बैंक बन्द गराउने ह्याट्रिक पूरा गरे परशुरामले

A+ A A-

जनता बैंकका प्रमुख कार्यकारी अधिकृत परशुराम कुँवरले बैंक बन्द गर्ने ह्याट्रिक पूरा गरेका छन् । ग्लोबल आईएमई बैंकसँग जनता बैंकको मर्जर तोडिए मात्रै उनको ह्याट्रिक पूरा हुनेछैन ।

गत शुक्रबार ग्लोबल आईएमई बैंक र जनता बैंकबीच मर्जर गर्ने सहमतिपत्रमा हस्ताक्षर भइसकेको छ । मर्जरपछि बैंकको नाम ग्लोबल आईएमई राख्ने र प्रमुख कार्यकारी अधिकृतमा परशुराम कुँवर रहने भनिएको छ ।

सहमतिअनुसार मर्जर प्रक्रिया सम्पन्न भए कुँवर प्रमुख कार्यकारी अधिकृत पदमा कार्यरत रहँदा नै सकिने बैंकको संख्या तीन पुग्नेछ ।

यसअघि उनी प्रमुख कार्यकारी अधिकृत भएकै बेलामा तत्कालीन बैंक अफ एसिया बैंक तत्कालीन एनआईसी बैंकसँग मर्ज भएर एनआईसी एसिया बैंक भएको थियो । त्यसपछि कुँवर प्रमुख कार्यकारी अधिकृतको जिम्मेवारीमा पुगेका तत्कालीन ग्रान्ड बैंक पनि प्रभु बैंकमा गाभिएको थियो ।

को हुन् कुँवर ?

त्रिभुवन विश्वविद्यालयबाट बिजनेस एडमिनिस्ट्रेसनमा स्नातकोत्तर गरेका क्षेत्रीले स्ट्यान्डर्ड चार्टर्ड बैंक नेपाल (तत्कालीन ग्रिनेलेज बैंक)बाट बैंकिङ करिअर सुर गरेका थिए । त्यसपछि उनी नेपाल बैंकको सुधार गर्न विश्व बैंकको टोलीसँगै नेपाल बैंक गएका थिए ।

कुँवरले नेपाल बैंकमा कर्जा विभाग प्रमुख र प्रमुख प्रशासक भएर काम गरे । नेपाल बैंकमा आफ्नो कार्यकाल सकिएपछि बैंकरकै रुपमा भने सिटिजन्स बैंक इन्टरनेसनलको महाप्रबन्धक भएका थिए ।

सिटिजन्स बैंकपछि कुँवर बैंक अफ एसियाको प्रमुख कार्यकारी अधिकृत भएका थिए । बैंक अफ एसिया बैंक एनआईसी बैंकमा मर्ज भएपछि बैंकिङ क्षेत्रबाट बाहिरिएका कुँवर प्रमुख कार्यकारी अधिकृतको जिम्मेवारीसहित ग्रान्ड बैंक फर्केका थिए । पछि ग्रान्ड बैंक पनि प्रभु बैंकमा गाभिएको छ ।

प्रकाशित मिति: सोमबार, असार २३, २०७६ ०४:१८