हुण्डाईले थापाथलीमा बनाएको हरित शोरुम (भिडियो)

गाडी विक्रेताहरूको लागि थापाथलीमा शोरुम बनाउनु प्रतिष्ठाको विषय हो । त्यसैले पनि सबै जसो ठूला ब्राण्डका गाडीको शोरुम थापाथलीमा छ । २ महिनाअघि मात्रै हुण्डाईले थापाथलीमा दोस्रो शोरुम सञ्चालनमा ल्यायो ।

हुण्डाईको अन्तराष्ट्रिय स्ट्याडर्डअनुसार बनाइएको यो शोरुममा इलेक्ट्रिक गाडी मात्र राख्ने कम्पनीको उद्देश्य हो ।

नेपालका लागि हुण्डाईको आधिकारिक वितरक लक्ष्मी इन्टरकन्टिनेन्टलले इलेक्ट्रिक गाडी मात्र राखी रोरुमको वातावरण नै वातावरणमैत्री बनाएको छ ।

शोरुमको गेट पुग्नेबित्तिकै त्यहाँ अरु शोरुमभन्दा फरक महशुस गर्न सकिन्छ । ग्राहकलाई प्राकृतिक माहोल बनाउन शोरुमबाहिर भित्तामा बिरुवाहरू राखिएको छ भने अगाडि भुइँमा दुबो रोपिएको छ । शोरुम छिरेपछि हुण्डाईको विद्युतीय गाडी आयोनिक, आयोनिक फाइभ र कोना राखिएको छ ।

प्रशस्तै गाडी अट्ने ठाउँ भए पनि उक्त शोरुम इभी मात्र राख्न बनाइएकोले नेपालमा उपलब्ध हुण्डाईका इलेक्ट्रिक गाडीमात्र राखिएको कम्पनीका उपमहाप्रवन्धक दीपक थपलियाले जानकारी दिए ।

‘हामीले त यहाँ प्रयोग हुने विद्युत्‌का लागि पनि सोलार प्रयोग गर्ने की भन्ने सोचेका थियौँ तर, नेपालको विद्युत् सबै हाइड्रो पावर उत्पादन हुने भएकाले यही प्रयोग गर्‍यौँ,’ उनले भने ।

त्यसैगरी शोरुमभित्र पनि गमलामा प्रसस्तै बोटबिरुमा राखिएको छ भने प्लास्टिकजन्य पदार्थ सकेसम्म प्रयोग गरिएको छैन ।

‘शोरुममा छिरेपछि वातावरणमैत्री अनुभव गराउन खोजेका हौँ । शोरुम छिर्ने ग्राहकलाई हामी पानि पनि प्लासटिकको बोत्तलमा नभइ सिसाको बोतल र ग्लासमा दिन्छौँ । ग्लास राख्ने ग्लास होल्डर पनि प्लास्टिकको नभइ पातलाको छ,’ उनले भने ।

ग्राहकलाई सत्कार गर्दा दिइने जुसलगायतका पेय पदार्थ पनि प्लास्टिकको खोल प्रयोग नगरिएको मात्रै राखिएको उनले जानकारी दिए ।

विद्युतीय गाडीको ब्याट्रीको बारेमा जानकारी दिन भित्तामा हुण्डाईको ब्याट्री राखिएको छ भने सँगै कम्पनीले आयोनी फाइभको इन्टेरियर बनाउन प्रयोग गरिएको कटन, मकै, उखु, आलसलगायतका प्राकृतिक वस्तु राखिएको थपलियाले बताए ।

‘हुण्डाईले इन्टेरियर बनाउन कटन, मकै, उखु, आलसलगायतका प्राकृतिक वस्तु प्रयोग गरेको छ । ग्राहकलाई त्यही कुरा जानकारी दिन यसो गरेका हौँ,’ थपलियाले भने, ‘त्यसैगरी शोरुमलाई पारदर्शी र सशेरुमभित्र सोझै प्रकाश छिरोस भन्ने उदेश्यले सकेसम्म भित्ता सिसाकै राखेका छौँ,’ उनले भने ।

यो सोरुमले इलेक्ट्रिक गाडी बेच्ने मात्र नभइ वातावरणको बारेमा सचेतना दिने कम्पनीको विश्वास छ ।

‘विद्युतीय गाडी त हामी अर्को शोरुममा पनि बेच्न सक्थ्यौँ । यती खर्च गरेर नयाँ शोरुम बनाउनुको उद्देश्य नै सर्वसाधरणलाई वातावरणसम्बन्धी सचेतना दिनु हो,’ थपलियाले भने ।