२३.३२ अंकले घट्यो नेप्से, कारोबार रकम १ अर्बमा सीमित

A+ A A-

साताको कारोबारको चौथो दिन बुधबार शेयरबजार परिसूचक (नेप्से) २३.३२ अंकले घटेको छ । बुधबार नेप्से ०.९५ प्रतिशतले घटेर २४२८.७५ बिन्दुमा पुगेर बजार बन्द भएको हो ।

कारोबारको पहिलो दिनबाटै घट्न सुरु गरेको बजारले दोस्रो, तेस्रो र चौथो दिन पनि निरन्तरता पाएको हो । अघिल्लो कारोबारका दिन २४५२.०६ बिन्दुमा झरेको नेप्से आज २४२८.७५ बिन्दुमा अडियो ।

बजार घटेसँगै यस दिन ठूला कम्पनीको सूचक मापन गर्ने सेन्सेटिभ इन्डेक्स पनि २.२८ अंकले घटेर ४५५.९४ बिन्दु कायम भएको छ । यस दिन कारोबारमा आएका २२६ वटा कम्पनीको ३८ हजार पटकको शेयर कारोबारमा ४३ लाख ७२ हजार कित्ता शेयर खरिदबिक्री भएको छ । साथै कुल कारोबार भने १ अर्ब ९९ करोड २९ लाख ७१ हजारमा सीमित बन्न पुग्यो ।

यस्तै, आज १३ वटा समूहका सूचकमध्ये होटल्स एण्ड पर्यटन, अन्य र म्युचअल फण्ड समूहको सूचकमा हरियाली छाउँदा १० वटा समूहका सूचक राताम्मे देखिन पुगे ।

यस दिन कारोबारमा आएका कम्पनीमध्ये ३३ वटा कम्पनीका लगानीकर्ताले कमाएका छन् भने १५६ वटा कम्पनीका लगानीकर्ताले गुमाएका छन् ।

बजार घटे पनि यस दिन नेस्डो समृद्धि लघुवित्तको शेयरमूल्यमा सकारात्मक सर्किट लागेको छ । कम्पनीको शेयर मूल्य १४० रुपैयाँले बढेर प्रतिकित्ता १ हजार ५४५ रुपैयाँ कायम भयो । त्यस्तै, सोल्टी होटल र तारागाउँ रिजेन्सी होटलको शेयरमूल्य ३ प्रतिशतभन्दा बढीले वृद्धि भएको छ ।

आज सर्वाधिक गुमाउनेमा इमर्जिङ नेपाल रहेको छ । यस कम्पनीको शेयरमूल्यमा नकारात्मक सर्किट लागेर प्रतिकित्ता १ हजार १९० रुपैयाँ कायम भयो । साथै, सर्वाधिक शेयर कारोबार भने हिमालयन डिस्टिलरीको भएको छ । उक्त कम्पनीको ९ करोड ४१ लाख ५७ हजार कित्ता शेयर खरिदबिक्री हुँदा शेयरमूल्य प्रतिकित्ता ३ हजार ६१० रुपैयाँ पुगेको छ ।

प्रकाशित मिति: बुधबार, चैत २३, २०७८ १६:०७