मजदुरलाई सुनाउन भ्याए ।

मञ्चको अगाडि उभिएर ताली बजाइरहेका श्रमिकहरूलाई मेयर–उपमेयरका उम्मेदवारले आफूहरू नेतृत्वमा आएको एक महिनाभित्र बेरोजगारी समस्या समाधान गर्ने र रोजगारीका अवसर सिर्जना गर्ने भन्दै भाषण सुनाएर मक्ख पारे ।

प्रकाशित मिति: आइतबार, वैशाख १८, २०७९ १५:५०

शिलापत्र संवाददाता

प्रतिक्रिया दिनुहोस्

भर्खरै

राष्ट्रपतिले १ जेठमा संघीय संसदका दुवै सदनको संयुक्त बैठकलाई सम्बोधन गर्ने

सुस्त गतिमा त्रिदेशीय रणनीतिक सडक निर्माण

बजेट अधिवेशनको पहिलो दिन: खोज्दा-खोज्दै नभेटिएको ‘सहमति’

एनएफपिजे नेपालले गर्‍यो चिनियाँ फोटोग्राफरहरूसँग अन्तर्क्रिया

आज दिनभरः छानबिन समिति नबनेसम्म कांग्रेसले संसद चल्ने नदिने, नेपालको अभिव्यक्तिप्रति ओलीको आपत्ति (भिडियो)

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

जसपा विभाजनले प्रचण्डलाई राहत, माधव नेपालकाे सपना चकनाचुर

कलंकीबाट हराएकी स्नेहा सात दिनपछि पशुपतिमा भेटिइन्

विचार

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

इलाम- २ को उपनिर्वाचनपछि रास्वपा नेतृत्वले बुझाेस्- सधैँसधैँ आँधीहुरी आउँदैन

ब्लग

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

शिक्षा

युनिग्लोब स्कुल कमलादीले ५० भन्दा धेरै विद्यालयका शिक्षकलाई तालिम दिँदै

एनसीआईटी कलेजमा डिप लर्निङको विषयमा तीनदिने प्रशिक्षण, ४० जनाभन्दा बढी शिक्षकको सहभागिता

केयूकाे भाषा तथा आमसञ्चार विभागले अन्तर्राष्ट्रिय सङ्गोष्ठी गर्दै