हामीले सिफारिस गर्‍याैँ वर्षव्यक्ति ०७८, टुंगो लगाउने जिम्मा तपाईंको (फारमसहित)

हामीले सिफारिस गर्‍याैँ वर्षव्यक्ति ०७८, टुंगो लगाउने जिम्मा तपाईंको (फारमसहित)

A+ A A-

प्रिय पाठक,

काेभिड महामारीकाे असर देशकाे ढुकुटीदेखि नागरिककाे चुल्हाेसम्म परेकाे छ । काेभिडकालमै हामीले देशकाे राजनीतिक चित्रमा पनि अदलाबदली देख्याैँ । एकातिर जनस्वास्थ्यमा परेकाे आपत्, अर्कातिर राजनीतिक लुछाचुँडी, यी सबै परिस्थितिका कारण याे वर्ष पनि तपाईं–हामी आतेश, आशा, आशंका र आवेगबाट गुज्रियाैँ ।

अघिल्लाे सालझैँ बितेर जाँदै गरेकाे वर्ष ०७८ का पानालाई एकपल्ट तपाईंसँगै मिलेर पल्टाउन खाेज्दैछाैँ । बितेकाे वर्षकाे समीक्षाले देशलाई आगामी वर्ष सुझबुझपूर्ण कदम चाल्न सघाउ पुर्‍याओस् भन्ने हाम्राे ध्येय हाे ।

अघिल्लाे वर्ष २०७७ कै जस्ताे, हामी तपाईंसँग मल्टिमिडिया अन्तर्क्रिया गर्न लागिरहेका छौँ । यो समाचार पढिसकेपछि तपाईंले एउटा गुगल फारम पाउनुहुन्छ । वर्ष ०७८ का वर्षव्यक्ति, समाचार निर्माता छान्ने काममा तपाईंहरूकाे पनि सहभागिता रहाेस् भनेर हामीले याे फारम राखेका हाैँ ।

यो वर्षलाई सकारात्मक, नकारात्मक प्रभाव पार्ने, आशा जगाउने वा कुनै पनि रचनात्मक काममार्फत आफ्नो सक्रिय भूमिका स्थापित गरेका पात्रहरू हामीले न्युजरुममा लामो छलफलपश्चात् तयार गरेका छौँ । तर, यसमा पात्रहरू छुटेका हुन सक्छन् । तपाईंबाट प्राप्त सुझावकाे हामी सम्मान गर्ने छाैँ । याे तलकाे गुगल फारम भरी हामीलाई सुझाउनुहुन्छ भन्ने अपेक्षा राखेका छौँ ।

यसैको साथमा 'शिलापत्र वर्षपुस्तक'का चार विधा पनि उल्लेख छन्: आख्यान, गैरआख्यान, कविता र अनुवाद । यसमा समेत पाँच/पाँच पुस्तकका लागि फारममा आफ्नो मत जाहेर गर्न सक्नुहुनेछ । १६ चैत २०७७ देखि १५ चैत २०७८ भित्र सार्वजनिक पुस्तक मात्रै यसमा सामेल हुनेछन् । त्यसयताका पुस्तकलाई अर्को साल समावेश गर्ने नै छाैँ । यसकाे एउटै कारण हाे, ढिलाेगरी छापिएका किताबलाई पढेर मूल्यांकन गर्न चाहिने समयकाे अभाव । कृपया याे प्राविधिक पक्षलाई पाेहाेर सालझैँ यसपल्ट पनि बुझिदिनुहाेला ।

यस वर्षलाई हामीले नाटक विधामा पनि तपाईंले मत दिन पाउने व्यवस्था मिलाएका छौँ । हामीले सिफारिस गरेकामध्ये पाँच उत्कृष्ट नाटकका लागि तपाईंले भोटिङ गर्न सक्नुहुनेछ ।

अघिल्लो साल हामीले गरेको यसै प्रकारको मत संकलनमा पाठकहरूको एकदमै उत्साहप्रद सहभागिता थियो । यस वर्ष पनि उस्तैखाले साथ मिल्ने विश्वास लिएका छौँ ।