फेसनकै लागि भनेर खर्च गर्दिन : बाबु बाेगटी

A+ A A-

...............................................................................................................................................

‘सान्नानी हिर्काउँला लौरी’ले गीतबाट बाबु बोगटी चर्चाको शिखरमा पुगे । बोगटीका दर्जनौं गीत लोकप्रिय छन् । उनी नायक पनि हुन् । उनी ‘बाटोमुनिको फूल’, ‘देश खोज्दै जाँदा’ र ‘भाले जुधाइ’ चलचित्रमा मुख्य भूमिका थिए ।

उनी नेपाली सांगीतिक क्षेत्रको फेसनेबल गायक रुपमा पनि चिनिन्छन् । उनै बाबु बोगटीसँग शिलापत्रकर्मी पवन बराइलीले गरेको फेसन संवाद :

...............................................................................................................................................

फेसनमा कतिको ध्यान दिनुहुन्छ ?

मलाई सफा हुनुपर्छ, जुन पनि फिट लाग्छ । बजारमा कुन फेसन आयो भनेर म फलो गर्दिनँ । दैनिक जीवनमा त्यति धेरै फेसनेबल हुन्नँ । तर, कुनै अवार्ड कार्यक्रममा जनुपर्याे भने कलर म्याचिङ पहिरन लगाउँछु । राम्रो क्वालिटीको कपडा लगाउँछु ।

फेसन के हो ?

फेसनले मान्छेको व्यक्तित्व झल्काउँछ । उसले गरेको फेसनले व्यक्तिलाई चिनाउँछ । फेसनको स्वभावलाई पनि झल्काउँछ । फेसनले मान्छेको इप्रेसनलाई प्रभाव पार्छ । एक हिसाबले बाहिरी आवरण पनि हो । र, फेसनको महत्त्व पनि छ त्यसैले दैनिक यसले मान्छेले सुहाउँदो फेसन गर्नुपर्छ ।

कहिलेदेखि फेसनेबल हुनुभयो ?

गाउँले परिवेशमा हुर्किएको मान्छे, फेसनसम्बन्धी त्यति ज्ञान थिएन । त्यतिबेला कपडा लगाउन मात्रै पाए हुन्थ्यो । म फेसनमा त्यति ध्यान नदिने मान्छे पनि हुँ । पब्लिक फिगर भएपछि हजारौं दर्शकको बीचमा उभिनुपर्छ । र, सयौं क्यामराले फलो गर्छन् । क्यामरामा देखिँदा पनि कस्तो कपडा लगाएको भन्ने खालाको टिप्पणी हुन्छ त्यसैले अरुका लागि पनि पहिरनमा ध्यान दिनुपर्छ ।

अरूको नजरमा वा समाजका लागि पनि टिपटप बन्नुपर्ने हुन्छ । पब्लिक फिगर भएपछि फेसनमा सेन्सेटिभ भएको हो ।

फेसनकै लागि भनेर कतिको खर्च हुन्छ ?

म कपडामा त्यति ब्रान्ड कन्सियस छैन । आफूसँग भएको कपडालाई मिलाएर लगाउँछु । म एकदम धेरै सपिङ गर्न जाने वा फेसनकै लागि भनेर बढी खर्च गर्दिनँ । जुन चीज आवश्यक पर्छ, त्यही किन्छु त्यसैले फेसनमा बढी खर्च हुँदैन ।

मन पर्ने कलर नि ?

मेरो मन पर्ने कलर डार्क ब्लु र प्लेन हो । प्रायः टिसर्टहरु किन्छु । मिक्स कलरहरु त्यति मन पर्दैन । पाइन्ट, सर्ट र टिसर्ट प्लेनमा किन्छु । त्यसमा आफूलाई म्याचिङ भएको जस्तो लाग्छ ।

भ्रमण जाँदा कस्ता फेसन गर्नुहुन्छ ?

क्लाइमेट हेरेर सपिङ गर्छु । जाडो मौसमा छ भने त्यहीअनुसारको ड्रेस अफ गर्छु । गर्मीमा जिन्स पाइन्ट र टिसर्ट कन्फर्ट लाग्छ । जिन्स प्यान्ट र टिसर्टमा अफूलाई ह्यान्डसम लाग्छ ।

कपडाको पाइन्ट कहिल्यै लगाउँदिनँ । सुट मात्रै लगाउनुपर्याे भन्यो मात्रै । नत्र कपडाको लाउन मन लाग्दैन । अहिले हाफ पेन्ट र टिसर्ट नै लगाउँछु ।

सपिङ सेन्टर ?

नियमित सपिङ गर्ने सपिङ सेन्टर छैन । तर, राम्रो ठाउँमा जान्छु । राम्रो ठाउँमा पैसा बढी गए पनि क्वालिटीका कपडा पाइन्छन् । पछिल्लो समयचाहिँ अलि ब्रान्ड हेर्छु, वर्षमा एउटा लगाउँछु भन्ने चाहना बढेको छ । दुई–चार पैसा बढी पैसा तिर्ने । ब्रान्डको फाइदा जुन चीजको पनि आयु बढी हुनेरहेछ त्यसैले ब्रान्डेट नै लगाउन थालेको छु ।

सेलिब्रेटीलाई बार्गेनिङ गर्न पनि गाह्रो हुन्छ होला नि ?

पहिले संर्घषको जीवनमा बर्गेनिङ गर्थें । अहिले त्यति बार्गेनिङ गर्दिनँ । विदेशतिर गएँ भने सेल लागेको ठाउँमा जान्छु । विदेशमा बार्गेनिङ गर्न मिल्दैन । नेपालमा ब्रान्डेट सपिङ सेन्टरमा बार्गेनिङ गर्न मिल्दैन । त्यसमा मार्जिन ठिक्क राखेको हुन्छ । वल्र्डवाइड एउटै मूल्य हुन्छ ।