एकै दिन सामसुङका तीन स्मार्ट फोन सार्वजनिक, किस्ताबन्दी र एक्सचेन्जको पनि सुविधा

एकै दिन सामसुङका तीन स्मार्ट फोन सार्वजनिक, किस्ताबन्दी र एक्सचेन्जको पनि सुविधा

A+ A A-

सामसुङ इलेक्ट्रोनिक्स कम्पनीले आइतबार एकसाथ ग्यालेक्सी ए सिरिजका तीन मोडलका स्मार्ट फोन सार्वजनिक गरेको छ । कम्पनीले एक पत्रकार सम्मेलनको आयोजना गरी ग्यालेक्सी ए७३ ५जी, ग्यालेक्सी ए५३ ५जी र ग्यालेक्सी ए३३ ५जी नेपाली बजारमा ल्याएको हो ।

यी नवीन उत्पादनहरूको अनावरण सामसुङ इलेक्ट्रोनिक्सका उपाध्यक्ष सङ्गजनपार्क, सामसुङ नेपालका निर्देशक प्रणयरत्न स्थापित र विस्तारित सामग्री सर्जक आकृति राजभण्डारीले संयुक्त रुपमा गरेका हुन् ।

अनावरणपश्चात् प्रणयरत्न स्थापितले यो मोबाइल वास्तवमै के हो भनेर उपस्थित दर्शकहरूको ध्यान खिचे । ग्यालेक्सी ए सिरिज विल्कुलै नयाँ प्रोसेसरद्वारा पावर्ड गरिएको र यसको पहिचान ओआईएसयुक्त एआई क्यामेरा, व्यापकता र चिल्लो डिस्प्ले, आईपी ६७ रेटिङ र धेरै समय चल्ने ब्याट्री जडित रहेको कम्पनीको भनाइ छ ।

यस्तै, नयाँ ग्यालेक्सी ए सिरिजमा ५जी कनेक्टिभिटी, रक्षात्मक ग्रेड सुरक्षा, वातावरण सचेत, स्टाइलिस र छरितो डिजाइन र उन्नत सम्पर्क अनुभवहरू पनि रहेका छन् ।

साथै, सबै उपकरणहरूले मोबाइल अनुभव सधैँ नै अद्भुत भएको सुनिश्चित गर्न वानयूआई र चौथो पुस्ताको स्तरोन्नति गरिएको एण्ड्रोइड ओएस र सुरक्षालाई पनि निरन्तर समर्थन गर्छन् ।

कम्पनीका अनुसार ग्यालेक्सी ए७३ ५जी ८÷२५६ जीबी ने.रु. ७२,९९९ मा उपलब्ध छ र यो अद्भुत खैरो, अद्भुत पुदिना र अद्भुत श्वेत कलरमा उपलब्ध छ ।

ग्यालेक्सी ए५३ ५जी ८÷१२८ जीबी ने.रु. ५५,९९९ मा उपलब्ध छ र यो अद्भुत कालो, अद्भुत नीलो र अद्भूत आरु कलरमा उपलब्ध छ । ग्यालेक्सी ए३३ ५जी ८÷१२८ जीबी ४६,९९९ मा उपलब्ध छ र यो पनि अद्भुत कालो, अद्भुत नीलो र अद्भूत आरु कलरमा पाइन्छ । साथै, ग्राहकहरूलाई यी उत्पादनहरू खरिद गर्न सहज होस् भन्ने उद्देश्यले सामसुङले मासिक किस्ता (ईएमआई) को सुविधा पनि ल्याएको छ । साथै, चुनिएका स्टोरहरूबाट एक्सेञ्ज सुविधा पनि उपलब्ध गराइएको कम्पनीले बताएको छ ।

कार्यक्रममा के–पपग्रुप सेलेस्टिएलले भरपूर मनोरञ्जन प्रस्तुत गरेको थियो र सामसुङले नवीनतम प्रविधिहरूलाई उनीहरूका फोनहरूमा कसरी अनुकूल गर्ने गरेको छ भनेर ए सिरिजको एउटा लघु चलचित्र पनि प्रदर्शन गरेको थियो ।

कार्यक्रमलाई रोचक बनाउन सामसुङले एउटा अद्वितीय उपाय निकालेको थियो, जहाँनयाँ पुस्ताका सामग्री सर्जकहरूलाई निमन्त्रणा गरिएर उनीहरूले आफ्नो सामग्री सिर्जनाको यात्रा कसरी सुरु गरे र सफलता हासिल गरे भनेर उनीहरूको अद्भुत कथा बताउन लगाइएको थियो । यसको सुरु गर्दै युवा सामग्री सर्जक आकृति राजभण्डारीले आफ्नो यात्रा सुरु गर्न लकडाउन कसरी प्रभावकारी सावित भयो भनेर बताइन् ।

त्यस्तै, विपिन स्थापितले फोटोग्राफी र सामग्री सिर्जनालाई आफ्नो पेसा बनाउन आफूले बैंकको जागिर नै छोडेको कथा राखेका थिए । साथै, उनले आफ्नो सामसुङ उपकरण उनले विभिन्न प्लेटफर्महरूमा प्राप्त गरेका लाखौँ लाइकहरूका लागि एक महान् उत्प्रेरक भएको पनि स्मरण गरेका थिए ।

यसै क्रममा घुमन्तेको तर्फबाट कञ्चन राईले आफू कसरी आईटी पृष्ठभूमिबाट घुमफिरको क्षेत्रमा प्रवेश गरेँ भन्नेबारेमा बताएका थिए । सो अवसरमा उनले आफ्नो घुमफिरमा सामसुङ एक हिस्सा भएको र यसमा भएका कन्टेन्ट क्रिएटरमैत्री विशेषताहरू प्रयोग गरेर आफ्नो विषयवस्तुहरू व्यापक बनाउन पनि सहयोग पुगेको बताए ।

कार्यक्रममा मिडियाका लागि आकर्षक लक्की ड्र गरेर भाग्यशाली तीन जना विजेताहरूलाई नयाँ ग्यालेक्सी ए७३, ग्यालेक्सी ए५३ र ग्यालेक्सी ए३३ ५जी प्रदान गरिएको थियो ।

प्रकाशित मिति: आइतबार, वैशाख ११, २०७९ १३:१३