समाजवादीले मेयर पाउने सुइँको पाएलगत्तै इटहरी कांग्रेसका नेता काठमाडौंमा, राप्रपासँग 'ह्याण्डसेक' गर्ने एमाले तयारी

समाजवादीले मेयर पाउने सुइँको पाएलगत्तै इटहरी कांग्रेसका नेता काठमाडौंमा, राप्रपासँग 'ह्याण्डसेक' गर्ने एमाले तयारी

A+ A A-

विगतका चुनावी परिणाम हेर्दा सुनसरीकाे इटहरी उपमहानगरपालिकामा नेकपा एमाले बलियाे छ । तर विभाजन र विपक्षी गठबन्धनका कारण यसपालिचाहिँ उसलाई सजिलाे छैन ।

एमालेलाई चुनौती दिन सक्ने पार्टी कांग्रेस हाे । तर गठबन्धनमा भागवण्डा मिलाउँदा उसको हातबाट मेयर पद फुत्किने सम्भावना पनि छ । आज दिउँसो प्रधानमन्त्री निवास बालुवाटारमा सत्ता गठबन्धनको बैठक बस्दैछ । साेही बैठकले मेयर कसलाई दिने टुंग्याउनेछ ।

गठबन्धनमा बाँडफाँट गर्दा इटहरी र हेटौँडा नेकपा (एकीकृत समाजवादी)को भागमा पर्न सक्ने चर्चा छ । यसाे हुँदा इटहरीका कांग्रेसजनले समाजवादीका केशवकुमार विष्टलाई भाेट हाल्नुपर्नेछ । गठबन्धनकाे अन्तिम निर्णय कुरिरहेका विष्ट राष्ट्रिय खेलकुद परिषद् (राखेप)का पूर्वसदस्यसचिव हुन् । समाजवादी पार्टी इटहरीले उनलाई मेयर उम्मेदवारका रूपमा निर्विकल्प अघि सारेको छ ।

समाजवादीले इटहरी पाउने सुइँकाे पाएलगत्तै सुनसरी कांग्रेसका नेताहरू काठमाडाैं आइसकेका छन् । केन्द्रीय सदस्य तथा प्रदेश १ संसदीय दलका नेता राजीव कोइराला, जिल्ला सभापति केदार भण्डारी, नगरसभापति हेमकर्ण पौडेल, महाधिवेशन प्रतिनिधि रोहित प्रसाईंलगायत नेता पार्टी नेतृत्वलाई इटहरीकाे गणित बुझाउन प्रयत्नरत छन् ।

आजै दिउँसो काठमाडौं आइपुगेका रोहित प्रसाईं अघिल्लाे निर्वाचनमा मेयर उम्मेदवार थिए । उनले १९ हजार ९ सय ८५ मत पाएका थिए । मेयर जितेकाे एमालेका द्वारिकलाल चाैधरीले २२ हजार ६ सय ८९ मत ल्याएका थिए ।

०७४ को चुनावमा कांग्रेसले २० मध्ये ११ वटा वडा जितेको थियो । एउटा वडा जितेकाे तत्कालीन फाेरम लाेकतान्त्रिक कांग्रेसमा समाहित भइसकेकाे छ । त्यसैले १२ वटा वडामा एक्लै लड्दा पनि जितिने अनि एमाले फुटेकाे असर परेकाले इटहरीकाे मेयर छाड्न नसकिने अडान सुनसरीका नेताले बालुवाटारलाई सुनाइसकेका छन् । 'हामीलाई नै भोट हाल्ने ४० हजार मतदाता छन् । यस्तोमा कमजोर नेकपा एसलाई हामीले मेयर छोड्ने कुरा आउँदैन', प्रसाईंले शिलापत्रसित भने । चुनावको तयारीमा लागिसकेको कांग्रेसले मेयरको साँचो समाजवादीले पाउने भेउ पाएलगत्तै हिजो एकाएक चुनावी गीत सार्वजनिक गरेको थियो । जबकि, त्याे गीत भव्य कार्यक्रम गरी सार्वजनिक गर्ने कांग्रेसको तयारी थियाे ।

कांग्रेसबाट रोहित प्रसाईंसहित हेमकर्ण पौडेल, भीम पौडेल, विकास केसी, कल्पना चौधरी, सूर्य राई, नगेशचन्द्र राई, रमेश पोखरेल, रेखा प्रसाईं, विष्णु डाँगी र रामरोहन चौधरी मेयरका लागि सिफारिस भएका छन् । यीमध्ये पनि राेहित र हेमकर्णमध्ये एकले टिकट पाउन सक्ने कांग्रेस स्राेत बताउँछ । हेमकर्णले लगातार तेस्राेपटक नगर सभापति बनेर इटहरी कांग्रेस हाँकिरहेका छन् ।

तल्लो तहमा जेजस्तो किचलो भए पनि जतिसक्दो छिटो भागबण्डा टुंग्याउनुपर्ने दबाब पाँच दलीय गठबन्धनलाई छ । अरूतिर मिलाउन पनि इटहरी छोड्न कांग्रेस नेतृत्व तयार भएको बताइन्छ । विजय गच्छदार र ज्ञानेन्द्रबहादुर कार्कीलाई भेटेर सुनसरी कांग्रेसका नेताले मेयर नछोड्न दबाब दिएका छन् । तर उनीहरूको दबाब अनि गच्छदार र कार्कीकाे सक्रियता काम लाग्छ वा लाग्दैन, थाहा पाउन गठबन्धन बैठकको निर्णय कुर्नैपर्छ ।

विपक्षी गठबन्धनसँग भिड्न एमाले एक्लै मैदान उत्रिने सम्भावना कम छ । किनकि २०७४ कै जस्ताे सग्लाे ऊ छैन । छुट्टिएकाे समाजवादीले एमालेकाे केही हजार भाेट काट्ने अनुमान गरिएकाे छ । त्यसैले एमालेले राप्रपासँग तालमेल गर्ने सम्भावना छ । वडा नम्बर २ का अध्यक्षसमेत रहेका एमाले नेता हर्कबहादुर मगरका अनुसार राप्रपासित एक चरण छलफल भइसकेकाे छ । तर निचाेडमा पुग्नचाहिँ बाँकी छ । 'विपक्षी गठबन्धन हामीसित लड्न तयार रहेकाले राप्रपासँग छलफल भइरहेकाे छ', मगरले शिलापत्रसित भने ।

फुटकाे भर्पाइ गर्न एमालेले राप्रपा नेता रोहितकुमार कार्की र माओवादीका भीमप्रसाद सुवेदीलाई पार्टीमा भित्र्याइसकेकाे छ । २०७४ सालमा राप्रपाबाट मेयर उम्मेदवार बनेका कार्कीले ३ हजार ७ सय १५ मत पाएका थिए भने माओवादी केन्द्रबाट उपमेयर लडेका सुवेदीलाई मेयर उम्मेदवारभन्दा ज्यादा ४ हजार ८ सय ३१ मत मिलेकाे थियाे । त्याे चुनावमा माओवादीकी मेयर उम्मेदवार हरिमाया जिमीले तीन हजार तीन सय ६४ मत पाएकी थिइन् । माओवादीबाटै संघीय सांसदका उम्मेदवार हिमाल सुवेदी पनि एमाले प्रवेश गरिसकेका छन् । त्यसैले राप्रपा र एमालेकाे गठबन्धन हुँदा इटहरीमा तीव्र प्रतिस्पर्धा हुने अनुमान गरिएकाे छ ।

एमाले इटहरी नगर कमिटीले मेयर द्वारिकलाल चौधरीसहित उपमेयर लक्ष्मी गौतम, नगर कमिटी अध्यक्ष यमकुमार सुब्बा, प्रदेश कमिटी सदस्य एवं इटहरी खानेपानीका अध्यक्ष रामप्रसाद चौलागाईं, पूर्व नगर कमिटी अध्यक्ष रेवतीप्रसाद घिमिरे र जिल्ला सदस्य बन्नुलाल चौधरीकाे नाम उम्मेदवारीका लागि सिफारिस गरेकाे छ । यीमध्ये चाैधरी र चौलागाईं बलिया दाबेदार हुन् ।

इटहरीमा नेकपा एसको स्थिति के छ, परीक्षण हुन बाँकी नै छ । केन्द्रमा भाग मिलाउँदा मेयरको कुर्सी नेकपा एसनजिक पुगेको बताइन्छ । यसबारे गठबन्धनले औपचारिक निर्णय गर्न बाँकी नै छ । गठबन्धनले नेकपा एसकै पक्षमा निर्णय गरेमा केशवकुमार विष्ट तयार बसेका छन् । तर कांग्रेसले मेयर छोड्दै नछोड्ने अडान लिइरहेकाे स्थितिमा नेकपा एसका उम्मेदवारलाई भोट हाल्नुपर्ने कुरा कांग्रेसजनले पूरापूर नस्वीकार्ने कांग्रेस इटहरी नगर कमिटी सचिव विक्रम घिमिरे बताउँछन् । 'यति ठूलो जनमत भएको पार्टीलाई नदिएर जनमत नै नभएको पार्टीलाई उपमहानगर जिम्मा लाउने कुरा हामीलाई स्वीकार्य हुँदैन । यस्तो स्थिति आइपरे नेकपा एसलाई भोट हाल्न कांग्रेसजन बाध्य हुने छैनन्', उनले भने ।

नेकपा एसका उम्मेदवार केशवकुमार विष्ट गठबन्धनका तर्फबाट आफू मेयर हुने सम्भावना ७५ प्रतिशत रहेको बताउँछन् । आफूले टिकट पाए सजिलै जित्ने उनको दाबी छ । उनले शिलापत्रसित भने, 'हाम्रो पार्टी इटहरीमा कमजोर छैन । मैले टिकट पाएमा जित्छु । कांग्रेसका साथीहरूले सहयोग गर्नेमा म ढुक्क छु ।'

अघिल्लो चुनावमा माओवादीले वडा नम्बर १० मा एक वडा सदस्य मात्र जितेको थियो । त्यस हिसाबले इटहरीमा माओवादी कमजोर छ । तर एमालेले राप्रपासँग तालमेल गर्दा सत्ता गठबन्धनका उम्मेदवारलाई माओवादीको मतले खास अर्थ राख्ने छ ।

इटहरीमा यसपालि २७ हजार मतदाता थपिएका छन् । ०७४ चुनावमा ७७ हजार ६ सय ९७ मतदाता थिए नयाँ थपिएकालाई जोड्द याे संख्या एक लाख चार हजार ६ सय २६ पुगेको छ । अघिल्लाे चुनावमा खसेको मतको ५२ हजार पाँच सय २२ मत सदर भएको थियो ।

अघिल्लाे चुनावकाे स्थिति

मतदाता संख्या ७७ हजार ६ सय ९७ थियाे । यसमध्ये खसेकाे मतकाे ५२ हजार पाँच सय २२ मत सदर भएको थियो ।
जम्मा वडा संख्या २० हाे ।
मेयर, उपमेयर र आठवटा वडा एमालेले जितेकाे थियाे ।
मेयर जितेका द्वारिकलाल चौधरीले २२ हजार ६ सय ८९ मत ल्याएका थिए । उपमेयर जितेकी लक्ष्मीकुमारी गौतम २१ हजार आठ सय ४२ मत पाइकी थिइन् ।
दाेस्राे भएका कांग्रेसका रोहितप्रसाद प्रसाईंले १९ हजार नौ सय ८५ मत पाएका थिए । उमेयरमा कांग्रेस उम्मेदवार विमला सिवाकोटीले १८ हजार ३ सय ५२ मत ल्याएकी थिइन् । २० मध्ये कांग्रेसले ११ वडा जितेकाे थियाे ।
राप्रपाका रोहितकुमार कार्कीले ३ हजार ७ सय १५ मत पाएका थिए । उपमेयरमा माया रायमाझीले तीन हजार नौ सय १९ मत ल्याएकी थिइन् ।
माओवादी केन्द्रकी हरिमाया जिमीले ३ हजार ३ सय ६४ मत प्राप्त गरेकी थिइन् । उपमेयरमा माओवादीका भीमप्रसाद सुवेदीले चार हजार आठ सय ३१ पाएका थिए ।
तत्कालीन लाेकतान्त्रिक फाेरमले एउटा वडामा जितेकाे थियाे । फाेरम कांग्रेसमा समाहित भइसकेकाे छ ।

प्रकाशित मिति: मंगलबार, वैशाख ६, २०७९ १५:२२

नवराज कुँवर

प्रतिक्रिया दिनुहोस्

भर्खरै

सुदूरपश्चिमका मुख्यमन्त्रीलाई विश्वासको मत दिन एमालेले 'हतार' नगर्ने

सुरेश राईको कवितासङ्ग्रह 'सम्झनाको फोटोकपी' पोर्चुगलमा लोकार्पण

डडेल्धुरामा ट्याक्टर दुर्घटनाः दुई जनाको मृत्यु, दुई घाइते

आज तीन संसदीय समितिको बैठक बस्दै

सन्दीप लामिछानेको मुद्दामा आज सुनुवाइ हुँदै

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?