नयाँ वर्षलाई लक्षित गर्दै एनसेलले ल्यायो आकर्षक अफरहरू

A+ A A-

एनसेल आजियाटाले नयाँ वर्षको अवसर पारेर आकर्षक योजनाहरू सार्वजनिक गरेको छ । कम्पनीले ‘न्यु इयर कम्बो अफर र रिचार्ज’ योजना ल्याएको हो ।

कम्पनीले ल्याएका आकर्षक प्याकअनुसार ग्राहकहरूले अल नेट भ्वाइस, अल टाइम डाटा, अल नेट एसएमएस र ननस्टप अन नेट भ्वाइस सेवाजस्ता आकर्षक सेवा बण्डलिङबाट फाइदा लिन सक्छन् ।

‘न्यु इयर कम्बो अफर’

कम्पनीले ल्याएको न्यु इयर कम्बो अफरअन्तर्गत ग्राहकहरूले ७ दिनका लागि करसहित मात्र ९६ रुपैयाँमा १ जीबी अल टाइम डाटा र १०० मिनेट अल नेट टक टाइम सुचारु गर्न सक्नेछन् । त्यस्तै, ग्राहकले १६८ रुपैयाँमा ५ जीबी अल टाइम डाटा र १०० मिनेट अल नेट टक टाइम रहेको अर्को सातदिने प्याक सञ्चालन गर्न सक्छन् ।

ग्राहकले २८ दिनका लागि २९८ रुपैयाँमा २.५ जीबी डाटासँगै २५० मिनेट अल नेट टक टाइमको फाइदा लिन सक्छन् । प्याक सुचारु गर्न एष्ट्रिक्स १७१२३ एष्ट्रिक्स १ ह्यास डायल गर्नुपर्नेछ ।

साथै, प्रिपेड ग्राहकका लागि ७९८ रुपैयाँमा हरेक दिन १ जीबी डाटासहित ननस्टप अन नेट कल सुविधा, ५० मिनेट अफ नेट टक टाइम र १०० अल नेट एसएमएसको फाइदा लिन सक्छन् ।

यस्तै, सोही समयावधिका लागि ग्राहकले ९९८ रुपैयाँमा हरेक दिन २ जीबी डाटा, एनसेल नेटवर्कभित्र ननस्टप कल सुविधा, १०० मिनेट अफ नेट टक टाइम र २०० वटा अल नेट एसएमएस पाउँछन् ।

‘रिचार्ज’ योजनाका फाइदा

'रिचार्ज' योजनाअन्तर्गत ५० देखि ९९ रुपैयाँसम्म रिचार्ज गर्ने ग्राहकले १ दिनको समयसीमा रहेको ५० एमबी सोसल प्याक प्राप्त गर्दछन् ।

त्यस्तैगरी, १०० देखि १९९ रुपैयाँको रिचार्जमा ग्राहकले ३ दिनको समयसीमा रहेको २०० एमबी सोसल प्याक र २०० रुपैयाँ वा सोभन्दा बढीको रिचार्जमा ग्राहकले ७ दिनको समयसीमा रहेको ५०० एमबी सोसल प्याक पाउँछन् ।

चैत २७ बाट सञ्चालनमा आएका यी अफरअन्तर्गत रिचार्ज योजना १५ दिनका लागि मान्य रहने कम्पनीले बताएको छ ।

प्रकाशित मिति: आइतबार, चैत २७, २०७८ १५:५५