यस्ताे बन्याे पञ्जाबकाे मन्त्रीमण्डल- डाक्टर, इन्जिनियरदेखि किसानलाई माैका, कान्छा मन्त्री ३१ वर्षका

यस्ताे बन्याे पञ्जाबकाे मन्त्रीमण्डल- डाक्टर, इन्जिनियरदेखि किसानलाई माैका, कान्छा मन्त्री ३१ वर्षका

A+ A A-

भारतकाे पञ्जाबमा आम आदमी पार्टीका नेता भगवन्त मानले आफ्नाे मन्त्रीमण्डल गठन गरेका छन् । नयाँ मन्त्रीहरूले आज शपथ लिनेछन् । उनकाे क्याबिनेटमा लगातार दाेस्राे पटक जित हात पारेका विधायक छन् । युवा छन् । डाक्टर, इन्जिनियर, वकिल, समाजसेवी अनि किसानले माैका पाएका छन् ।

मानकाे मन्त्रीमण्डलमा तीन वकिल, दुई-दुई डाक्टर र किसान परेका छन् । यस्तै, एक-एक इन्जिनियर, व्यवसायी र समाजसेवीले पनि ठाउँ पाएका छन् । मन्त्रीमण्डलमा परेकी एक मात्र महिला मन्त्री बलजीत काैर आँखाकी डाक्टर हुन् ।

चुनावअगाडि सरकारी जागिर छाेडेर उनी आम आदमी पार्टीमा प्रवेश गरेकी थिइन् । काैरका बुवा प्राेफेसर साधु सिंह सन् २०१४ मा फरीदकाेटबाट आम आदमी पार्टीका सांसद थिए । भारतीय सञ्चारमाध्यमकाे सहयाेगमा मान मन्त्रीमण्डलबारेः

युवालाई माैका

भगवन्त मानकाे मन्त्रीमण्डलमा युवा अनुहार देखा परेका छन् । अजनालाबाट जितेका ६० वर्षे कुलदीप सिंह धालीवाल मान क्याबिनेटका सबैभन्दा जेठा मन्त्री हुन् ।

मुख्यमन्त्रीसहित कुल ११ सदस्यीय मन्त्रीमण्डलमा ३१ वर्षका हरजाेत सिंह सबैभन्दा कान्छा मन्त्री हुन् । ३२ वर्षका गुरमीन सिंह मीत हेयर दाेस्रा तथा ४० वर्षका लालजीत सिंह भुल्लर तेस्रा कान्छा मन्त्री हुन् ।

क्याबिनेटमा अटाएका ६ मन्त्रीहरूकाे उमेर ५० वर्षभन्दा कम छ । यसमा ४६ वर्षीया डाक्टर बलजीत काैर, ४७ वर्षका हरपाल चीमा र ४८ वर्षका मुख्यमन्त्री भगवन्त मान छन् । ५० वर्षभन्दा बढी उमेरका पाँच मन्त्रीमा ५१ वर्षे लाल चन्द, ५२ वर्षका विजय सिंगला, ५३ वर्षका हरभजन सिंह ईटीओ, ५६ वर्षे ब्रम शंकर र ६० वर्ष उमेरका कुलदीप सिंह धालीवाल छन् ।

दुई मन्त्री दस अनि दुई १२ पास

भगवन्त मान मन्त्रीमण्डलमा रहेका मन्त्रीमध्ये अजनालाबाट जितेका कुलदीप र भाेआबाट निर्वाचित लाल चन्द केवल दस पास हुन् । चुनाव प्रचारमा धालीवालले आफूलाई किसान अनि लाल चन्दले आफूलाई समाजसेवी बताएका थिए ।

१२ पास मन्त्रीहरूमा पट्टीबाट जितेका लालजीत सिंह भुल्लर र होशियारपुरबाट जितेका ब्रम शंकर छन् । मुख्यमन्त्री भगवन्त मान पनि १२ पास हुन् ।

मुख्यमन्त्री भगवन्तसमेत सात मन्त्रीविरुद्ध चलिरहेकाे छ मुद्दा

क्याबिनेटमा रहेका ११ मन्त्रीमध्ये सात जनाविरुद्ध आपराधिक मुद्दा चलिरहेकाे छ । याे सूचीमा मुख्यमन्त्री भगवन्त मान पनि पर्छन् । उनीविरुद्ध सरकारी काममा बाधा अनि कर्मचारीलाई चाेट पुर्‍याएकाे आरोप छ । सातमध्ये पाँच मन्त्रीविरुद्ध एक-एक मुद्दा चलिरहेकाे छ भने लालजीत सिंह भुल्लरविरुद्ध तीन र गुरमीत मीत हेयरविरुद्ध पाँच मुद्दाकाे सुनुवाइ हुन बाँकी छ ।

मुख्यमन्त्रीसहित ९ मन्त्री कराेडपति

क्याबिनेटमा रहेका १० मध्ये आठ मन्त्री कराेडपति हुन् । मुख्यमन्त्री भगवन्त मान आफैँ कराेडपति नेता हुन् । अर्थात् क्याबिनेटका ९ जना कराेडपति अटाएका छन् । लाल चन्द र गुरमीत मात्र कराेडपति हाेइनन् । क्याबिनेटका सबैभन्दा गरिब मन्त्री हुन् लाल चन्द । उनीसँग केवल ६ लाख १९ हजार छ । ५६ वर्षका शंकरसँग ८ कराेड ५६ लाख कुल सम्पत्ति छ ।

प्रकाशित मिति: शनिबार, चैत ५, २०७८ १०:५०