‘महाभारत’का युधिष्ठिरले गरे पत्नीसँग सम्बन्धविच्छेद

A+ A A-

स्टार प्लसमा आउँदै गरेको ‘महाभारत’का युधिष्ठिर अर्थात् रोहित भारद्वाजले पत्नी पुनमसँग टाढिने निर्णय गरेका छन् ।

उनी लामो समयदेखि सानो र ठूलो पर्दाबाट गायब थिए । उनको व्यक्तिगत जीवनमा देखिएको उथलपुथल नै यसको कारण हुन सक्ने अनुमान गरिएको छ ।

हालै रोहित भारद्वाजले १६ वर्षको वैवाहिक सम्बन्ध टुट्नुको कारण बताए । रोहितले भारतीय सञ्चारमाध्यम ईटाइम्सलाई दिएको अन्तर्वार्तामा धेरै कुरा खुलासा गरेका छन् । उनले व्यक्तिगत जीवन र वैवाहिक जीवनबारे खुलेर कुरा गरेका छन् ।

सन् २०१७ मा इन्डोनेसिया भ्रमणबाट फर्किएपछि उनी र उनकी श्रीमती पुनमबीच निकै झगडा भएको बताइएको छ । उनका अनुसार बिहेदेखि नै पुनम र उनको बीचमा राम्रो चलिरहेको थिएन ।

त्यो यात्रापछि समस्या झनै बढ्यो । जसकारण कुरा सम्बन्धविच्छेदसम्म पुग्यो । रोहितका अनुसार उनी विगत चार वर्षदेखि श्रीमतीसँग अलग्गै बस्दै आएका छन् ।

रोहितले भने, ‘म विगत चा-पाँच वर्षदेखि एक्लै बस्दै आएको छु । सुरुदेखि नै मतभेद थिए र बढ्दै गयो । विशेषगरी म इन्डोनेसियाबाट फर्केपछि । मैले श्रीमतीसँग कुरा मिलाउन खोजेँ, तर दाम्पत्य जीवन बचाउन सकिनँ ।'

उनीहरूको सम्बन्धविच्छेद् प्रक्रियामा छ ।

रोहित भारद्वाजका लागि पछिल्ला केही वर्ष निकै कठिन रह्यो । उनले सन् २०२१ मा आफ्नी श्रीमतीसँगको सम्बन्धविच्छेद्‌का क्रममा आमा पनि गुमाएका थिए ।

रोहितले भने, ‘हृदयघातका कारण उनको निधन भएको थियो र म अझै पनि यो क्षतिबाट मुक्त छु । म मेरो बुबासँग समय बिताउन मुम्बई र दिल्लीबीच यात्रा गर्दैछु, जो अहिले एक्लै छन् ।'

रोहित र पुनमकी १० वर्षकी छोरी छिन् । रोहित श्रीमतीबाट अलग भएदेखि, उनले छोरीलाई भेट्न पाएका छैनन् । किनकि उनकी छोरी दिल्लीमा आमासँग बस्छिन् । उनले भने, ‘मैले दुई वर्षदेखि छोरीलाई देखेको छैन । आमा गएपछि छोरी टाढा भइन्।'

प्रकाशित मिति: आइतबार, चैत २०, २०७८ १५:१७