झापामा सत्ता गठबन्धनबाट एकीकृत समाजवादी बाहिरियो, पन्ध्रै पालिकामा उम्मेदवार सिफारिस

झापामा सत्ता गठबन्धनबाट एकीकृत समाजवादी बाहिरियो, पन्ध्रै पालिकामा उम्मेदवार सिफारिस

A+ A A-

सहमति हुन नसकेपछि झापामा गठबन्धनबाट नेकपा एकीकृत समाजवादी बाहिरिएको छ । आफूलाई गठबन्धनमा अपमानजनक ठाउँ दिएको भन्दै एकीकृत समाजवादी बाहिरिएको हो ।

नेकपा एकीकृत समाजवादी प्रचार विभाग प्रमुख तीर्थ सिग्देलका अनुसार गठबन्धनमा सहमति हुने सम्भावना नदेखेपछि पार्टी गठबन्धनबाट बाहिरिएको हो । गठबन्धनमा समाजवादीलाई अर्जुनधारा र कमल गाउँपालिकाको उपाध्यक्ष दिएको थियो । समाजवादीले बिर्तामोड र शिवसताक्षीको उपमेयर दाबी गरिरहेको थियो ।

पन्धै पालिकामा उम्मेदवार सिफारिस

गठबन्धनबाट छुटेपछि नेकपा एकीकृत समाजवादी पार्टीले स्थानीय तह चुनावका लागि झापामा प्रमुख र उपप्रमुख पदका उम्मेदवारहरुको नाम सिफारिस गरेको छ ।

बिर्तामोड नगरपालिका प्रमुखमा चन्द्रकला घिमिरे र चेतानन्द निरौला तथा उपप्रमुख पदमा तीर्थ सिग्देल र श्रीप्रसाद सिटौलाको नाम सिफारिस भएको छ । भद्रपुर नगरपालिका प्रमुख पदमा पुष्प पोखरेल र दुर्गा भट्टराई तथा उपप्रमुखमा पदम लिम्बू, टीका रेग्मी र कुज्जा रु छन् । दमक नगरपालिका प्रमुखमा इन्द्र बुढाथोकी र भरतबाबू कार्की तथा उपप्रमुखमा रामकुमारी तामाङ, हमला प्रसाईं र लक्ष्मी चौधरी छन् ।

मेचीनगर नगरपालिकाको प्रमुख पदमा शारदा शर्मा, अर्जुन पौडेल र लक्ष्मी थिङ तथा उपप्रमुखमा बीपी भट्टराई, शंकर थापा र विमला देवकोटाको नाम सिफारिस गरिएको छ । बुद्धशान्ति गाउँपालिकामा प्रमुखमा दुर्गा आचार्य र पुष्प खतिवडा तथा उपप्रमुख प्रदीप धिमाल सिफारिस भएका छन् । अर्जुनधारा नगरपालिका प्रमुखमा भास्कर काफ्ले र प्रत्युस राना तथा उपप्रमुखमा रमा खवास, प्रेमसागर सापकोटा र अम्बिका खतिवडाको नाम छ ।

कनकाई नगरपालिका प्रमुखमा नारायणसिंह राजवंशी तथा उपप्रमुख पदमा अम्बिका उप्रेती छन् । शिवसतासी नगरपालिका प्रमुख पदमा नवीन इजम र उपप्रमुखमा यसोधा भट्टराईको नाम सिफारिस गरिएको छ । कमल गाउँपालिका अध्यक्ष पदमा हरिमाया मैनाली र खगेन्द्र बाराकोटी तथा उपाध्यक्ष पदमा होमबहादुर बराल, चन्द्रकला भण्डारी र राम भण्डारी छन् । गौरादह नगरपालिका प्रमुखमा खगेन्द्र दाहाल र नारायण राजबंशी तथा उपप्रमखमा लक्ष्मीदेवी चौधरी छन् ।

कचनकवल गाउँपालिका अध्यक्षमा खेपचरण यादव तथा उपाध्यक्ष पदमा मेहरमान राजवंशी छन् । बाह्रदशी गाउँपालिका अध्यक्षमा लक्ष्मी पकुवाल र सीताराम बस्नेत तथा उपाध्यक्षमा शुस्मा मुर्मु छन् । गौरीगन्ज गाउँपालिका अध्यक्ष पदमा हिराकाजी गिरीको नाम सिफारिस गरिएको छ । झापा गाउँपालिका अध्यक्ष पदमा रामबहादुर खड्का तथा उपाध्यक्षमा ईश्वरी दाहाल छन् । हल्दिबारी गाउँपालिका अध्यक्ष पदमा उम्मेदवारको रूपमा टीका पौडेलको नाम सिफारिस गरिएको छ ।

प्रकाशित मिति: बिहीबार, वैशाख ८, २०७९ २२:०१