आचारसंहिता लागू भएको २४ घण्टा नबित्दै लोसपाले विद्यालयमा गर्‍याे पार्टी प्रवेश कार्यक्रम, निर्वाचन आयोगले के गर्छ ?

आचारसंहिता लागू भएको २४ घण्टा नबित्दै लोसपाले विद्यालयमा गर्‍याे पार्टी प्रवेश कार्यक्रम, निर्वाचन आयोगले के गर्छ ?

A+ A A-

आचारसंहिता लागू भएको २४ घण्टा पनि नबित्दै लोकतान्त्रिक समाजवादी पार्टी (लोसपा) ले सप्तरीमा शनिबार आचारसंहिता उल्लंघन गरेको छ । सप्तरीको राजगढ–१ को झुटकीस्थित एक सामुदायिक विद्यालयमा पार्टी प्रवेश कार्यक्रम गरी लोसपाले आचारसंहिताविपरीत भेला गरेको हो ।

कार्यक्रममा लोसपाका केन्द्रीय सदस्य केशव झा, गजेन्द्र मण्डल, जिल्ला अध्यक्ष सुनिलकुमार झा, स्थानीय नेता मुसहरू यादवलगायतको सहभागिता थियो ।

आगोगले शुक्रबार मध्यरातिबाट देशभरि नै निर्वाचन आचारसंहिता लागू गरेको थियो ।

आयोगले जारी गरेको आचारसंहिताको परिच्छेद २ को ४ को ‘ग’ अनुसार कुनै पनि सरकारी कार्यालय वा सामुदायिक विश्वविद्यालय वा विद्यालयको क्षेत्र प्रयोग गरी निर्वाचनसम्बन्धी भेला वा प्रचारप्रसार गर्न वा गराउन नपाइने व्यवस्था छ ।

लोसपाले सामुदायिक विद्यालयको कक्षा कोठामै ब्यानर, चुनाव चिह्न अंकित झन्डासहित भेला तथा पार्टी प्रवेश कार्यक्रम गरेकाे हाे ।

विद्यालयमा कार्यक्रम गरी आचारसंहिता उल्लंघन गरेकोमा लोसपाका केन्द्रीय सदस्य केशव झाले अज्ञानतावस् गल्ति भएको स्वीकारेका छन् । आचारसंहिता लागू हुनुअगावै कार्यक्रम तय भएकाले यस्तो हुन पुगेको झाले बताएका छन् ।

‘तीन/चार दिनअघि नै तय भएको कार्यक्रम थियो । एक्कासी शुक्रबारदेखि आचारसंहिता लागू भइदियो । फेरि शनिबारको दिन विद्यार्थी/बालबालिका नहुने हुँदा पनि कार्यक्रम रोक्नुपर्छ भन्ने जस्तो लागेन’, उनले भने । यस्तो गल्ति अब नदोहोरिने उनले बताए ।

लोसपाले गरेको आचारसंहितालाई लिएर निर्वाचन आयोगले भने हालसम्म पनि औपचारिक निर्णय गरिसकेको छैन । आयोगका सहप्रवक्ता सूर्यप्रसाद अर्याल भन्छन्, ‘कुनै पनि विद्यालय, विश्वविद्यालयमा राजनीतिक प्रचारप्रसारका क्रियाकलाप गर्न पाइँदैन । यसमा ढिलोचाँडो जिम्मेवार राजनीतिक दललाई आयोगले सचेतना गराउन सक्छ ।’

आयोगले शुक्रबारदेखि लागू गरेको आचारसंहिताअनुसार विद्यालय र बालबालिकाको पक्षमा निम्न विषयहरू समेटेको छ ः

१) परिच्छेद २ को ग अनुसार कुनै सरकारी कार्यालय वा सामुदायिक विश्वविद्यालय वा सामुदायिक विद्यालयको क्षेत्र प्रयोग गरी निर्वाचन सम्बन्धि भेला वा प्रचारप्रसार गर्न वा गराउन नहुने ।

२) परिच्छेद २ को ६ अनुसार १८ वर्ष पुरा नभएका बालबालिकालाई निर्वाचन प्रचारप्रसारमा प्रयोग गर्न वा गराउन नहुने ।

३) परिच्छेद ३ को ९ अनुसार सामुदायिक विद्यालयका शिक्षकहरूले कुनै पार्टीको प्रचार प्रसार गर्न नपाउने, विद्यालयको भवन दलगत प्रयोग गर्न दिन नहुने ।

४) शिक्षकहरूले सामाजिक सञ्जाल प्रयोग गरेर पनि दलगत पक्षधरता लिन नपाइने, मत माग्न पनि नपाइने ।

५) परिच्छेद ३ को ११ अनुसार गैरसरकारी संस्थाका पदाधिकारी, कार्यरत कर्मचारीहरूले दलगत पक्षधरता लिन नपाइने, सामाजिक सञ्जाल प्रयोग गरेर समेत मत माग्न, दलगत पक्षधरता लिन नपाइने ।

६) परिच्छेद ४ को ट अनुसार राजनीतिक दल, उम्मेदवार, वा दलका भातृसंगठनले १८ वर्ष पुरा नभएका बालबालिकालाई चुनावी प्रचार प्रसार धर्ना जुलुस आम सभामा प्रयोग गर्न नपाइने ।

प्रकाशित मिति: आइतबार, चैत २७, २०७८ १४:३३

शिलापत्र संवाददाता

प्रतिक्रिया दिनुहोस्

भर्खरै

मदन भण्डारी र जीवराज आश्रितको षड्यन्त्रपूर्वक हत्या भएको झलनाथको दाबी

मन्त्रीबाट किन बर्खास्तगीमा परे शाह

बागमती प्रदेशसभाका संसदीय समितिको सभापति चयनका लागि निर्वाचन प्रक्रिया सुरु हुँदै

सहकारीको रकम हिनामिना प्रकरणमा संसदीय छानबिन समिति बनाउन नेकपा एसको माग

कोशीमा मन्त्रिपरिषद् विस्तारको तयारी, यी हुन् सम्भावित मन्त्री

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

ब्लग

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित