'आरआरआर'मा साइन गर्न जब रामचरण हिचकिचाए...

A+ A A-

टलिउड सुपरस्टार रामचरण र जुनियर एनटीआर स्टारर फिल्म 'आरआरआर' अहिले चर्चामा छ । सुपरस्टार रामचरण र जुनियर एनटीआरले फिल्ममा पहिलो पटक स्क्रिन सेयर गरे । निर्देशक एसएस राजामौलीले निर्देशन गरेका उक्त फिल्ममा दुवै स्टारले दर्शकको मन जितेका छन् ।

यहीकारण फिल्मसँग सम्बन्धित स-साना कुराले दर्शकको ध्यान खिचिरहेको छ । निर्देशक एसएस राजामौलीलाई यो फिल्म बनाउन करिब ५ वर्ष लाग्यो । फिल्मको कास्टिङ पनि रोचक थियो । जसका लागि निर्देशकले धेरै स्टारलाई सम्पर्क गरे र धेरैलाई आफैँले अस्वीकार पनि गरे ।

फिल्मसँग सम्बन्धित एउटा रोचक कुरा छ । निर्देशक राजामौलीका बुबा केवी विजयेन्द्र प्रसादका अनुसार उनले फिल्मका लागि रामचरण-जुनियर एनटीआर नभई अरु कुनै सुपरस्टारको बारेमा सोचेका थिए ।

पवन कल्याण थिए राजामौलीको पहिलो रोजाइ

उनका बुबाले हालै एक अन्तर्वार्तामा आफ्नो फिल्मको स्क्रिप्टिङ स्टेजमा राजामौलीले सुपरस्टार पवन कल्याणको बारेमा पनि सोचेका थिए । उनले प्रारम्भिक चरणमा निर्देशक राजामौलीले पवन कल्याणलाई फिल्मको लागि मुख्य भूमिकामा साइन गर्न चाहेको बताए । निर्देशक राजामौली कुनै एक भूमिकामा पवन कल्याणलाई कास्ट गर्न चाहन्थे ।

कारणवश त्यो सम्भव भएन । त्यसपछि निर्देशक राजामौलीले रामचरण र जुनियर एनटीआरसँग कुरा गरे । जब निर्देशक राजामौली यस फिल्ममा अल्लुरी सीताराम राजुको क्यारेक्टर लिएर रामचरणमा गए, तब उनी यो चरित्र गर्न हिचकिचाएका थिए ।

यसका लागि उनले आफ्नो तर्फबाट निर्देशक राजामौलीलाई सीधा जवाफ दिएनन्, तर सोच्न समय मागे । रामचरणले बाबु चिरञ्जिवीसँग यस विषयमा धेरै चर्चा गरेका थिए । वास्तवमा रामचरणको समस्या फिल्ममा दुई नायक हुनु थियो । यो फिल्मले उनको स्टारडम घटोस् भन्ने चाहँदैनथे ।

रामचरणका बाबु चिरञ्जिवीले छोरालाई यो भूमिका खेल्न सल्लाह दिएका थिए । छोराको मनको डर निकाले । त्यसपछि रामचरणले यो पात्रलाई आफ्नै काका पवन कल्याणको मुट्ठीबाट निकाले ।

प्रकाशित मिति: सोमबार, चैत २१, २०७८ ०९:३५