केजीएफका यशको संघर्ष, हिरो बन्न गाउँबाट भागेर बेङ्लुरु पुगे, गोजीमा थियो मात्र तीन सय रुपैयाँ

केजीएफका यशको संघर्ष, हिरो बन्न गाउँबाट भागेर बेङ्लुरु पुगे, गोजीमा थियो मात्र तीन सय रुपैयाँ

A+ A A-

भायलेन्स...भायलेन्स..भायलेन्स ! आई डोन्ट लाइक इट । आई अभाेइड..बट..भायलेन्स लाइक्स मी ।

माथिकाे डाइलगले बताउँछ, याे कुनै एक्सन फिल्मकाे संवाद हाे । याे डइलग हाे, 'केजीएफ़-२' काे । र, याे फिल्म केही कलाकार र एक्सनकै कारण चर्चामा छ । अनि जताततै नाम छ अभिनेता यशकाे ।

याे मूलरूपमा कन्नड फिल्म हाे । केजीएफकाे पहिलाे भाग सन् २०१८ मा कन्नड र हिन्दीसमेत कैयाैँ भाषामा रिलिज भएकाे थियाे । फिल्मलाई दर्शकले खुबै मन पराएका थिए । केजीएफ-२ मा सुपरस्टार यशसँगै सञ्जय दत्त, रवीना टन्डन र प्रकाश राज मुख्य भूमिकामा छन् । भाग १ काे सफलताले खासगरी यशलाई निकै उचाइ दिएकाे छ । भाग २ ले उनकाे करियरमा थप फाइदा पुर्‍याउने अनुमान गरिएकाे छ ।

यशकाे सिनेमा यात्रा

दक्षिण भारतीय सिनेमामा यशकाे प्रवेश यात्रा राेचक छ । घरबाट भागेकाे, थिएटरकाे ब्याक स्टेजदेखि हिराेकाे पर्दामा आउँदासम्मकाे कथा उनकाे जीवन संघर्ष हुन् ।

'फिल्म क्याम्पेनियन'लाई दिएकाे अन्तर्वार्तामा यशले भनेका थिए, 'म नयाँ-नयाँ याे इन्डस्ट्रीमा आएका बेला साेच्थेँ- तपाईं कहाँ, कुन पृष्ठभूमिबाट आउनुभएकाे हाे, यसले कुनै फरक पार्दैन बरू तपाईंलाई आफ्नाे काम आउँछ कि आउँदैन, दर्शकले तपाईंलाई मन पराउँछन्, पराउँदैनन्, यस्ता कुराले फरक पार्छन् ।'

यशकाे यात्रा नवीन कुमार गौडाका रूपमा सुरू हुन्छ तर 'बलिवुड हंगामा'का साथ र्‍यापिड फायरमा याे नामले बाेलाइएकाे बारे प्रश्नमा उनी भन्छन्, 'मलाई कसैले याे नामबाट बाेलायाे भने मान्छेकाे पहिलाे रियाक्सन हुन्छ, काे हाे याे ?'

किनकि, धेरैजसाेले उनलाई याे नामले चिन्दैनन् ।

'द न्यूज मिनट'सँगकाे साक्षात्कारमा यशले भनेका थिए, उनका बुवा बीएमटीसीमा बस चलाउँथे । उनी चाहन्थे, आफ्नाे छाेरा सरकारी जागिरे बनाेस् । तर यश अरू केही हुन चाहन्थे । उनी नाटक र नृत्य प्रतिगाेगितामा भाग लिन्थे । त्याे बेला पनि उनका लागि सिट्टी बज्थ्याे । त्यसले उनीभित्र हुर्किरहेकाे कलाकारितालाई ऊर्जा दिन्थ्याे ।

यशका अनुसार उनी बच्चा बेलादेखि नै हिराे बन्न चाहन्थे । नाटक र डान्समा भाग लिन्थे । दर्शकहरूले खुसी भएर ताली र सिट्ठी बजाएकाे हेर्न उनलाई खुब मन पर्थ्याे । दर्शकले यस्ताे गरिदिँदा उनलाई लाग्थ्याे- म हिराे नै हुँ ।

अन्तर्वार्तामा उनले बताएअनुसार उनी घरबाट भागेर हिराे बन्न बेङ्गलुरु पुगेका थिए । तर त्यहाँ पाइला राख्नेबित्तिकै उनी डराए । उनकाे गाेजीमा केवल ३० रुपैयाँ थियाे तर घर फर्किँदा उनी फेरि त्याे शहरमा फर्केर आउन नपाउन सक्थे ।

उनी आफूलाई संघर्षबाट डर नलाग्ने बताउँछन् । बेङ्गलुरुमा उनले थियटरमा ब्याकस्टेजमा काम गर्न थाले । फिल्म इन्ड्रस्टीकाे संघर्ष पनि सँगसँगै सुरू भयाे ।

यशले फिल्मी दुनियाँमा आफ्नाे करियरकाे सुरुवात सन् २००८ मा बनेकाे कन्नड फिल्म 'मोगिना मनासु' बाट गरे । याे फिल्मका लागि उनले 'बेस्ट सपोर्टिङ ऐक्टर' काे फिल्म फेयर अवार्ड पनि पाए । यसपछि उनी 'राजधानी', 'गजकेसरी', 'मास्टरपिस', जस्ता फिल्मबाट लोकप्रिय हुँदै गए ।

उनकाे विवाह अभिनेत्री राधिका पण्डितसँग भयाे । राधिका र यशले केही इन्टरभ्युमा बताएअनुसार केही वर्षकाे डेटिङपछि उनीहरूले विवाह गरेका हुन् । उनीहरूका दुई बच्चा छन् ।

यशकाे इच्छा

बलिउडमा यश नवाजुद्दीन सिद्दिकीसँग काम गर्न चाहन्छन् । किनकि यश उनलाई उत्कृष्ट अभिनेता मान्छन् ।

शाहरुख खान उनका प्रेरणास्राेत हुन् । अमिताभ बच्चनलाई यश 'ट्रू जेन्टलमेन' भन्छन् ।

यश अक्सर अन्तर्वार्तामा भन्ने गर्छन्- दर्शकले मलाई यस कारण पनि मन पराएका, माया गरेका हुन सक्छन्, किनकि म गाउँबाट आएर हिराे बन्ने यात्रामा हाेमिए । याे कुराले दर्शकलाई पनि प्रेरित गरेकाे हुन सक्छ ।' (बीबीसी हिन्दी)

प्रकाशित मिति: शनिबार, चैत १९, २०७८ १०:१८