भिभो भी२३ई सार्वजनिक, ग्राहकहरूबाट राम्रो प्रतिक्रिया पाएको कम्पनीको दाबी

भिभो भी२३ई सार्वजनिक, ग्राहकहरूबाट राम्रो प्रतिक्रिया पाएको कम्पनीको दाबी

A+ A A-

भिभो ब्रान्डले हालै नेपालमा भी२३ई सार्वजनिक गरेको छ । विश्वबजारमा धेरै प्रख्यात भी शृंखलामा हालै थपिएको भी२३ईले नेपालमा ग्राहकहरूबाट राम्रो प्रतिक्रिया पाएको कम्पनीको दाबी छ ।

दुई दिनभित्रमा देशभरबाट आएका धेरै प्रि–बुकिङ अर्डरहरूले पनि यसको सफलतालाई दर्शाएको छ । भिभोले हालै भी२३ई को ‘भीआर गोर्जस’ व्यक्तित्व झल्काउने नेपालका मुख्य प्रभावशाली व्यक्तित्वहरू–प्रदीप खड्का, सुकदेव कार्की, सजन श्रेष्ठ, भेक र एन्जल महर्जनलगायतसँग सहकार्य गरेको छ ।

भिभोले ती प्रभावशाली व्यक्तिहरूलाई उनीहरूको फ्यानबेससँगका मानिसहरू खास गरी भिन्नताका बाबजुद सुन्दर छन् भन्ने मर्म जगाउन र आफ्नो सुन्दर रुपान्तरण कथाहरू बताउन प्रोत्साहित गरेको छ ।

यस सहकार्यमा प्रदीप खड्काले यस पुस्ताले भित्री सुन्दरता अनुभव गर्न बढ्दो आवश्यकताबारे आफ्ना विचार राखे । उनी भन्छन्, ‘हाम्रो पुस्ताले सामाजिक सञ्जालको युगमा जन्मिने सुअवसर पाएका छन् । तैपनि, हामी एकदमै कम सामाजिक भइरहेका छौँ । हामी निरन्तर बाह्य प्रमाणीकरण खोज्दै अरू मानिसहरूले के सोच्छन् भनेर अल्झिरहेका छौँ । यो आफ्नो कम्फर्ट जोनबाट बाहिर निस्किएर आफ्नो वास्तविक भित्री क्षमता पहिचान गर्दै आफू जे–जस्तो हुनहुन्छ, त्यसमै सुन्दर महसुस गर्नेे उच्च समय हो ।’

त्यसैगरी, सोबर वाङ डी अर्थात् छिरिङ वाङ डीले लागुऔषधको लतबाट मुक्तिको लामो रुपान्तरण यात्राबारे खुलासा गरे । सोबर वाङ डीजस्ता व्यक्तित्वहरूको साथ उभिएर भिभोले रूपान्तरणमा मानव जीवनको एक हिस्सा भएको विश्वास गर्ने ब्रान्डको रूपमा आफूलाई सही रूपमा प्रदशर्¬न गरेको छ ।

यो सहकार्यले धेरै मानिसहरूलाई आफ्नो रुपान्तरणको यात्राबारे खुलेर बताउन प्रेरित गर्‍यो । भिभोले सबैको आफ्नो एउटा सुन्दर कथा हुन्छ भन्ने विश्वासका साथ ‛शेयर योर गोर्जर स्टोरी’ नामक प्रतियोगिता सुरु गर्‍यो, जसमा सहभागी भई दुई भाग्यशाली विजेताहरूले प्रदीप खड्कासँग फिचर हुने अवसरका साथै प्रत्येक ५ हजार नगद पुरस्कार जित्ने मौका पाउनेछन् ।

यस्ता छन् भी२३ईका विशेषता ?

भी२३ईले आफ्ना प्रयोगकर्ताहरूलाई सुन्दर सेल्फी अनुभव प्रदान गर्न फ्रन्टमा उच्च रिजोलुसनको ५० एमपी अटो फोकस पोट्रेट सेल्फी क्यामेराको विशेषता ल्याएको छ । यसमार्फत प्रयोगकर्ताहरूले प्रत्यक्ष रूपमा भी२३ईको ‘भीआर गोर्जस’ ट्यागको सही रुपमा अनुभव लिन पाउनेछन् ।

यसमा आइसोसेल ३.० प्रविधि छ जसले तस्वीर खिच्ने क्रममा प्रकाशको संवेदनशीलता बढाएर फोटोको गुणस्तरलाई अझ बढाउँछ । साथै, प्रयोगकर्ताहरूले यस प्रविधिमार्फत उचित प्रकाश नभएको अवस्थामा पनि भिभोको उत्कृष्ट क्यामेरा प्रदर्शनको अनुभव लिन सक्छन् ।

क्यामेरा मात्र नभएर, प्रविधि र डिजाइनको उत्कृष्ट तर सुन्दर संयोजनले गर्दा यस उपकरणले ‘भीआर गोर्जस’लाई पूर्ण रूपमा मूर्त रूप दिन्छ । भिभोको भरपर्दो नवीन टेक्नोलोजीसहितको स्लिक र फ्युचरिस्टिक डिजाइन बजारमा उपलब्ध अन्य प्रतिस्पर्धाबाट यो डिभाइसलाई अलग राख्ने एउटा बिन्दु हो ।

यसमा भएको ८ जीबी र्‍याम र १२८ जीबी÷२५६ जीबी रोमको प्रिमियम स्पेसिफिकेसनले उत्कृष्ट अनुभव प्रदान गर्दछ, जुन अपरिहार्य छ । यो सुन्दर उपकरण एक शक्तिशाली ४०५० एमएएच ब्याट्रीद्वारा सञ्चालित छ, जसमा ४४ वाट फ्ल्यासचार्ज छ, जसले प्रयोगकर्तालाई आफ्नो दैनिक कार्य र गतिविधिहरूभन्दा राम्रो प्रदर्शन गर्न अनुमति दिन्छ ।

प्रकाशित मिति: बिहीबार, चैत १०, २०७८ १३:१८