कांग्रेस बागमतीमा कोषाध्यक्ष मनोनीत, समिति र विभाग गठन

A+ A A-

नेपाली कांग्रेस बागमती प्रदेश कार्यसमितिको हेटौंडामा सोमबार साँझ सम्पन्न बैठकले कोषाध्यक्ष मनोनीत गरेको छ । र समेत विभाग गठन गरेको छ ।

प्रदेश सभापति इन्द्र बानियाँको अध्यक्षतामा बसेको बैठकले कोषाध्यक्षमा दीर्घमान श्रेष्ठलाई चयन गरेको हो । बैठकले १६ सदस्यीय कार्यसम्पादन समितिसमेत थप गरेको छ । समितिको सदस्यहरूमा प्रभात तामाङ, सन्तबहादुर प्रजा, प्रमोद रिमाल, ईन्द्रमान महर्जन, तारा गुरुङ्ग, कैलाश कोइराला, गंगा दाहाल रहेका छन् । अर्जुन उप्रेती, नातिकाजी कार्की, सरु बानियाँ, विवशकुमार वाइबा, जितबहादुर मगर, चित्रबहादुर कार्की, महान अर्याल, डा भगवान खड्का र लक्ष्मी महर्जन कार्यसम्पादन समितिमा चयन भएका छन् ।

बैठकले बागमती प्रदेशका मन्त्रीहरूलाई समेटेर ९ सदस्यीय प्रदेश संसदीय समिति गठन गरेको छ । समितिको सदस्यहरूमा जगदिशनर सिंह केसी, भौतिक पूर्वाधार विकास मन्त्री कृष्णलाल भँडेल, स्वास्थ्यमन्त्री निमा लामा, लामा कार्पु तामाङ, तिलक रुवाली, दीपेन्द्र आचार्य, भद्रा भण्डारी, छिरिङ्ग दोर्जे लामा र अर्जुन न्यौपाने रहेका छन् ।

बैठकले कांग्रेस बागमती प्रदेशको प्रवक्तामा तिलक रुवाली, लेखा समपति संयोजक कृष्णकुमार श्रेष्ठ (सिन्धुली) र सहमहामन्त्री हरिशरण श्रेष्ठको संयोजकत्वमा चम्फुरत्न लामा र तारादेवि दुलाल पन्त सदस्य रहेको प्रदेश अनुशासन समिति गठन गरेको छ । कानुन तथा संसदीय मामिला विभागमा सानुकान्छा श्रेष्ठ, प्रदेश तथा स्थानीय निकाय उपेन्द्र लम्साल, भातृ संस्था समन्वय विभागमा प्रज्वल दवाडी, पेसागत तथा बुद्धिजीवीमा प्राडा केशवभक्त सापकोटा छन् ।

त्यस्तै भाषा, साहित्य कला संस्कृतिमा धनकुमारी थापा (सरु), शिक्षा विज्ञान तथा प्रविधिमा रमेशकुमार बखती, स्वास्थ्य विभागमा डा अमित सिं कार्की, गैरसरकारी संस्था तथा सामाजिक सेवामा रुकु अधिकारी, उद्योग व्यापार वाणिज्य तथा आपूर्तिमा निर्मला पण्डित, युवा तथा खेलकुदमा राजिव पौडेल, ट्रेड युनियन तथा श्रमिकमा भगवती कुमारी खड्का र वैदेशिक रोजगार समन्वय विभागमा सविन तामाङ्ग संयोजक रहेका छन् ।